مشاكل عائلية

جوزي محبوس واهله مش معبرني وتعبت من المصاريف

انا زوجة كتب عليها القدر أن تكون وحيدة وزوجي مسجون ظلم بسبب مشكلة مع ظابط واتحكم عليه بثلاث سنوات وانا معي ثلاث أولاد ولد عنده 9 سنوات وبنت 5 سنوات وولد 10 أشهر المهم انا زوجي كان معاه تاكسي بتاعه وأخواته وخدينه دلوقتي بيديروه معاهم بقاله ستة أشهر وكنت عايشة معاهم في البيت وكنت باخد منهم كل أسبوع 80 جنيه وساعات 100 وفي أسبوع واحد 140 الفلوس دي عشان ابني الرضيع عنده 10 شهور عشان انا واولادي كنا بناكل معاهم وكانت اكله وحده وينام عليها انا واولادي وكنت بشتغل شغل علي الإيد في البيت عشان ادفع النور المهم اني مشيت من البيت لتقصيرهم في الفلوس ورحت قعدت في بيت أهلي وحتي مبعتوش فلوس للأولاد مدة الشهرين اللي راحوا وكمان الزيارات قفله عشان الوباء وكمان فيه جمعيات بتندفع كل شهر ومبيدفعوهاش وكمان العيد جاي ومجبتش لعيالي هدوم للعيد واللي أخواتي بيقدروا يعملوه بيدوني مصروف عشان لبن الولد والبامرز كل يوم وظروفهم علي قدها انا مش عارفة اعمل ايه مع أخوات جوزي مش عوزة اعمل حاجة جوزي يزعل مني ياريت تساعدوني اعمل ايه

مشاكل وحلول ذات صلة

اضيف بتاريخ: Saturday, May 9th, 2020 في 14:29

كلمات مشاكل وحلول: ,

2 رد to “جوزي محبوس واهله مش معبرني وتعبت من المصاريف”

  1. Lm543
    18/05/2020 at 08:01

    هذه المشكلة لا يوجد لها حل بالكلام والنصائح والتجارب ، هو حل واحد بالمال ، من المقتدرين اصحاب التجارات ، ولكن لن يقولو لك اعطينا حسابك ونحول لك فلوس ، من يريد مساعدة وخير يعرف اين يضع ماله سوف يطلب عنوانك ليتأكد من حالتك او يرسل من يتأكد من حالتكم اولا ، هذا اذا وجد من يبحث عن محتاجين ، لأن من لديهم اموال بالتأكيد لديهم الاف المحتاجين والفقراء يدفعو صدقاتهم وزكواتهم لهم ولن يستطيعو ان يغطو فقراء كوكب الارض ، لو تصدق واحد على مليون طلع نصيب كل فقير جنيه واحد ، مشكلتك موجودة في كل مكان لم يستطيعو حلها الا من وجد له عمل يكسب منه رزقه ، لا تنسي دعاء من قسم بين الناس ارزاقهم واغنى اغنياءهم ،

  2. ابواميرة
    10/05/2020 at 21:41

    ربنا يكون في عونك يااختي لازم تسالي جوزك هل التاكسي ملك خاص له ام احد من اخواته مشارك فيه وخليه يعرف الحقيقة ان اخواته مايعطيوك مصروف للأولاد من ايراد التاكسي اللي يشتغلوا عليه فانت تطالبي بحقوقك انت واولادك ودا من حقك ولايزعلش احد واخواتك ربنا يخليهم لك مش مقصرين معاك ولامع اولادك ولكن مش ملزومين يصرفوا عليك وعلى ولادك طالما اعمامهم اخوات ابوهم موجودين على وش الدنيا ويشتغلوا ويكسبوا من تاكسي اللي هو بتاع جوزك أبو اولادك

اترك رداً أو حلاً لهذه المشكلة