مشاكل عائلية

حب تملك وسيطرة الاب على الابناء

السلام عليكم ورحمة الله وبركاته
انا عندى مشكلة انى بعانى من وانا صغير أن ابويا بيحب يتحكم فيا بشكل مرضى يعنى مثلاً ابويا من وانا صغير بيحب يفرض سيطرته عليا بشكل مرضى يعنى من وانا صغير مكنش بيحب أن أسافر رحلات بتاعت المدرسة لمحافظات مختلفة كان دايمآ بيقول لأمى أنى لو سافرت لأى مكان غير المحافظة اللى انا ساكن فيها أن الاتوبيس هيتقلب بيا دى غير أن هو من وانا صغير مكنش بيحب يخلينى اختلط بالناس كتير يعنى مكلمش ومصاحبش غير المحترمين اللى هم مطربين احسن تربية ومتعلمين احسن تعليم يعنى بالبلدى كده زى مبيقولو مكنش عايزنى ادردح أو افهم الدنيا ماشية ازاى أو اعرف اتعامل مع الناس وأبقا فاهم الدنيا كويس يعنى انا لغاية دلوقتى مش عارف مثلاً احجز تذكرة واسافر اى حتة لوحدى ومش عارف مثلاً اتعامل مع المحترم ازاى وقليل الأدب ازاى والبنت قليلة الأدب ازاى والبنت المتكبرة ازاى والبنت اللى عايزة تشوف نفسها ازاى يعنى بالاختصار كده انا مش عارف اتعامل مع الناس ازاى انا من كتر الخوف من المجتمع اللى انا فيه والخوف من مواجهة الناس جالى التهاب القولون التقرحى وتقل فى اللسان وبخاف من ابويا جداً طول عمرى بكدب عليه واى موقف يحصلى فى حياتى بقول لأمى أو اخواتى او اى حد من قرايبى لأن هما اقرب ناس ليا ده ابويا مثلاً لو انا فى بيتى ومشغل اغنية أو فيلم بيقولى انتا مشغل ايه يعنى ديمآ عنده حب استطلاع غريب وابويا برضو عنده أمراض نفسية يعنى ديمآ يقول انا محدش لبس واتشيك أدى ومحدش تعب فى الدنيا أدى يعنى فاكر نفسه عظيم فى كل شئ ومش ليستمع لنصيحة حد خالص ودماغه ترباس مقفل ده غير أن هو انسان مريض جسدياً وبيحب يتريق على الناس كتييير ومش بيعجبوا اى حد ده غير أن هو مرر أمى فى حياتها وانا مش عارف اتعامل معاه ازاى انا بكرهو وبكره وجوده فى حياتى ومش بحب اشغل بالى بيه

مشاكل وحلول ذات صلة

اضيف بتاريخ: Thursday, February 18th, 2021 في 12:40

كلمات مشاكل وحلول: , , , ,

اترك رداً أو حلاً لهذه المشكلة