انا خريجة كلية التجارة وعندى ٣٠ سنة و ارملة و من ساعة ما اترملت اقسم بالله عمرى ما فكرت و لا حاولت اعمل حاجة غلط و الحمد لله ملتزمة و بخاف ربنا من فترة سنة و نص اشتغلت فى مكتب محاسبة و صاحب المكتب محترم جدا و بيصلى و مؤدب فى تعامله بس مع الوقت حسيت انه مهتم بيا و بيحاول ياخد و يدى فى الكلام كتير و مع الوقت حسيت ان فى مشاعر و اهتمام منه و حاول يلمحلى كتير انه بيحبنى بس انا مكنتش بتجاوب معاه عشان هو راجل مجوز و فضل كذا شهر يقولى انا عايز اجوز واحدة تانية و يرجع بعدها يقولى لا انا مش هجوز على مراتى لحسن تزعلو استحالة اجوز عليها و هى كويسة و بتحبنى و انا مقدرش ازعلها و كنت برد عليه و اقوله طبعا اكيد مينفعش الزواج تانى اصلا عيالك كبروا و مراتك محترمة متزعلهاش و بصراحة منكرش انى حسيت ناحيته بمشاعر لانه انسان عنده رحمة و اخلاق لكن بينى و بين نفسي فقط و حسيت من كلامه و تصرفاته انه مذبذب يعنى بيحبنى و بيفكر يرتبط بيا بس خايف ليخسر زوجته و من فترة انا اخدت قرار انى هتفادى التعامل معاه بقدر الامكان و نجحت انى اشيله من دماغى و فضلت شهرين عل كده بس من اسبوع واحد كنت فى المكتب و انا قاعدة بقلب فى الصور على الموبيل لاقيت صورة فرحى غصب عنى عيط انهرت هو جه و انا قاعده و قعد يسئلنى مالك و كده اتخض جدا وريته الصورةو انا كنت منهارة و لاقيته بيحضنى اووى اوى بطريقة غريبة و يقولى معلش و باس راسي و لاقيت عينه دمعت انا ما اعرفش ازاى ده حصل بس فعلا انا مش كده ابدا و بعدين بعدته و قولتله لا بلاش و رجع على مكتبه و بعدين رحتله قولتله متفهمش غلط و قولتله ازاى انا اظهر مش متماسكة كده قلى باللفظ انت صعبتى عليا و انا من ساعة الموقف ده مضايقة جدا من ساعتها و خايفة من ربنا اوى و استغفرت كتير اوى بستغفر بس انا عارفة ان ربنا بيسامح و يغفر لكن خايفة كمان ياخد هو عنى فكرة غلط و يفتكرنى واحدة سيئة الخلق عشان تجاوبت فى الموقف ده والله ما اعرف ازاى بس فعلا انا كنت منهارة جدااا تفتكروا ايه الحل و رايكو ايه
مشاكل الارامل
خايفة ربنا ما يسامحنيش وان يتاخد عني فكرة سيئة
اضيف بتاريخ: Monday, September 23rd, 2019 في 11:35
كلمات مشاكل وحلول: ارملة, الزواج, زواج, كلية التجارة
ربنا رحمته وسعت كل شىء با اختى.. اقبلى الزواج منه واقفلى باب الشيطان .. او انركى العمل لو خائفة من نفسك وعلى نفسك.. وفقك الله
ارى انه سوء تصرف وقعت فيه وماكانش مفروض يحصل كدا واذا كان الرجل فعلا يحبك وغرضه شريف فلماذا ترفضي الزواج منه لاتنسي انك ارملة والراجل من حقه الزواج مرة ثانية وثالثة مايمنع انه يتزوج على مراته لو مش عاوزه اخبريه بالحقيقة او اترك الشغل معه و ربنا بيكرمك بخير ان شاء الله
مع ان الزواج من الرجل المتزوج مسموح لكن لا بد من المشاكل في بدايته اذا تم اعلانه وليست كل الزواجات حدث فيها مشاكل، اذا رأيتي انك لن تجدي زوج غيره وتبقي وحيدة في المستقبل يسري له الامر وكوني واضحة بدون حركات المراهقين التي وصلتو لها ، عمرك 30 و6 سنوات قريب من الأربعين ،استغلي اي فرصة تساعدك، الزواج للرجل من واحدة او اربع لم يخرب اي بيت لكن الغيرة هي التي صنعت المشاكل ، الزواج يتم بولي وشهود يعني الاب او الأخ الكبير او عم او خال الموجود منهم وشهود حتى لو كان زواج بدون اعلان لتفادي المشاكل في بيته الاول ، الامر بيدك ولك فيه مصلحة من ناحية عملك واذا كان غني ماديا ، من حسن حظك انك تعملي عند رجل يلمح بالزواج هذا انسان محترم لا تسمح له بالغلط الانسان ظعيف والشيطان خبيث وعمله بخطوات ،
هذه المشكلة برأيي لا تستحق التعب على اللي كتبتيه ، سوء تصرف او خطأ ووظحتيه ، او واحد يلمح لك بالزواج يا تقبلي تتزوجيه او ترفضيه ، ايش تريدي يقول لك اي واحد غير هذا ، مش شايفة اللي قدامك ولا عارفه تقولي أللي في نفسك ،