مشاكل الحب والزواج

حبيبي قرر يبعد عني بحجة إنه مش مستعد للزواج

أنا فتاة أبلغ من العمر 25 عاما تعرفت علي شاب وأخبرني بإنه يريد الزواج مني وصراحة كان مهتم جدا في بداية الموضوع وشعرت بأهتمامه فبدأت أرتح له وبعد مرور فترة تركني بدون أن يخبرني ما السبب فبدأت ألح عليه وأرسل له رسائل كثيرة فرد عليا بكل برود وقالي أهلك لن يوفقوا علي ظروفي وهية إني أجلس مع أمه وأبوه وأخواته في نفس الشقة وأخبرته بما في عقلي ولومته كثيرا فعاد وجعلني أشعر بأهتمامه أكثر قلت له لا تعلقني بك علشان لو حصل حاجة أنا اللي هتعب ولكنه لم يخفي مشاعره وبعد أيام بعد عني وتركني في حيرة وبعد أرسال رسائل كثيرة له قاللي معلش أنا مش هقدر أتجوزك لإن ظروفي مش هتسمح لي بالزواج حاليا مش قبل 10 سنين وياريت تعتبريني أخوكي ولو محتاجة أي حاجة قوليلي وكمان عندنا في البيت مش هيوفقوا عليكي لإن انا عايز واحدة جميلة أوي وأنا عن نفسي ميهمنيش الشكل بس أنا كنت بقولهم كده أنا عايز واحدة جميلة أوي فهما هيعترضوا عليكي وانا مش هتجوز دلوقتي وانا مش عايز أتعبك معايا أنتي هتكوني عروسة مينفعش أتجوزك وأتعبك معايا لزم أسعدك فحرام إني أكرر نفس اللي عمله والدي في أمي معاكي وأنا بحبه ومش عارفة أنساه وعايزاه يحبني أو عايزة أنساه بصراحة مش عارفة أعمل إيه؟؟؟؟؟؟

مشاكل وحلول ذات صلة

اضيف بتاريخ: Sunday, November 24th, 2019 في 07:24

كلمات مشاكل وحلول: , , ,

4 رد to “حبيبي قرر يبعد عني بحجة إنه مش مستعد للزواج”

  1. LogiTk
    27/11/2019 at 08:22

    هو بصراحة مش حقير ولا سافل زي ما قال عليه ابو اميرة ،لانه لم يتزوجك او غير رأيه، هو اعطاك رأيه ومستقبله بكل وظوح ويبدو انه كان محرج ، يجب شكره ، الان تعرفي أنه لا يريد ان يتزوجگ ،وفي كلامه ما يدل على ذلك ،يعني انسيه ولا ترسلي له او تتصلي مرة اخرى، انا فهمت من تصرفه معك انه مستحيل يكمل معك ،الا مجرد اعذار لكي لاا يجرحك ،لا تعطيك اي امل ،افهميها كما قلت لك

  2. محمد / محاسب
    26/11/2019 at 17:22

    كل البنات بتحب وتصاحب الشباب البنت عندها الامل انه ترتبط بيه وتتجوز – لكن كثير من الشباب بيقضي وقت حب وغرام وهزار ودلع – البنت بتتعلق بيه وفاكرة انه هيتجوزها – هو بيدور علي غيرها – لما بيلاقي غيرها يشطب الاولي من حياته – البنات الناصحة عند اول مقابلة تقوله يدخل البيت من بابه يعني يخطبها من اهلها – لو هو جاد في الجواز وعنده الاستعداد بيتقدم بدون اي تردد – لو هو عاوز يلعب ويقضي وقت بيماطل ويقول ظروفي ولسة شوية – الحب والغرام والهزار والدلع محسوب علي البنت وكثير من البنات فقدوا سمعتهم وشرفهم باسم الحب – مفيش حب قبل الجواز – الحب في القرأن معناه الرغبة المحرمة ورد ذلك في تعلق امرأة العزيز في سورة يوسف ( وشغفها حبا ) حيث كانت تريده في الحرام لذلك كان معني الحب بغير الزواج في هذا المقام أنها الرغبة المحرمة – راجعي نفسك هو جاب من الاخر بصي لمستقبلك وانتي لسة العمر ادامك واستفيد من اخطاءك – اللي بيحبك يدخل البيت من بابه واهلك يعرفوا لو عنده شقة ولا لا – وكمان بيشتغل ولا لا – واستعداده للزواج ده الطريق السليم وغير كدة عبث ولعب – الشباب علشان صعب الزواج بيلعبوا ببنات الناس ولو لقيوا فرصة بيفقدوها شرفها وسمعتها وبعدين هي تجري وراهم علشان يتجوزها كتير من المشاكل في هذا الموقع وغيره بيشتكوا من فقد عذريتهم – يا بنتي احمدي ربنا انه ظهر علي حقيقته واتعلمي من اخطاءك – لو عاوزة تتجوزي تصالحي مع الله سبحانه وتعالي والتزمي بالصلاه والصوم وقراءة القرأن الكريمواصحي قبل الفجر بساعة وادعي ربنا سبحانه وتعالي – كتير من البنات تزوجوا عن طريق المساجد – ام تبحث لابنها عن عروسة واخت تبحث لاخيه علي عروسة عن طريق التعارف في المساجد وهي بفضل الله سبحانه وتعالي تدوم بدون مشاكل – ربنا يوفقك اتكلمت كتير وعندي اكتر لكن خير الكلام ما قل ودل وكل عام وانتم بخير .

  3. ابو اميرة
    25/11/2019 at 16:09

    يااختي العزيزة الشاب ده مش بتاع جواز من اصله وكل كلامه معاكي يدل على انه شخص سافل وحقير ولايقدر مشاعر بنات الناس ولاعمرو يتحمل مسوليات الزواج احمدي الله انك عرفتيه على حقيقته قبل ماتتطوري معه في شيء انسيه خالص ولعاد تفكري فيه والف من يتمناكي ياست البنات هتلاقي نصيبك جاي يخبط على بابكم في اقرب وقت ان شاء الله

  4. وائل
    24/11/2019 at 14:02

    انسية ده لا يصلح للزواج وهوه كان بيتسلة ولاقي نفسة في التزامات مش هيقدر عليها فهرب

اترك رداً أو حلاً لهذه المشكلة