مشاكل جنسية

جوزي اناني مش بيفهم في الحب ولا الرومانسية

انا عمرى 26 سنة اتجوزت من سنة ونص .. مشكلتى مع جوزى ليها جانبين .. الجانب الاول انه شخصية انانية جدا مايعرفش يعنى ايه حب ولا رومانسية ولا يعنى ايه انه يشاركنى فى مشاعرى واحاسيسى وحياتى .. مش بيعرف يعنى ايه عطاء .. عايز يعيش بعد الجواز زى ما كان قبل الجواز يتفرج على التليفزيون و النت و الشغل وكأن مليش اى وجود الا لو فى بعض الاوقات كان مزاجه رايق وحابب يتكلم او يقول كلام حلو ييجى ويكلمنى كويس عادى جدا وكأنى تحت امره وماليش اى متطلبات .. واذا حاولت اطلب الاهتمام والحب يتهمنى بانى مش براعى انه مشغول و انى انانية ومابفكرش غير فى نفسى واللى انا عايزاه وبس .. مالوش اى ميول ولا اهتمامات بأى حاجة ولا بيحب حاجة ولا عايزة حاجة . اقصى ما عنده السياسة و الشغل .. وعلى العكس منه انا شخصية رومانسية جدا واهم حاجة عندى ومن اول اولوياتى المشاعر والمشاركة والاهتمام .. بحتاج حد يكون قريب منى طول الوقت يكلمنى و اكلمه احس بيه ويحس بيا .. يشاركنى واشاركه فى كل حاجة فى حياتنا
الجانب التانى من المشكلة هو الجانب الجنسى .. من بداية جوازنا وانا بحس ان رغبته ضعيفة جدا العلاقة بينا كانت بتتم بصعوبة و كانت مرتين تلاتة فى الشهرفى اول الجواز و مع الوقت بدات تقل لحد ما وصلت لمرة فى الشهر واما تنجح او لا .. مش عارفة فين المشكلة بس فى الاول ولفترة طويلة كان بيفهمنى ان المشكلة عندى عشان كده االعلاقة بتفشل !!!! و افكاره عن العلاقة مش طبيعية .. مثلا بيقول ان الست لازم تكون جاهزة فى اى وقت ومش محتاجة حتى لمداعبات .. مش بيحب المداعبات خالص وحتى لما بيعملها بيعملها وهو متضايق من غير ما يكون عنده الاحساس الحقيقى فمش بيكون ليها تاثير .. بيقولى انه فترة المداعبة الطويلة فى رايه واللى بتكون مثلا ربع ساعة كل شهر هى السبب ان الانتصاب بيروح وكأنه بيستهلك اثناء الفترة دى .. شايف ان الست مش المفروض انها تطلب ولا تحب اى حاجة وانها بس ترضى بأى حاجة الراجل يعملها وتبقى مبسوطة وتسيبه يتصرف على مزاجه ..مش بيقول ولا كلمة حب واحدة طول العلاقة .. ولا حتى قبلها الا لو كلمتين معاكسة ممكن يقولهم اى واحد بيعاكس واحدة فى الشارع وممكن يقول اكتر منهم … وطول الوقت حجته انى بعكنن عليه و بقفله او انه تعبان وانى مش بقدر ظروفه
الوضع دا مرهق نفسيا جدا بالنسبالى .. لو الاقى الحب والاهتمام او الاقى العلاقة الناجحة ممكن استغنى عن حاجات كتير .. حاجة هتشيل حاجة
لكن حاسة ان حياتى خالية من اى عاطفة حقيقية .. وحتى الاولاد محرومة منهم حاليا بسبب انه دايما بعيد
كلمته كتير جدا جدا جدا و فى بعض مرات بيعترف ان فى مشكلة و مرات تانية بيقول ان حياتنا طبيعية و عادية وان انا اللى بيتهيالى او انا اللى بنكد عليه
هل انا فعلا غلطانة و بطلب اكتر من الطبيعى؟؟ ولا فيه مشكلة فى حياتنا ؟؟ واعمل ايه ؟؟؟ انا تعبت من الحياة دى
ياريت تساعدونى باراءكم

مشاكل وحلول ذات صلة

اضيف بتاريخ: Tuesday, April 9th, 2019 في 03:00

كلمات مشاكل وحلول: , , , ,

5 رد to “جوزي اناني مش بيفهم في الحب ولا الرومانسية”

  1. ابوالبتول
    24/07/2019 at 00:30

    اعجبني رد -نصيحة- واتفق معها في كل ماقالت للاخت صاحبةالمشكلة فهو راي صايب وصحيح وحاب اضيف ان زوجك يعاني من مشاكل صحية ويخفي عنك حتى لاتجرح مشاعره ورجولته الحل يذهب للطبيب للعلاج وان رفض واستمر الوضع هكذا فلاخيار معك سوى طلب الطلاق منه وحرام تعيش مع شخص كهذا لايريد العلاج ولايعرف يحسن التعامل مع الزوجة ولايقدر مشاعرها وانوثتها

  2. نصيحة
    19/05/2019 at 19:15

    أعتقد أن المشكلة ليست في البرود الجنسي بل زوجك لديه مشكلة ضعف انتصاب فالرجل الطبيعي لا يفقد الانتصاب وسط العلاقة و بعد مدة قصيرة. قد يكون لديه سكري و هو لا يدري فالسكري يسبب ارتخاء الانتصاب فجأة و بدون أسباب. قد تكون لديه مشكلة أخرى عضوية أو نفسية.. وحده الطبيب يستطيع أن يعرف مشكلته و يساعده لحلها.

    لماذا هو بعيد عنك عاطفيا: الرجل يعبر عن الحب بالجنس. كهذا يعمل عقل الرجل. و بما أن زوجك يعاني من مشكلة في الجانب الجنسي فهو لا يستطيع أن يعبر عن حبه كما يريد. في المقابل فهو لا يرضى أن يتصرف معك برومانسية و حميمية لأنه يعلم (بعقله الرجولي) أن النتيجة الحتمية لهذه الحميمية هي ممارسة الجنس و هو أمر هو يحاول الابتعاد عنه قدر ما يستطيع لشعوره بالحرج.

    حل مشكلتك يكمن في أن تدفعيه لزيارة طبيب. لكي لا تشعريه بالحرج و تجعليه يوافق فاستخدمي حجة أنكما تأخرتما في الانجاب و يجب أن تزورا طبيبا كليكما.

    مفاهيمه “الغريبة” عن الجنس تحتاج للتصحيح. حاولي أن تهديه كتابا يتكلم عن الموضوع من مصدر موثوق (كأن يكون الكاتب طبيبا أو أخصائيا أسريا معروفا) لكي يعرف أنك لم تخترعي أيا مما قلته. لا تعطيه الكتاب قائلة: “اقرأ و تعلم” لكن قولي: “اقرأ و قل لي ما رأيك”

  3. كله بالعدل
    13/04/2019 at 06:31

    من الواضح أختي الكريمة ان العلاقة بينك وزوجك ليست على مايرام هذا أمر طبيعي اذ ان عام ونصف زواج ليس بطول فحاولي ان تصبري أم بالنسبة مشكلة العلامة الجنسية فنصحتي الذهاب الطبيب فمن الممكن أن تكون البروستاتا بها التهابات فهي لها دور اساسي في الرغبة الجنسية ولي تجربة شخصية معها وادعو الله ان يوفقك ويسهل لك الحال ويهدي لكي زوجك

  4. TueGk
    10/04/2019 at 10:20

    زوجك ليس لديه الا مشكلة البرود الجنسي ، اعدي له الاطعمة التي تحركه وتعلمي عن الانواع التي توجد الرغبة الجنسية ا وتزيدها وبعض ملابس النساء امام الرجل تثير رغبته وتغريه ، هذا حل مشكلتك اما الرومانسية يكفيك الهدوء وعدم وجود مشاكل او سوء معاملة

  5. مظلومين في الحياة
    09/04/2019 at 05:22

    لابد لكي من حل اما ان تطلبي الانفصال او ان يراعي في الله فهذا حققك وانا وقعت في نفس المشكله مع العكس بيننا مشكلتي في الزوجه ولم اجد جلا سو الاستمرار في العمل ليل نهار وانتي امراء فلا بد من تستمر في طلب حقق او الانفصال ان لزمه الامر حتي لا تقعي في الخطئ

اترك رداً أو حلاً لهذه المشكلة