انا متجوزة من واحد مبحبهوش من ١٥ سنة و عندي اولاد لما اهلي عصبوا عليا اني اتجوزه قالت يمكن احبه مع الايام مع اني كنت مش بطايقاه و كان دمه تقيل علي قلبي من اول لما شوفته من طريقته كان باين انه بخيل جدآ و اسلوبه في الكلام كان مستفز المهم اتجوزته و من يوم الدخلة وهو محسسني اني ماليش لازم ولا ليا شخصية مينفعش اتكلم في حاجة و عمره ما خد و لا رأيي في اي موضوع وكل كلامه معايا بالزعيق و بالأمر مفيش نقاش و مينفعش اطلب منه حاجة كل حاجة ممعيش و لما بيجيب حاجة في البيت او للأولاد بيذلنا بيها كل شوية انا جبت و خسارة فيكم و هكذا عمره ما قالي كلمه حلوة او اخد اولادي مرة في حضنه دايمآ اي حد بيتكلم مننا بيبقي غلط مع انه كله علي بعضه غلط مقرف في اكله و في كلامه وفي كل حاجة بيعملها مفيش اي واحدة ممكن تستحمله بجد تعبت بيعمل الاولاد بقسوة ميعرفش حاجة اسمها حنية كأنه مش انسان عمري ما حاسسته اني مبحبهوش وربنا اللي يعلم انا عكسه في كل حاجة بالنسبالي الحب والحنية اهم من اي حاجة في الدنيا كل نفسي اعيش من انسان حنين يحبني و احبه يخدني في حضنه لما اكون مخنوقة و يطبطب عليا
ويبقي حنين علي اولادي من غير مشاكل مكنتش عايزة اكتر من كده استحملته كتير اوي فوق ما اي حد يتخيل تعبت اوي ولا حب ولا معاملة كويسة فكرت في الموت كتير بس مقدرتش خوف من ربنا انا كنت ملتزمة جدآ و مش بسيب فرض و بقرأ قرأن و مكنتش بعمل حاجة تغضب ربنا يمكن كنت مؤدبة ذيادة عن اللازم و كنت بخاف اتكلم او اقول رأيي في اي حاجة يمكن مكنش عندي شخصية المهم اتعرفت علي واحد قريبي من علي النت وكنا بنتكلم عادي زي الاخوات كان لما بيضايق من حاجة كان بيتكلم معايا ياخد رأيي في حاجة اقول صح او غلط كان بيسمع كلامي قعدنا نتكلم اكتر من اربع سنين يمكن كل شهر مرة كل شهرين كده شوية شوية لقيت نفسي بحكيلوا عن الحاجات اللي مضايقاني حسيت اني مرتاحة في الكلام معاه وببقي مبسوطة وانا بتكلم معاه وبقيت اكبر دماغي لما جوزي يضايقني مبقتش انام معيطة
زي الاول لأني بقيت اطلع اللي جوايا اللي مكنش ينفع اقوله لأمي او لأختي لأني متعودتش احكي وحتي لو حكيت ممنهوش فايدة و بقينا نتكلم اكتر من الاول وفي يوم كنا بنتكلم حسيت من كلامه انه حبني و قولتلوا اني عرفت انه بيحبني و مينفعش نتكلم تاني علشان كده غلط وحرام بس مقدرتش لأني حسيت اني يمكن علشان مصدقت اني لقيت حد يفهمني و يحس بيا مش عارفة انا فعلآ حبيته ولا كنت محتاجة حد يحس اتعلقت بيه اوي حاولت ابعد كتير عنه معرفتش لما لقيت العلاقة بينا اتطورت ومبقتش بريئة زي الاول كل يوم بعد نتكلم مش بعرف انام بفكر في عذب ربنا وانا ليه بقيت كده ده انا لو كنت سمعت ان في واحدة بتكلم رجل غير جوزها كنت ببقي مستغربة ازي ممكن ست تكلم حد غير جوزها و عايشة كده عادي انا حاسة اني بقيت انسانة مش كويسة و قررت اني ابعد عنه لأني عارفة ان اللي بيحصل ده غلط في غلط و نفسي ربنا يسامحني و يثبتني خايفة اموت وانا بعمل حاجة غلط
مشاكل الازواج
حبيت واحد غير جوزي
اضيف بتاريخ: Sunday, April 19th, 2020 في 15:47
كلمات مشاكل وحلول: الحب, الزواج, حب, زواج, متزوجة
عزيزتي لايعالج الخطا بخطا افظع منه تماما مهما يحصل من جوزك ابو اولادك لايخليك تروحي للخيانة وتقع فيها ومافيش حياة زوجية تخلو من المشاكل والخصامات والمشاجرات لازم تعرفي الشئ دا جيدا دي سنة الحياة وكذاب في اصل وشه اللي يقولك غير كده لاشك انك اخطات عندما تعرفت على الشخص قريبك في النت وتكلمت معاه وفضفضت له بكل مايحلو لك عن حياتك الزوجية وماتعانيه من جوزك وهو لو عنده ذرة من الرجولة والكرامة ماسمح لنفسه يتكلم مع ست متزوجة لكنه شيطان رجيم وفاسق الاخلاق ومش محترم ولايخاف الله عزوجل يريد اغواكي ياعبيطة والتسلية بك وبمشاعرك وتدنيس شرفك وسمعتك هل عرفت الحقيقة الان ام مازلتي على غباءك الكبير اللي ماوردش على احد اتقي الله في نفسك وفي جوزك واولادك وفي سمعتهم وكرامتهم وفي كرامة اهلك وابتعدي عن هذا الخبيث الملعون اللي يريد اغواكي والعبث بشرفك وسمعتك وخراب بيتك وشتات اولادك اطرديه من حياتك للابد وتوبي لربك التوبة الصادقة واستغفريه واحرصي على حل مشاكلك مع جوزك ابو اولادك فالست العاقلة والشاطرة تعرف تتعامل مع جوزها وتكسب قلبه وعقله وكل مشاعره وتخليه يسعدها وتسعد معاه طوال حياتها عندك كل المقومات اللي تخلي جوزك يتغير معك للاحسن لكنك مش عارفة تستخدميها كما ينبغي او تحرصي عليها كل راجل يريد من مراته الكلام الحلو والرومنسي والاحترام والتفاهم داخل البيت وحل كل مشكلة داخل اطار الحياة الزوجية ولاحدش يعرف عنها شئ مش كل مرة خناقات وصريخ وزعيق وتعكير اجواء البيت كلدا يخلي اي زوج غير مرتاح مع زوجته ويختلق معها المشاكل والخناقات كل يوم ابتدي صفحة جديدة مع جوزك وابواولادك واطلبي منه تروح اجازة انت وهو والاولاد تخلوهم عند اهلك وتسترجعوا الايام الحلوة اللي كانت زمان بينكم مش معقول ياولية 15 سنة زواج وماتتفكري للراجل اي ايام حلوة وسعيدة جمعت بينكما وصدقيني لو احسنت التعامل مع جوزك واعطيته كل الاهتمام والعناية الكافية وتتجدد الحب والمشاعر والعواطف الجميلة بينكم من ثاني فانه سوف يغير معاملته لك للافضل وعمره مايقصر معاك في شئ اعملي كما قلت لك وسوف ترين جوزك تغيرت معاملته لك افضل من السابق بمليون درجة وهتلاقي الخير والسعادة والرضا والاستقرار الدائم طوال حياتكم وربنا يصلح حالكم ويبارك لكم في ولادكم ويؤفقكم ويسعدكم في هذي الحياة
كلهذا اللي ذكرتيه عن جوزك ليس مبرر لخيانتك التي حدثت فلاتلومي الانفسك فقط كان من البداية انك تطلب الطلاق منه ولكن تاتي بعد 15سنة زواج وعندكم أولاد وتفعل الخيانة اين خوفك من ربك عزوجل والتزامك اللي تدعيه من حرص على صلاة وقراءة للقران كلهذا ذهب ادراج الرياح لقد حسرتي دينك ودنياك واخرتك وهتكون السبب في خراب بيتك وضياع وتشرد اولادك توبي لربك توبة الصادقة قبل فوات الأوان واندمي واستغفري ربك فانه كان غفار يقبل التوبة من عباده المذنبيين الخطائيين ولو كانت مثل زبد البحر واقطع علاقتك الاثمة مع ذلك الرجل اللي تعرفت عليه واحرصي على استقرار حياتكم الزوجية واسعادها وربنا يسترك ويصلح حالك ويبارك لك في زوجك واولادك ولايغير عليكم حال
اذا عرفتي معنى الزواج قسمة ونصيب وامر مقدر ومكتوب لك ،تعرفي انك انسانة ظالمة طوال ال15 سنة لانه مستحيل يأتي اولادك الا عن طريق هذا الرجل ،تحبيه او لا تطيقيه هذا بسبب احلامك الفاضية ، اي امرأة غبية وناقصة تتساهل في الكلام مع الرجال ، اكيد يوجد افضل من زوجك شكلا ومركزا وماليا ونسبا ويوجد اقل منه ،لكن لا يعنيك احد منهم غير من تزوجتيه ولا تربطك بهم اي صلة هم ازواج لغيرك ،ولو كنتي مطلقة او ارملة او غير متزوجة لا يحل لك الا من يتقدم للزواج منك ،كيف تخوني من تزوجك وترك غيرك وهو الوحيد الذي قدم لك ااجمل هدية اطفالك لو يعطوك اهل الدنيا كنوزهم واموالهم لن تقبليها في واحد منهم ولن تكافئ زوجك عليهم ،من تتكلمي معه يسيء لك ولسمعة بيتك وبيت اولادك ، قرأت كتاب عن عقاب الزنى ومما فيه من تجارب الناس ان الزاني اذا وضع يده في الماء او طعام ينجسه والخيانة بأي طريقة لها شؤم وعقاب ، من يكون سبب في وقوعك في الحرام هو الوحيد الذي يسيء لك وهو الوحيد االذي يورطك ،ومن يحصنك ويغنيك عن الحرام لن تستطيعي شكره الدهر كله ، على الاقل احترميه ما دمتي في بيته وعلى ذمته
ربما انتي ملتزمة بالعبادات لكن انتي ركزتي على سلبيات زوجك اكثر من اللزوم ونسيتي ان الله خلقكي لكي تعبديه وليس لكي تعيشي قصة حب صح الحب شيء جميل لكن ان لم يرزقنا الله به في الدنيا فهذا امتحان مثل المال ليس من حق الفقير ان يسرق وليس من حق العاطل عن العمل ان يبيع المخدرات ولا تقولي انكي تخافين الله من يخاف الله يبتعد عن غضبه وانتي بأفعالكي هاته تغضبيه فاتقي غضبه الخاين دائما ما يستعمل ذكائه في اخفاء خيانته لكن عمرو ولا يستعمل ذكائه في التفكير لو اكتشف امره كيف سيكون حالكي لو اكتشف امرك ماذا ستقولين لاولادك ماذا لو جاء يوم ابنك او ابنتك يبكون لان اصدقائهم عايروهم بكي والله لو فضحتي لتمنيتي لو يعود الزمن لكي تقلعي عن هذا الذنب اذن اقلعي عنه الآن قبل ان يفضحكي الله فالله يمهل ولا يهمل تخيلي فقط لو امك خاينة كيف سيكون شعورك هكذا سيكون شعور ابنائك لما يكتشفوك سوف تتحطم صورة الام الحنونة الملتزمة القدوة الحسنة ولا يوجد افضع من سقوط القدوة في عيون الابناء لا تتركي انانيتكي تقتل ابنائك اما ذلك الخسيس والله انه شيطان رجيم يريد فقط ان يتلذذ بكي ويرميكي مثل الكلبة الجرباء ضعي مصلحة وسمعة ابنائك فوق كل اعتبار ضحي من اجلهم فهم يستحقون واياكي ان تحبي رجل خسيس لا يتم للرجولة بصلة خطئكي لما تواصلتي مع شخص غريب عنكي فانتي فتحتي ابواب الشيطان والله يقول ولا تتبعوا خطوات الشيطان وانتي قلتها بفمك انتي لا تنامين الليل بسبب حزنكي على ما تفعليه يعني انكي لم تصلي الى السعادة اذا لما هذا الجنون من اصله لماذا تزيدين مشكلة فوق مشاكلك وخوفي من ان تتعرضي للابتزاز والتهديد لما تنوين الاقلاع عن هذه المعصية اختي اعملي بحث عن كيفية الارتقاء بالنفس الامارة بالسوء الى النفس المطمئنة وسترتاحين نصيحتي اقطعي كل سبل التواصل مع ذلك الحقير هاتك الاعراض لا تكوني سادجة فالشيطان لن يأتي الى ضحيته بهيئته الحقيقية لكي يغويه دائما ما يأتي بأبهى الهيئات لكي يلقى القبول وبعدين يضهر على هيئته الحقيقية النتنة والقذرة لا تنسي اقطعي كل سبل التواصل معه من غير سابق انذار غيري رقمك وبريدك الالكتروني ومواقع التواصل الاجتماعي تبعك من غير ان تخبريه بأي شيء لا تكوني ظالمة لاولادك والله ما يستاهلون منكي هذا كوني قدوة حسنة لهم كوني سندهم كوني لهم ولا تكوني عليهم هداكي الله خدي العبر ممن سبقوكي الى هذا الطريق و كانت نهايتهم ندم و خسارة اقرئي لنادمات لم يعد الندم ينفعهم لانهم انفضحوا انتي متربية فلا تمشي في هذا الطريق تحملي عذاب لأشهر احسن من عذاب لعمرك كلها لو انفضح امرك ولا تركزي مع ذلك الخسيس بل ركزي مع اولادك وفي رضى الله فالله لن يخيب من لجئ اليه فالجأي الى الله وستشعرين براحة الضمير ان شاء الله ولا تبحثي عن حب رجل بل ابحثي عن الله وحب ابنائك فهم سندك في هذه الدنيا هداكي الله واراح بالك واطلبي من الله ان يبعد عنكي شياطين الانس والجن
أولا : انتي بين خراب بيتك وضياع أطفالك خطوات فقط .
ثانيا : اللي بتكلميه على النت بتفكريه موسى يطلع فرعون ،، ولازم تعرفي انه اللي بيكلم ست مجوزة من 15 سنة وعندها ولاد من ورا جوزها هو في الحقيقة شيطان يريد ان ينتهك عرضك ويستمتع بجسدك فقط … وإذا بدك تتأكدي من هالكلام بإستطاعتك أن تلعبي معه لعبة لكشف حقيقته ، ( مثلا تكذبي عليه ــ طبعا بعد أخذ الإحتياطات انه لا يكتشف اللعبه ــ وتقولي له بأنك تطلقتي من جوزك وتطلبي منه الزواج وتشاهدي ردة فعله )
ثالثا : لا استطيع ان اقول انكي اخطأتي من البداية بزواجكي منه والمفترض انكي تطلقتي منه في بداية الزواج قبل ان يجري بكي العمر ،،،
وللأسف جوزك الظاهر أنه اناني وفقير في المشاعر وهذه مشكلة منتسرة وانتي ضعيفة في الشخصية وكتومه وقد استغل هذا فيكي وهذا ليس في صالحك ونصيحتي بان تفرضي شخصيتك وتتقربي اليه وتفهميه بما في داخلك وان يغير اسلوبه فالتفاهم مهم
رابعا : إذا لم يجدي التفاهم معه نفعا ووجدتي ان الطلاق يريحكي ويسعدكي اكثر من ان تعيشي معه فلكي ذلك ولكن يجب ان تفكري قبل ذلك في اولادك ومصلحتهم ألف مرة قبل الاقدام على خطوة كالطلاق .. واتمنى لكي كل سعادة وخير
للأسف دي مشكله بقت منتشره في كتير من البيوت وهو عدم التفاهم والود المفقود وانا مش حقدر اجيب اللوم كله عليكي بس برضه انتي بتتحملي جزء من الخطأ لانه مش الحل ابدا انك تدوري علي واحد تاني غير جوزك لان بطبيعة الحال الشخص ده حتلاقبه ببزوق الكلام وبيتجمل معاكي بس هو تلاقيه في بيته زي جوزك ويمكن اكتر كمان
ارجعي لربنا واصبري واحتسبي عند الله واللي عند ربنا خيرا وابقي وربنا يثبتك
وكلمه اخيره والله العلاقات غير السويه ديما اخرها ندم وخساره
أرى انك تبالغي في ذم جوزك أبو اولادك من اجل تبرري وقوعك في الخيانة دي الحقيقة طوال 15 سنة من الزواج ولاتذكري له معروف او حاجة كويسة عملها لك انت والأولاد اتقي الله في نفسك يامراة واحرصي على الحفاظ على استقرار حياتكم الزوجية واسعادها هل تريدي الطلاق بعد هذه العشرة ومعك أبناء منه ومافكرتي في مصير الأولاد كل تفكيرك في نفسك فقط وهل تعتقدي ان طلاقك هو الحل الوحيد لك وفيه الخير والصلاح لك لا تبقي غلطانة جدا ولاانصحك بالتفكير فيه ابدا راعي ربنا في جوزك واولادك وفي بيتك وابتعدي عن الخيانة نهايا واحرصي على ارضا جوزك واسعاده بشتى الطرق عشان ربنا يرضى عنك ويبارك لك فيه وفي اولادك ويؤفقكم ويسعدكم طوال هذه الحياة