انا عمري 16 سنة … اتشهرت في محل سكني وبلدي جدا علشان مصمم اعلانات وتصميمات صور واشتغلت مع مغنيين قبل كده علشان تصاميم بوسترات الاغاني بتاعتهم
المهم انا كنت بحب بنت معايا في الدرس هيا محترمة جدا جدا ووالدها متوفي … في مرة استاذ الحصة الاولى من الدرس كان غايب فخليت اصحابنا يخرجوا بعد ترتيب طويل جدا جدا وكلمت بنت قالت لكل البنات وانا كمان خرجت وهيا قعدت تراجع في المادة … فانا دخلت وهيا لوحدها اول ماشفتني لمت حاجتها علشان تخرج .. قولتلها استني لحظة لو سمحتي عايزك في موضوع وكلمتها واني عايز اخطبها … قالتلي انا موافقة فانا فرحت جدا واتنطت وكنت حاطير من الفرحة فراحت هيا قايلالي بس عمرك ماهتكلمني كلمة واحدة الا لما نخلص الثانوي وتطلع النتيجة ساعتها تيجي تخطبني من اخويا وسابتني وخرجت .. بس انا كنت فرحان … رحت كلمت والدي ووالدتي ورحنا البيت تاني يوم .. ووالدتها بدأت تنصح فينا احنا الاتنين ووافقت ع الموضوع وبقيت بكلمها في التليفون واروحلها البيت نذاكر سوى ادام اهلها … وانا طبعا بحكم شغلي بقيت اتداخل مع الناس وناس توقفني في الشـــــــارع بنات ورجالة وستات كبيرة عايزين شغل وكده .. فهيا كان الموضوع ده بينرفزها وانا اهديها واقولها ده كله شغل … فجات مرة قالتلي يانا ياشغلك … ولو انا مش مهمة عندك اختار شغلك وانت اكيد في بنات بتحبك بسببه ..
من ساعتها وانا مش عارف اعمل ايه .. شغلي الي هوا مستقبلي وانا شايف فيه نفسي انا مصور اسطوري _ بجد والله مش علشان بتكلم عن نفسي_ وبين حبيبتي وشريكة عمري وام اولادي ان شاء الله … وهيا جات من فترة كلمتني قالتلي فكرت .. وع فكرة قبل ماتقول اي قرار انا بحبك بس انت لازم تثبت حبك ليا … قولتلها من حبي ليها انا مش هالمس اي برنامج تصميم تاني
بس انا مش قادر اسيب الشغل ده .. علشان انا بعشق التعامل مع الصور وبالاضافة انه هيكون مصدر رزقي في المستقبل والشهرة والتعاملات
انتوا ايه رأيكم .. شغلي ولا حبيبتي ؟؟؟
مشاكل الشباب مع البنات
حبيبتي خيرتني بينها وبين شغلي
اضيف بتاريخ: Tuesday, May 7th, 2019 في 21:54
كلمات مشاكل وحلول: بنات, بنت, شاب
عندها حق انا لو مكانها شغلك ده مش هوافق عليك خالص ايش ضمنها ان بعدين مش هتحب حد من اللي بتتعامل معاهم وتسيبها ما دام انت مش بتحط حدود بينك وبين البنات المفروض كنت عرفت كده من الموقف اللي قالتلك فيه ما تكلمهاش لغاية ما تتقدملها ان هي دي اخلاقها واكيد واحدة دي اخلاقها مش هتوافق على حد كتير التعامل مع البنات لو بتحبها فعلا هتلاقي حلول تاني تشتغل فيها وتعجبك بس انت حطيت نفسك في صندوق حصرت نفسك فيه والعالم مليان انواع من الشغل وانت قدامك مستقبل
في كل الأحوال شغلك أولا.. واللي ما تشجعشي زوجها أو خطيبها على شغله أيا كان طبيعه عمله تبقي انسانه بتحب نفسها وبتكره الخير لشريك حياتها… نصيحه ليك انتوا في فتره مراهقه وبالذات هي .كمل شغلك وشوف مستقبلك واوعي تمشي ورا كلامها دي هتدمر حياتك ولا تصلح الارتباط.اسمع الكلام شوف البنت اللي تشجعك مش تحبطك.وربنا يوفقك.