من فترة حلمت حلم غريب جدا ومازلت افتكره كويس جدا حلمت انى كنت نايم على سريرى عادى وبعدين بدأت اطلع من نفسى او روحى اللى بتطلع الله اعلم المهم لما طلعت من نفسى شفت جسمى وهوا نايم عادى جدا وبدأت اطير فى اوضتى وابص واشوف نفسى وانا نايم وبعدين خرجت من شباك الاوضة وانا طاير للشارع ولقيت الشارع زى ما هوا يعنى الرتم اليومى للشارع مفيش جديد بدأت ابص حواليه والاقى فلان بيذاكر وفلانة بتنشر وعم فلان راجع بيته بعد ما جاب الخضار واللى راجع من شغله يعنى اللى بيحصل كل يوم وبشوفه فى الشارع وروحت باصص لفوق للسما وبدأت اطير لفوق لفوق لفوق قعدت اطير لفوق كتير وانا مبسوط وانا طاير وفجأة حسيت نفسى بعدت جدا فجه فى بالى ان ابص تحتى اشوف نفسى وصلت لفين فلما بصيت لقيت نفسى بعدت جدا وخفت جدا ورحت نازل تانى بسرعة البرق وداخل برضه من الشباك لجسمى بسرعة جدا وانا خايف وفى اللحظة اللى انا دخلت فيها بجسمى قمت صحيت نطيت من على السرير وقعدت استعيذ بالله من الشيطان وبدأت افكر فى الحلم الذى لم اعرفه تفسيره الحقيقى ولكن بعض الناس قالولى روحك خفيفة وحتى لما بسألهم ايه معناها هما مش عارفين …ياريت اللى يعرف يفسر يقول بس تفسير فعلى وشكرا
تفسير الاحلام
ماهو تفسير هذا الحلم لمن يعرف تفسير له
اضيف بتاريخ: Tuesday, November 9th, 2010 في 16:59
كلمات مشاكل وحلول: الاحلام, تفسير, تفسير الاحلام, حلم
انا حصل معايا نفس الكلام بس حصلى كذا مرة بحس ان روحى بتطلع ويحس بطلوعها من رجلى بحس احساس مش عارفى اوصفه لكن مش مؤلم اوى وبتوصل لحد الرقبة وبعدين بتقف وبصحى مع العلم انا تقريبا ببقى صاحية لما دا بيحصل وحاسة بكل الحواليا وعنيا مفتوحة وشايفة الوقت بس مش قادرة اتحرك
مش عارفة الموضوع دا ليه علاقة بان قبل كدا كنت بحلم بشخص ملهوش ملامح واضحة لكن لونه ازرق ولون عنيه دايما بيتغير وبيحاول يكلمنى او يصرخ فى وشى وبحس بنفسه فى وشى
أنا حدث معي نفس الشي تقريبا بس.
أحس أنو فيه شخص يكون وراي وما أقدر أتحرك
ۆ اتضايق. منه !
اخي ما حدث لك هو انفصال جسمك الاثيري عن المادي وفيما يسمى الخروج من الجسد .. وما شاء الله عليك.
وهو امر طبيعي يحدث لأقليه .. وقد يحدث لك خروج اثناء النوم وهو يكون بعيد عن الواقع ويكون الحلم مصاحب الوعي وتستطيع التحكم بكامل حلمك .
يمكنك البحث في جوجل عن الخروج من الجسد للمزيد من المعلومات
يمن الله على من يشاء من عباده وواضح والله اعلم انك سترزق ببعض النفحات الروحانية اللتى يجب ان توظفها فى خدمة عباد الله
انت تحب الحياه كثيرا بدليل اثناء طيرانك لاعلى نظرت مرة اخرى الى اسفل والاعلى هى الحياة الاخرة والاسفل هى حياة الدنيا وانت بطبيعة الحال متمسك بالدنيا كثيرا ويريد الله تعالى ان يذكرك بالموت لتتوب عن خطاياك وتعيش لله فقط ولا تتمسك بالدنيا كثيرا والله معك
من الخرافات ان يقال روحك خفيفه او نجمك عالى قال تعالى ويسالونك عن الروح قل الروح من امر ربى ز لكن ما حدث فى الحلم هو عباره عن الموت الاصغر هو ما يحدث اثناء النوم ودعاء اليقظه الحمد لله الذى احينا بعد مماتنا وده دليل من السنه على ان النوم هو موت وخروج الروح من الجسد والنظر له حق ويكون فيما ورد من بعض التفاسير المشابه هو انزار للرجوع الى الله قبل فوات الاوان انتى على ذنب ويجب ان تتوبى الى الله والله اعلم