#استغاثه_لرئيس_الجمهوريه😢
قبل ما اوضح اي حاجه ارجوا من كل اللي هيقراء البوست يقوم بنشر البوست علي اوسع نطاق واللي يعرف حد يقدر يفيدني ارجوك اعملوا منشن من فضلك لو تكرمت 😔
وبرضه قبل ما احكي مشكلتي احب اوضح حاجه مهمه جداً اللي هي ان السبب الرئيسي لنشر البوست ده المقصود منه الأفاده مش المساعده الماديه من حد ولله الحمد انا مش محتاجه مساعدات من حد طول ما انا بصحتي وقادره اقف علي رجلي وربنا معايا عمري ما افكر اني ألجاء لحد يساعدني
كل القصه ان انا فاض بيا حقيقي من كتر الضغوط اللي عليا ومن كتر ما كل ما اسلوك طريق لفتح باب رزق بالحلال عشان أقدر أعيش ولادي حياه كريمه 😔 ألاقي الدنيا اتسدت بوشي
يعني اللي هحكلكم عنه دلوقتي آخر مشروع فكرت فيه اسيبوه لولادي من بعدي لانهم لاحول لهم ولا قوة الا بالله فالدنيا دي من بعدي 😔
يعني لا ليهم ميراث من والدهم ولا مني غير تربيتي ليهم والسعي ورا تعلمهم وتوفير لقمة العيش اللي كلكم عارفين انهارده ان اجدع راجل شريف فيكي يا مصر بيوفرها لأولاده بصعوبه. ما بلكم بقا بواحده ست كل اللي تحتكم عليه فالدنيا هي شهادة البكالوريوس اللي زي قلتها 😔😢
فاتمني من كل قارئ يوصله البوست ده يقراه بقلبه ويحكم عقله وقلبه فيه 😔
👇👇👇👇👇
دلوقتي انا أم ل ٣ أولاد ايتام اكبرهم اخر سنه فالبكالوريوس محمد ابني الوحيد علي بنتين اللي هو انا شايله همه اكتر من البنات اقسم بالله 😔 لأن فالاول والاخر البنت هتبقي ملزومه من راجل لكن ابني هو المفروض هيبقا فيوم من الايام رب أسره 😔اللي هو منين وازاي معرفش 😢
المهم فكرت اعمل مشروع لمحمد اللي بيه يساعد نفسه واخواته علي مصاريف جامعتهم ويبقا حاجه يتسند عليها من بعدي 😔ففكرت فالمشروع اللي قدامكم ده 👇👇وصرفت علي المشروع ده كل ما احتكم غير السلف
وقد كان ولله الحمد عملت المشروع وكان امام السراج مول اللي فمدينة نصر
وطبعاً مش هقولكم انا وجهت صُعوبات قد ايه علي ما قدرت اقف فالمكان ده. ومفيش يوم والتاني ودخل رمضان وبعد رمضان صاحب الشقه اللي كنت مأجراها طلبها مني وفنفس التوقيت بنتي كانت علي وشك انها تتجوز لقيت الدنيا كلها خبطت فوق دماغي وويلي ويليين مابين البحث علي شقه تانيه وبين جهاز بنتي وعفشها وبين البضاعه بتاعت المشروع 😔
المهم قفلت العربيه فتره كبيره لاني مطلوب مني فلوس لنقل فمكان تاني وكمان لجهاز بنتي غير البضاعه للعربيه
وبعد ما فوقت من الدوامه اللي كنت فيها والحمد لله سترت بنتي فوجأت بالسوياس اللي عند السراج مول بيتصلوا بيا يقلولي العربيه الحكومه جت اخدتها وحجزت عليها عشان أدارة المول بلغت عنها وكان في شخص هناك فالمول ده هو اللي كان قرفني وكان هو اكبر عقبه قابلتني فالمكان ده اسمه #عمرو_لبلب
منه لله وحسبي الله ونعم الوكيل فيه وفاللي مسنود عليه وخليه يدوس علي الناس بالطريقه دي 😔 المهم حاولت بقدر الإمكان ان الحق العربيه قبل ما تروح الحجز مقدرتش ومقدرتش اطلعها لان صاحبها اتوفي وأولاده فانتظار إعلام الوراثه عشان يعملولي توكيل او عقد مُسجل. وبعد ما دُخت السبع دُخات قولتلهم خلاص مش عايزا عقد ولا توكيل طلعوها انتم بمعرفتكم اللي بها متفضلش العربيه فالحجز لما تبقا عندكم افضل وأأمن وزي ما يكون قلبي حاسس اقسم بالله ان العربيه هتتسرق كل محتواياتها فالحجز رغم ان كنت كل ما افكر فكده ارجع اقول معقول الحكومه اللي المفروض تحمي وتحافظ هي اللي هتسرق ؟!!! لا لا مش معقول حميها حراميها 😢
وكانت الصدمه الكبري لما روحت اشوف العربيه مكانها فين عشان ابقا عارفه المكان بالظبط لما يجي اصحابها ابقا عارفه المكان وقابلهم هناك
فوجأت بمنظر العربيه اللي انتم شايفينه ده وواضح طبعاً من الصوره انها فحجز السيارات واقسم بالله العلي العظيم ان كان قلبي هيقف من منظرها من بعيد ولما قربت لقيت الشوراعه مكسوره زي ما انتم شايفين وبقول للأمين اللي معايا ايه ده؟!! ده الشوراعه مكسوره يقولي تلاقيه سرطان 😔سرطان ساب كل زجاج العربيه وجيه للشوراعه !!
ولما قربت اكتر لقيت العربيه متنفضه من كله 😲 معدات علي كاسيت علي سماعات علي انبوبتين غاز علي حاجه اسمها كونڤرتر جهاز بيحول كهربة العربيه من ١٢ فولت ل ٢٢٠ ڤولت علي بطاريه علي لمبات وحتي الصواني والسرافيس كل كل كل حاجه فالعربيه اتسرقت 😢😢😢 شقي عمري وفلوس الأيتام اتنهبت 😢
ولما قولت للامين ده يرضي ربنا مال الأيتام يتنهب كده ؟ يرد ويقولي اصل هنا مجنديين وواحد وحش وعشره لاء 😢😢 طب بالله عليكم مين يجبلي حق الأيتام ؟ 😔😔
الأيتام اللي معاش والدهم لا يتعدي الألف جنيه
الأيتام اللي لا شحت عليهم ولا لجأت للحكومه تساعد ابني فالحصول علي شغل محترم ولا شقه يتجوز فيها ولا حتي مساعده لمصاريف جامعته
الأيتام اللي مالهمش بعد ربنا سبحانه وتعالي فالدنيا دي غيري 😔اللي بصرف عليهم من معاش والدي الله يرحمه يعني لو صبحت توفيت يبقا بح كده خلاص ملهمش اي عائد تاني من بعدي وبعد والدهم 😢الله يرحمه
أرجوكم وصلوا صوتي #لعبد#الفتاح#السيسي
وارجوكم #شير علي اوسع نطاق
# 😢😢😢😢😢😢
بالله عليكم حد يصدق ان العربيه دي هي دي؟!!!!! 😢😢😢
عليك العوض ومنك العوض ياااااارب
ياهانم انا مقدر ظروفك الصعبة اللي مريتي بها وحاس بكي ومتالم جدا لماحصل لكي لكن برضو بقول انكي غلطانة ازاي تخلي العربية في الشارع امام المول طوال تلك الفترة كان المفروض تقرشيها في مكان امن وتغطيها بحتة غطاء مثلما يعمل الناس المسافرين فهذاالافضل والمعمول به بين الناس مش تتركيها في الشارع وامام المول المال السايب يعلم الناس السرقة ثاني حاجة ليه مافكرتي تبيع العربية وتفكي ازمتكي المادية انت واولادكي وخصوصا وان بنتك على وش زواج ومحتاجه تجهزيزها اليس كذلك والحكومة هتعملكي ايه لو كنت انتي ماحافظتي على حاجتكي ولااهتميتي بها كل شئ عاوزين الحكومة تعمله لكم وده غير منطقي ولامقبول عايزه الحكومة تحط عسكري او رجل امن يحمي سياراتكي ده كلام مايخش العقل ربنا يعوض عليكي بخير ويبارك لكي في ولادكي ويحفظهم لكي لو السيارة عليها تامين ممكن تراجعي شركة التامين وتطلبي منهم يعوضوكي عن التلفيات اللي حصلت بها وتقول انها كانت واقفة وجات عليها عربية ثانية وكسرتها وعملت كل ده وهذا الشئ يحصل وممكن يساعدوكي بتوع التامين غير كدا ماحدش يقدر يعملك حاجة اطلبي العوض والمساعدة من ربنا عزوجل تحياتي لكي