تطويل القامة

حياتي إتغيرت من قصر القامة

انا شاب أبلغ من العمر 27 سنة والدي رحمه الله كان طوله 211 سم وأمي تعدت 180 سم بإختصار عمالقة لكن كل عيلة والدي ماشاء الله عليهم بنيتهم الجسدية عالية جداً وانا احتلمت في سن احدى عشر سنة وبدأ بلوغي مبكراً جداً فلم اعش مرحلة الطفولة المتأخرة.

زملائي في الفصل اختاروني بشكل دائم للعب في مركز حارس المرمى ولعبت كرة الطائرة في أكثر من مركز شباب لأن الإشتراك في الأندية كانت غالية ومن المستحيل ان اشارك فيها إلا بدعوة من قريب لي مشترك في النادي وهذا غير متوافر ، بالطبع زملائي يسخروا مني بالنظر لأعلى وكنت أبتسم كثيراً في هذه المواقف وعندما أمر بمكان جديد يسألوني ماهو عملي وهل تزوجت أم لا ؟ مع أني ماكنتش لسة في الثانوية العامة ففي حملة التبرع بالدم بالمدرسة كان طولي وقتها 174 سم ووزني 102 كيلوجرام ، كنت منطوي على نفسي لأني أرى الناس من حولي ملامحهم تختلف عني وعن طول العائلة لكن بنفس الوقت أشعر بالفخر بشكل كبير ، مرت سنين وأصبحت طالب في كلية التربية وكانت معاملتي ممتازة مع البنات عن الشباب رغم علمهم بإنطوائي قليلاً وسذاجتي لكن عرفت السبب انه طولي نعم كانوا معجبون بطولي مع ان نظرتي وقتها إني لم امتلك سرعة البديهة يعني مش مدردح

بعد أن تخرجت من الجامعة عملت مندوب المبيعات ولأول مرة اتعرف على نوعيات شتى من البشر ولكن بالتدريج كرهت الشغل وأصبحت عبء نفسي عليّ مع اني كنت بتعامل بإحترام جداً جداً بصرف النظر عن تحركاتي في المنطقة

في ليلة لم أنساها تعرضت لحادث سير على الطريق السريع تحديداً كنت في عمر 23 سنة وشاء الله ان يكتب لي عمر جديد ، فأصبت بكسر كبير في منطقة العضد وإستمر تجبيري لمدة شهرين لم اتحرك إلا لقضاء الحاجة بمساعدة أخي الوحيد ، وبعد التجبير خضعت للعلاج الطبيعي وكانت مضاعفات الجبيرة هي إصابتي بالتيبس في الكتف نتيجة عدم تحريكي للكتف مكان الحادث وشعرت بالتحسن لكن تأتي الرياح بما لا تشتهي السفن !!

داومت على الخروج من المنزل وفي يوم اتصل بي زميل في شركة التسويق التي عملت بها واحترمه جداً جداً رفضت أول الأمر العودة للتسويق لكن مع إصراره عملت مرة آخرى لكن العملاء عاملوني بشكل سئ وأصبحت أصادف نفس الأشخاص الذين بلغوا طولي وجدت قامتهم أطول بكثير واصبحت محط سخرية من الفتيات في عملي .. نعم وجدت نفسي قصير القامة وكتفي ملتصق برقبتي وطول رقبتي تقلص بعد ان كنت مشهور بطول رقبتي الفارع ذهبت إلى الصيدلية لقياس طولي فوجدت كارثة .. 169 سم !! بعد أن كان طولي أيام الكلية 192 سم تقلص طولي وكأن الكالسيوم اتوزع بشكل مكثف على كتفي وتقلصت نسبتها في نهايات العظام .. الآن انا لست انا فعندما كنت أذهب لمصلحة حكومية كنت أجد الإحترام نوعاً ما لأن جسمي كان مميز أما الآن اتعامل من الناس بإستهتار وتأثرت نفسياً ففي السابق ايضاً لا حرج ان صادفت بنت بصيت لها ثانية واعدي الشارع وللصراحة كنت طويل جداً فكنت ملفت النظر أما الآن أسير في الشارع أجد نظرة استحقار من البنات لدرجة اني اجري وعايز أخبي نفسي .. فلا توجد أي وسائل للتعويض فأول إنطباع يهمني جداً عند التعامل مع الآخرين لو يهمهم أخلاقي وانا نفسيتي في الحضيض كنت جاهدت أشد المجاهدة حتى يصبح هذا الإنسان العادي “انا” ذو أخلاق ، أين انا الآن ؟؟ من هو انا ؟؟ شخص قصير القامة يجتهد حتى يثبت للناس أنه ليس حاقد عليهم وانه عالم .. لم اعمل إلى الآن ؟؟؟؟ حاجة اتخدت مني غصب عني ؟؟ فصفة قصر القامة ذميمة لأني اتشبه بالصعاليك والمتحرشين وغيرهم اللي يتقال عليهم “وش بهدلة” في نظري أن الطول دليل على التربية وأن أمي وأبي ربوني أحسن تربية وانا لست امن النوع الرزين اللي له كاريزما بصرف النظر عن طوله فطولي كان يكسبني صفة خاصة لاني كنت ممتلئ وأرتدي ملابس واسعة تناسب شخصيتي ، حاولت اعوض عن دة بصبغة للشعر الأبيض ولا جدوى .. أي محاولة تجعلني طويل القامة .. أصبحت أقصر من أخي الأصغر وهو 188 سم انظر إلى رأسه لأعلى

السؤال : هل يوجد إشتراك بسعر مناسب في نادي لكي أمارس السباحة؟
عندي أمل كبير واتعلق بيه جداً ويهمني جسمي يشد ويرجع أفضل من الأول خاصة ان عمليات إطالة الأطراف فيها مخاطر ومكلفة

مشاكل وحلول ذات صلة

اضيف بتاريخ: Wednesday, April 10th, 2013 في 08:45

كلمات مشاكل وحلول: , ,

16 رد to “حياتي إتغيرت من قصر القامة”

  1. نور
    28/03/2022 at 14:14

    الطول انا كمان نفسي اكول حضرتك طولي ١٥٢ وعندي ١٧ سنة وداخلة على ال١٨ ومدمنة برضو على حاجة اسمها طول وكل يوم بدعي اني أطول وكنت بعيط عشان الطول ، بس من قرايتي لموضوعك هل كنت بتحمد ربنا دايما على طولك او على كل النعم الي عندك مع انه كان عندك كل حاجة بس كنت زعلان عشان شخصيتك مع ان كل واحد عنده شخصية تميزه ودا طبيعي انك عايز تكون شخصية اجتماعية )مدردحة( كل شخص اكيد بيتمنى يطلع بأبها صورة قدام الناس زي مقولت انت كان بيعجبك نظرات البنات وانت بتعدي في الشارع ودلوقتي زعلان لأنهم بيبصولك بأزدراء علفكرة انت تفكيرك سطحي اكيد مش كل البنات نفس الحاجة وفي بنات بتكره حد يبيلها وانا بكلمك كبنت انا بكره لما راجل معدي في الشارع ايا كان شكله يبصلي خل فكرت في كدا؟؟ لا لأنك متعود على التفكير سلبي ، ومن بعد الحادثة بتاعت كتف المفروض تحمد ربنا انه الموضوع مكانش له مضاعفات اكتر و متعرفش تستخدم ايدك ، شايف كل يوم احمد ربك حتى لو مفيش حاجة عاجبك لانه فيه غيرك محتاجها في ولاد يامة عادي قصيرة ومنطقة وبعدين ليه مزعل نفسك في ناس بتحب القصيرات وفي ناس بتحب الطوال انت ، مش لازم تغير من شخصيتك وموضوع ٢٧ وكبير دا تفكير متخلف لانه في ناس يامة بدأو يبنوا شخصيتهم من عمر متأخر بكتير دا انت كدا بالعكس لسا صغير خالص بس انا مش شايفة انك محتاج تغير شخصيتك تعرف الي انت عايز بس تغيره هو تفكيرك تغيره من تفكير سلبي لتفكير إيجابي وتعود نفسك على حاجات مفيده سواء قراءة قرأن او الدعاء عارف لما تدوم على للحاجات دي حياتك حتتغير و حاول تجيب كل الي نفسك فيه عشان عقدة النقص تروح تدريجيا ،بالنسبة لمعاملة الناس اكيد فيه ناس تعاملها وحش وفيه الي تعامله حلو مش الموضوع هنا الموضوع انه كل دا ملهوش دعوة بالطول يعني ارجع اتعامل مع الناس الي كانت حلوة معاك قبل الحادثة و شوف حتلاقيهم نفس التعامل عارف معنى كدا اي ؟ ان مفيش حد منهم كان مهتم بطولك كل الي بيرسموا عقلك عبارة عن اوهام بتشوف حجات مش موجودة ولازم تتأكد من الي انت شايفة عشان أفكارك دي حتخليك تقلل من قيمة نفسك وتنعدم عندك الثقة ودا اكيد حصلك احمد بس ربك انت لسا شاب وقدامك عمر طويل واكيد حتلاقي حد يحببك في طولك وشخصيتك فسيب كل حاجة لربنا

  2. للل
    15/10/2021 at 00:26

    عملت ايه بعد سبع سنين ايام كورونا

  3. تميم
    07/07/2021 at 02:34

    السلام عليكم انا داخل ثاني ثنوي و طولي 174.5 نفس طولك يوم كنت في الثانوية
    و حاب اوصل 187 او 188

  4. لولوة
    04/09/2019 at 19:24

    انا عمري 16 طولي فقط 144 و اعاني من قصر حد بقدر يفيدني بالموضوع بشي ؟
    تشكرات

  5. راعي الطيب
    09/10/2017 at 16:35

    قصتك غريبة بالفعل يعني الحوادث خصوصا الكسور في الارجل والفخوذ تقصر الطول

  6. واحد من الناس
    03/10/2016 at 10:37

    ياصاحب المشكلة كيف نزل طولك 23 سانتيمتر من 192 الى 169 ؟

    ممكن تشرح لي هذه النقطه

  7. كرم
    09/02/2016 at 19:25

    احمدو ربكم كتر انا عمري 17 سنة وطولي 162 سم بتمنا بس يوصل طولي ال 170 مو اكتر والله انتو عايشين بأكبر نعمة ومو حاسين

  8. Ahopbgsw
    20/08/2015 at 13:29

    حسبي الله عليكم احمدوا ربكم عمالقه ويبون يطولون زياده ١٨٠ تعتبر قصر قامه يا مهابيل اجل انا وش اقول طولي ١٥٤ ومتحطمه نفسياً كل من شافن قال ليش انتي صغيره كذا وانا بيدي شي ؟؟؟؟؟؟
    حسبي الله ونعم الوكيل الطماعين ذولا اللي يبون زياده يارب الله يبتليكم بشي عشان تعرفون الطول صح

  9. m;m;
    27/02/2015 at 04:34

    انت ياعم والله عندك حالة جنون اشبك عاوز تكون مثل فوعون ولا شي ههههوالله انت مريض صح عقليا احد الله يا عم انا اخوك عمري 23وطولي 1,60 ومش شايف مشكل اقول ايه بس انا اذا قزم ياعم اصح ممن نومك هان اعطيني طول 1,72 بس الحمد لله اشوف نفسي ملك جمال العالم خليك من التفكير دا ياعم

  10. أحمد
    23/01/2014 at 08:25

    هههههههههه
    بجد مش عارف التخلف العقلي وصل لدرجة كده يعني
    يعني انت كنت طويل وبعدين قصرت وبعدين طولت شوية تاني
    ههههههههههه
    ربنا يشفي عقلك

  11. صاحب المشكلة
    04/08/2013 at 08:17

    أهلاً بيكم انا صاحب المشكلة للمرة الثالثة وكل من تفاعل مع مشكلتي ربنا يبارك له في يومه ويجعله مرتاح قرير العين في آخر الليل يارب ، انا وصل طولي لـ 180 سم عرفتها من الصيدلية وفي الميزان الرقمي 178 سم بس بردو زعلان من الرقم ، ومع ذلك حياتي مرتاحة بالطول الذي لاحظته في زيادة ، حتى تعرف عن شخصيتي أكثر انا لا احب القيادة في تصرفاتي أوزع ابتسامة فقط مثل هذه ^___^ وطبعا الظروف اللي بتفرقنا دلوقتي تعاملت معها بسعة صدر ، فطولي أضاف لي ثقة خاصة في الخناقات حتى من اصحابي ، يعني واحد خذلني في موقف ومصدقتش اللي عمله في حقي بس عرفت انه عصبي واتخانق مع أي حد في الشارع حتى البنات زعق لهم ، انا جيت ناحيته وخدته بالحضن ووسعته من الزحمة بعدها سألوني انت ابوه ؟ قلت لهم لأ انا صاحبه ، بعد كدة لاقيت احترام وتقدير اللي حواليا ، انا بحب البيج شو وبعتبره قدوتي في الأوقات دي بس بحسده على طوله لدرجة الحسرة ، ومش بحب الدردحة والألش مش اسلوبي خالص ، احب اكون بسيط واكون أطول من 180 سم بقى ربنا يفرجها عليا، رحت المركز الأوليمبي في المعادي منفعش عشان سني كبير كإن حرام عليك تتمتع بحياتك وانت في السن دة عشان عيب مع ان دماغي كله Fitness واهتمام بجسمي ، بإذن الله ابحث عن نادي سباحة بالتكاليف اللي ذكرتها واكون حققت حلم حياتي

  12. نور
    31/05/2013 at 00:03

    يا اخي واللة الطول مش كل اشي باهالحياة بعدين 170 مش قصير واللة في شباب اقصر منك بكتيييير احمد اللة غيرك بتمنو يوصلو لطولك
    ما ضلك تفكر ب هالموضوع لانك عنجد راح تتعب
    اكيد صعبة عليك بعد ما كنت طويل كتير وأل طولك بس هيك نصيبك شو بدك تعمل
    وبالنسبة لانك حابب ترجع تطول فكل مشكلة والها حل
    انا ما بعرف نادي بسعر امنيح لاني مش من مصر بس انت ضلك دور وما تيئس وتوكل على اللة واهم شي اكثر من الدعاء في جوف الليل وفي اوقات الاستجابة واكثر من الاستغفار لانو واللة بعمل المعجزات
    وبعدين خليك واثق من نفسك يعني لاحظت من رسائلك انك بتعاني من قلة ثقة بالنفس سدئني لو كنت واثق من نفسك كان ما حدا استرجى يتمسخر عليك انت الي سمحتلهم يعملو هيك فيك
    اهم شي تتصالح مع نفسك وتكون واثق كتييير من نفسك واطرد من عئلك اي افكار مش منيحة ولازم تكون عارف انو الطول مو كل شي وبرد بحكيلك طولك حلو كتييير
    وبتمنالك كل التوفيق وان شاللة بتحقق الي ببالك
    التوقيع اختك نور من فلسطين وشكرا

  13. صاحب المشكلة
    30/04/2013 at 01:29

    أهلاً بيكم مرة تانية انا صاحب المشكلة وللمرة الثانية مانيش باسم يوسف أو الشاب الحرك ايده خشنة وصوته أجش ولبق في الكلام بنيتي مش عضلية ومدرب السباحة بدون ذكر أسماء اتعرفت عليه في جيم شهير في منطقة المعادي وفي نادي اليخت سخروا مني لإن عندي تثدي ومع قصر القامة يخليني أتف على اليوم اللي اتولدت فيه مش مهم غيري قال إيه بس انا اتسرقت كاره نفسي عيني بتنزل الأرض فلازم شخصيتي المعفنة دي تعفن وتحمض مبقتش أتمنى الخير لحد يا جماعة انا اشتغلت مندوب تسويق لاقيت زميلي كان بيكلم ست ودعت له بالرزق ماكنتش طايق نفسي عملت معاه خناقة وضربته بالقلم قدام الناس في اخر اليوم ودلوقتي الناس اللي بتشوفني أول مرة مبيكلمناش ليه ؟ عامل كدة ليه ؟ هو ماله ده ؟ ربنا جعلهم يبغضوني عشان مش واثق في نفسي وبعصيه كتير، كنت متعود الناس تكلمني وانا أنفذ أي عمل مطلوب مني والبنات بتكره الشاب القصير اللي بيسكت كتير وحابب يتمنظر بالكلام الكتير ومش دمه خفيف فأنا زمان مكنتش وش بهدلة وكان طولي بيميزني عن الناس وكنت زي الفنان الراحل “احمد زكي” عن دوره في مدرسة المشاغبين منطوي بس زمايلي بيحبوني لإن عندي ميزة غير شخصيتي وبحب ابان قدامهم برد فعل مش بقود مجموعة من زمايلي وافهم بس مابينش اني فاهم قدامهم إنما دلوقتي انا وزني 121 كيلوجرام وطولي 170 سم … مين انا ؟ واخفف دمي إزاي ؟ دة انا سني 27 سنة وعيب أوي أبني شخصيتي من جديد وغيري تاجر بيفهم في الاقتصاد وسابق سنه وكمان كرهي لنفسي خلاني ائذي اي حد من غير سبب ومش هاقعد على النت إلا لما اكون حاجة كبيرة والناس تعرفني وفي سن ضروووري أنطلق لان 27 سنة من غير حاجة يعني بتقرا السيرة الذاتية لرجل بدأ حياته سنة كذا وبينها وبين عام ميلاده 30 سنة تقول عليه إيه ؟؟ شخص عادي صح ، مش مميز وخلاص انا اتسرقت وفضلت اعزل نفسي عن الدنيا كلها ما هو الكلام شبه بعضه وتقابل مجموعة شباب ليهم نفس الكلام والحوارات ومع ذلك هما في مظاهر النعمة وانا لأ ، طب إيه الحاجات اللي تخليني مميز مش عايز أقلد حد ، الناس كترت يا جماعة وممكن بعدي عن الناس يخليني مأقبلش الجيل الأصغر في السن ، عايز اعمل بصمة الناس تقول عليا راجل طيب ، الشخصية اللي كلكم بتتمنوها ، بس الشخصية دي ناقصها كتير وهافرح ، اه هافرح 🙂 إني مابقاش لبق وكلامي كتير ، الشابات تستطيبني زي زمان ، مقعش في مواقف محرجة بسبب لساني انا اتربيت على كدة وبحكم اني من أصول تركية وفينا اسلوب معاملة مختلف فهي عوامل اتشكلت جوايا مش هتتغير .. وقبل الختام الطول مش حاجة هينة بالنسبة لي بس اتطمنت من المشاركات انها حاجة عادية .. ممكن طبعاً بس فيه فروق فردية 😀 انا مش مبسوط وفيه غيري مش سعداء بقصر قامتهم عشان البنات ونظرتهم للشاب القصير أول مرة واللي لازم يكون لبق وبيفهم في كل حاجة ويعلم الأدب لدة عشان تحس بالأمان معاه ودي مش شخصيتي وآسف اني طولت عليكم ، بالنسبة لرياضة السباحة مش عارف مكان معين سعره مناسب أقل من 500 جنيه إشتراك وأهدافي بتتغير بردو وعموماً آسف اني طولت عليكم وعلى عصبيتي في بداية سطوري تعبت أوي عشان اوصلكم رأيي وتصبحوا على خير

  14. ....1مج
    18/04/2013 at 02:29

    انا 17 سنه و طولي 173.5 و انا بكره هذا الطول هذا قصر … انا اصحابي اقصر واحد منهم 181 سم و البنات معظمهم 175 سم

  15. صاحب المشكلة
    14/04/2013 at 07:34

    انا صاحب المشكلة الحقيقة انا مش باسم يوسف “أجيبهالك م الآخر” انت ليه بتفكرني بمواقف مش عايز أفكر فيها ؟ أرجوك اديني لحظة أنسى

    Golden مقدرش اتأقلم على شخصيتي الجديدة ، مش عايز اتعب مش عايز أموت ألف مرة في تأدية دور لا يناسبني

    انا بتعلق في قشاية الطول 🙂
    اعتبرني مدمن 😀 .. بص .. مش عايز افتكر في الماضي ولا اني عاملت ناس بسذاجة أو جرحت مشاعر حد .. أيوة جرحت بدون قصد وماعنديش حيلة .. انا مش نموذج Perfect مش بترسم على حد ومحبش أعرض بالكلام مبدعيش أي حاجة يعني كفاية ابتسم بس .. علاقتي مع الناس مستعد أنسى كل تفاصيلها بجد لإن فيه أيام لما تفتكرها جسمك يقشعر

    بص .. جدول يومي ولا شئ سواه أتمرن سباحة بسعر معقول وهوه دة الأهم بس فين المكان ؟

    أما موضوع الذكاء خليني طويل وابقى مستعد أسجل لك في موسوعة جينيس وأتحداك إني أغبى واحد في االعالم 😀

    وأختمها لك في الشهر العقاري لو حبيت

  16. goldenheart
    11/04/2013 at 00:48

    و الله بص الانسان مش بطولة الانسان ببصمتة فى الحياة ياما ناس قصيرين و قلبو موازين القوى فى العالم و عملو امبراطوريات زى هتلر و نابليون و كان اسمهم بيسبب الرعب فى اى بلد
    ثانيا بتركز مع نفسك عشان الى بيركز مع نفسة بيتعب انت الطول كان مسببلك نوع من انواع النرجسية الى هى حب النفس و التفاخر فمتركز مع نفسك يعنى لو انت ماشى و ركزت عينك فى الارض هتقع حاول تشغل دماغك بشغلك و تترقى و تبقى اكبر و احسن اما الطول مع احترامى لو بنت جالها واحد قصير قزم و معاة فلوس هتوافق علية اما لو جالها نخلة و مش لاقى ياكل مش هتعبرو لان الدنيا دلوقتى دنيا الى معاة و بعدين انت مش قصير على فكرة انا قريب من طولك انا 172 و لى زمايل طولهم بيعدى 190 و كانو احيانا بيهزرو معايا ولا كنت بهتم بالحاجات دى قدام فى الرنج المعقول منتش قزم خلاص و بعدين كل انسان ربنا بيديلة ميزة و بياخد منة التانية بحيث ان الناس كلها تكمل بعضها يعنى ممكن يديلو الطول و ياخد منو الذكاء و الثقافة ممكن يديلو القصر و يديلو معاها لباقة و سرعة بديهة فى حاجات بتكمل حاجات

اترك رداً أو حلاً لهذه المشكلة