انا كتبت موضوعي هنا في مشاكل الختان و العادة السرية انا كنت بعمل العادة السرية و ولدتي عرفت و قالت لوالدي قرروا يعملوا ليا عملية ختان و انا عندي ١٩ سنة و فعلاً عملولي كدة ف اجازة نص السنة دي يعني من قريب المشكلة ان انا من يومها و انا بدور علي النت و بقرا معلومات و جالي هاجز ان عايزة اعرف ايه ده و ليه و هل جالي برود و لا لاء و اهلي عندهم حق ولا لاء لاني اكيد اللي عملته غلط بس هل تصرفهم هما صح و مبعملش حاجة من وقتها الا اني اي وقت فاضية فيه اقعد ادور و كمان بحس اني مش قادرة ابص ف وش بابا تاني من بعد اليوم ده لانه كان يوم مهين بنسبالي و مامتي مبقتش بحب اكلمها زي الاول لان هي اللي شافتني و انا بعمل العادة السرية و هي اللي قات ل بابا لو كانت مقالتش مكانش كل ده حصل انا مش قادرة انزل حتي الكلية ولا بقيت عازة اكلم حد من صحابي و لما بسأل مامتي ليه كدة بتقولي ان في بنات بتتحتاج للعملية دي و ان ميولي للعادة السرية ده معناه ان انا من ضمن البنات الي بتحتاج تطاهر و ان ده جزء زايد و تصرف اي اب و ام لما يعرفوا ان بنتهم بتعمل كدة كان هيكون نفس التصرف و انهم خايفين عليا و كمان انا محرجة من اخويا لانه انا جابولي ممرضة ختنتي في البيت قدام بابا و اخويا و ماما ولما سالتها ازاي يحصل كدة قدامهم قالتلي ان ده ولي امري و ان الممرضة هي اللي طلبت منهم يمسكوني انا مش عارفة اللي عاملوه صح ولا لاء و كتير ماما قالتلي ان ده سنة و في احاديث و ساعات بقتنع بكلامها لكن مش قادرة اواجه احساس ان حد يغصب عليا الحاجة دي مش قادرة اواجه ان اسمع مامتي بتقول لجدتي او عمتي او حد ان انا اطاهرت مش قادرة اسمع حد بيقولي مبروك مش قادرة انسي اخويا وهو بيتريق عليا بعد عملية الختان المشكلة ان مامتي شايفة ان كل ده حاجة عادية و ان كل البنات اللي بتطاهر بيبقي كدة و ان عادي حد يباركلي و ان كل ده عادي جداً!! فكرت اروح لدكتور بس انا خايفة مامتي تعرف لان هي مش حتقتنع ..
ختان البنات
اشعر بان الختان جعلني مريضة نفسية
اضيف بتاريخ: Tuesday, February 13th, 2018 في 13:42
كلمات مشاكل وحلول: العادة السرية, الكلية, النت, بنات, بنت, عملية الختان
بصي حاولي تتعملي عادي انا ملاحظه ان اللي تعبك أن باباكي واخوكي كانوا موجودين عادي كده او كده كانوا هيعرفوا انا اتطاهرت زمان وكله كان موجود واخواتي وبابا كانوا عارفين اني بطاهر وكانت علقه موت وعادت والحمد لله وانا عادي جدا جدا
انا عرفت بنات كتير و كذا بنت كنت لما اتكلم معاها و اعرف انها بتعمل العاده السريه و كذا بنت بتتكلم فى الجنس و لما اسالها انتى بتعمل لى العاده السريه ليه كانت تقول انا شهوتى عاليه اصل انا مش متطاهره
بصي احمدى ربنا انتى اتطاهرتى فى البيت و على ايد ممرضه يعنى عطتك بنج و كل ال مزعلك ان باباكى مسكك و عارفه انهم طاهروكى عشان كنتى بتغلطى و تعملى العاده السريه احنا بقي اتطاهرنا فى البيت على ايد الدايه او الغجريه بدون بنج و من غير ما نعمل عاده سريه و لا نعرفها و كانت بتيجى الدايه تكتف البنت و تلوى ايدها من بين رجلها و الجيران يكونوا حاضرين و هما ال يمسكوكى و يتفرجوا تعيطى تصوتى هتطاهرى يعنى هتطاهرى و وسط الزراغيد و كل الشارع يعرف انهم بيطاهروكى و فعلا يتم طهورك و يتوزع الشربات على الجيران يقولوا فلانه اتطاهرت و كان عادى و الحياه بتمر و كلنا اتطاهرنا كده عارفين اننا هنتطاهر
حسبي الله ونعم الوكيل والله بكيتيني الله يكون بعون بنات مصر
شكراً جداً علي كلامكم كلكم بتشجعوني اتجاوز المشكلة فعلاً انا دلوقتي بدأت احس بالذنب او بمعني اصح حاسة ان انا كنت استاهل كدة عشان عملت العادة السرية و ان تصرف ماما كان رد فعل علي اللي شافته مش كره ليا او تعذيب بس هي فهمتني انها مش عايزة اموضوع ده يتكرر تاني و ان طلاما اتعملت مرة كانت حتتعمل تاني عشان الحجات دي بتوصل سعات لمرحلة التعود و ان الصح الجزء ده يتشال للبنت لو ميولها وصلها لكدة و ده اللي هي عملته عشان نتجاوز مشكلة العادة السرية
حبيبتي لعلك بخير، أنا شايفاكي مابتفتحيش تردي من كام شهر يارب تكوني بطلتي تدوري في الموضوع وتكوني بدأتي تنسيه
أنا كنت قلتلك إني مخطوبة وقلقانة إني أبقى مش كويسة بعد الجواز بسبب الختان بس دا كله طلع كلام فاضي أحنا زي الفل والله لأن جسمنا ذكي وبعرف يتعامل مع الوضع الجديد دا خلي ثقتك في نفسك كبيرة أنت طبيعية بس انسي اليوم الفظيع دا وكل ما يجي في بالك مثلا قومي صلي أو استغفري عدد مرات معين أو هزي دماغك حتى كأنك بتفضي الموضوع دا منها
اللي خلاني كويسة الحمدلله بعد رحمة ربنا بيا هو الثقة بالنفس واقتناعي إني مش معيوبة
اخبارك ايه ان شاء الله تكوني اتجاوزتي صدمتك ولو قليلا؟رمضان كريم وربي يكون في عونك يقويك ويساعدك …
اتمنى تعملي بنصيحتي علشان ماتضيعي في متاهة وتضيعي وقتك ودراستك وحياتك ومستقبلك …
اولا: يستحسن انك ماتتعمقي في هذا الموضوع صديقيني لاحتاخدي لاحق ولاباطل .
ثانيا:حاولي واجتهدي انك ماتدخلي في حرب مع اهلك وحاولي تكوني متسامحة .. علشانك والله (والكاظمين الغيظ والعافين عن الناس)
اخيرا :اللي حصل حصل وكان حيصل ١٠٠٪حتى لو والدتك اتسترت علا اللي شافته منك … ليه؟لأنه ربك أراد وقدر عليك اللي حصل فقولي الحمدلله علا ما اراد الله
واعلمي ☝️أن ما أصابك لم يكن ليخطئك وأن ما أخطئك لم يكن ليصيبك ، وخلي في بالك دائما انه لو اجتمع اهل الارض علا ان يضروكي بشئ لن يضروكي الابشئ قد كتبه الله عليك
رجاء ماتسمحي للموضوع بأن يكون محور حياتك وعقدتك صدقيني حتندمي اشد الندم … اتخطي الموضوع وحاولي تسيطري علا مشاعرك واصبري ان الله مع الصابرين❤️
فيه بنات بتحتاج ختان لان حجم البظر عندهم كبير والموضوع مالوش علاقه بالشهوه خالص الختان مابياثرش ع الشهوه هو بس بينضف والجلده اللي بتتشال بتلم افرازات تحتها عشان كدا اسمه طهور هو طبعا الختان صعب وبيوجع خصوصا زي ماقولتوا بيكون من غير بنج واحراج انه بيتعمل للبنت وهي كبيره عكس الولاد بس زي ما الطهور مطلوب للولد عشان النضافه مطلوب للبنت عشان النضافه ماتقلقيش علي نفسك من البرود بنات كتير عاملينه وزي الفل وانا عملته وبعمله العاده السريه وبالنسبه للكسوف من اهلك عادي تعاملي مع الموضوع علي انه ضروره وكنتي هتعمليها يوم طهوري كان عمي موجود وعماتي عشان كانوا هيطاهروا بناتهم بعدي وبتعدي وبتفوت وعندنا كمان بيربطوا الحته اللي اتقطعت ع الدراع عشان الناس تعرف انها اتطاهرت والناس بتيجي تبارك
اختي في الله انا حابة انصحك واتحاور معك بخصوص الموضوع بس بستحي من الناس لو تسمحي لي اتواصل معك خاص
اللي كتبت تعليق بأسم مشكلتي اكبر شكراً جداً ليكي علي كلامك بجد اديتيني ثقة ف نفسي و ان لسة في حلول انا بس نفسياً مش قادرة اصفي لكن بحاول انسي و اتعايش بس احساس انك مقهورة و مغصوب عليكي حاجة هوا اللي دايماً جوايا و خيالات ان لما بفتكر اللي حصل و ان اهلي شافوني كدة الحجات دي هي اللي بترجعني خطوات لورا تاني
حتى لو البظر أتشال نهائيا دا ما بيمنعش العادة السرية ولا الإشباع، أنا عاملاه على أيد دكتورة للأسف مع تحفظي على كلمة دكتورة دي، المجرمة عارفة التركيب التشريحي والوظيفي وبتعمل إزالة كلية.
جسمنا ذكي جدا وبيعيد توجيه مناطق الإحساس والأعصاب بتتركز في أماكن تانية، أنا مرة شوفت Ted Talk عن ناس بيوصلوا لقمة النشوة عن طريق دعك الحاجب أو مكان في الظهر، كل جسم مختلف عن التاني ومش كل اللي مش عاملين ختان بيوصلوا للإشباع عن طريق البظر بس، بالنسبة للبنت عموما اللي بيخليها تدخل في المود وترتاح وتؤهل إنها توصل للإشباع هو الإحساس بالحنية والحب من الشريك.
المداعبات طبعا ليها دور لكنه بيجي بعد المشاعر عندنا.
أنا بكلمكم عن تجربة، يمكن أنا عشان عملت الختان صغيرة فمابقاش في ألم من لمس المكان، بس أنتي استني على نفسك شوية. طبعا ما أشجعكيش تعمل العادة السرية لأن إدمانها وحش وصعب فعلا وبتعودك على نمط معين وخيالات معينة مش هتلاقيها مع شريكك في المستقبل إن شاء الله.
وغير الممارسة الخارجية لما تتجوزي إن شاء الله تقدري تتعلمي عن الجي سبوت عندك وتعلمي شريكك، أنا لسة ما أتجوزتش بس من قراءاتي عرفت إنها بتوصل لمتعة أعمق من اللي البظر ممكن يوصلها.
النقطة النفسية، أنا شايفاكي ماشية فيها في الاتجاه الصح لإنك اتكلمتي هنا ولاقيتي ناس شاركوكي ودي حاجة شبه الgroup Therapy
طبعا أنا مقدرة خجلك من أهلك رغم إنهم هما اللي مفرود يخجلوا، أخوكي مفروض كان يبقى في صفك، وأبوكي مفروض يكره يشوفك بتتشكي بدبوس، بس حاولي تشغلي نفسك عنهم ولو حتى في بيت واحد أعزلي نفسك عنهم شعوريا لحد ما تصفي. أخرجي وشوفي ناس أنت طبيعية وكويسة هما اللي عندهم مشاكل وعقد.
برضوا ارجع اقولك ان الطهور مش بيعمل للبنت برود هو بس بيبطء اشباعها يعني بدل ماتشبع بسرعه بتاخد وقتها وطبعا طريقه الاشباع نفسها يعني المختونه بتدور علي نقطه اشباعها فين وللاسف اغلب الازواج مابيدوروش ع النقطه دي بيبقي عايز هو بس يشبع وخلاص انا اتطاهرت من سنتين تقريبا وبعمل العاده السريه حتي بعد الطهاره ومش حاسه ببرود ولا حاجه هو بس انتي هتفضلي شويه حاسه بوجع مكان الطهاره ممكن ياخد كام شهر كل ماحاجه تلمسها بس بعد كدا هتبقي عادي
Soso و اغلب اللي اتعرضوا للطهارة بالطريقة البلدي كل معناتهم و شكوتهم من الاذي النفسي ! ده غير بقي الاذي الجسدي بسبب استخدام ادوات بدائية اصلاً و واحدة يدوب ممرضة يعني مش عارفة تشريحياً اللي بتشيلو ده ايه!! و الوجع لان البنج الرش مش كفاية ف عملية زي دي مش طبيعي ان عملية ف مكان حساس زي ده يكون يدوب بنج رش و موس و شوية قطن و مطهر!! اللي حصل فينا ده اذية نفسية
Soso شكراً لمشاركتك انا عارفة ان الاغلبية بلدي و المشكلة ان البلدي ده مهين جداً و بشع هي المشكلة ف البلدي يمكن اللي عند دكتور نفسياً اقل تأثيراً انما البلدي الطريقة متتعملش مع حيوانات عشان يعملوها مع بنأدمين كمية الاذي النفسي لا يوصف انك تتجبري علي حاجة دي حاجة صعبة! و ان يحصل كده قدام اهلك مفيش اي خصوصية او اعتبار للحرج اللي اتسببوه ليكي بجد حاجة بشعة ياريت الموضوع عند دكتورة كان احسن كتير لان الاذي النقسي بسبب الطريقة البلدي اكبر من الاذي الجسدي بكتييييييييير اوي.
لا الطهور بيمنع العاده السريه ولا العاده السريه ديما سبب ف طهور البنت لان اللي اهلها بيكون مقررين طهارتها بيبقوا مش مستنينها تعمل عاده سريه ودا الغالبيه اما البنات اللي اتطاهروا عشان بيعملوا العاده دي حاجه تانيه بقي لو جيتي تشوفي حواليكي هتلاقي ٧٠٪ ان مش كان اكتر م البنات متطاهرين ٢٠٪ بس عند دكتور ف عياده والباقي بلدي
سيدتى الكريمة.. اه طبعا فيه ولمصلحتكً ولمصلحة باقى البنات لازم تملى كده .. لازم يتعملو عبرة .. والقانون ف صفك ماتخافيش
دكتور صحة جنسية ! هو في حد بيبلغ عن اهله ومظنش ان لو بلغت حد حيعمل حاجة طلاما محصلش حاجة فا محدش حيفرق معاه الموضوع بنسمع عنه لما لقدر الله حد بيكون حصله حاجة وقت العملية انما بعدها محدش حيشوف ان ليها لازمة و لا اصلاً حد حيهتم! و مش بعيد اللي عملتلي العملية تنكر ان هي اللي عملت كدة يعني انا حعمل بلاغ ف واحدة ان من شهرين عملتلي ختان ما هو سهل تقول محصلش انا حثبت ده ازاي؟؟! و كدة ولا كدة هي ملهاش زنب الزنب الاكبر للاهل لان سواء دي او غيرها الاهل اللي اخدوا القرار مش هي من نفسهااللي جت ولو مكانتش دي كانوا هيجيبوا غيرها ! مش مشكلة مين اللي حيعمل بنسبالهم اي حد دكتورة بقي مش دكتورة مش حتفرق بيكون كل اللي فارق معاهم ان الحاجة دي تحصل و خلاص! وهو مش جهل منهم علي فكرة بس هما بيشوفوا ان اللي بتعمل العادة السرية دي مصيبة و ان لما الحتة دي تتشال فا ده الحل حتي لو غلط فا ده الحل اللي بيشفوه ! مشًجها منهم لانه لو جهل كانوا عملولي ختان من قبل كدة مش و انا ١٩ سنة لكن اللي خلاهم يقراروا القرار ده موضوع العدة السرية
انا كمان نفسيتى تعبانه جدا بسبب المضوع دا و انا بقى لا عملت عاده ولا حاجه انا ستى هى اللى اصرت تطاهرنى مع بنت عمى و اختى كلنا اتطاهرنا فى يوم واحد و يا ريت عند دكتور لا دى ست كانت بتلف البلد تطاهر البنات و كمان من غير بنج
كانو بيطاهرونا فى صاله البيت و عماتى و عمى واقفين و كل العيله عارفه
كابو كرسى و قعدونا عليه و الست تقعد قدام البنت و تشيل اللى فيه النصيب طبعا انتو مش متخيلين احساس الطلفه ايه لما تشوف اختها بيتعمل فيها كدا و بعدين يسحبوها و يعملو فيها نفس الموضوع و اللى كان قاهرنى ان اخويا و ابن عمى كانو عارفين اللى بيحصلنا جوا و حاولو يتفرجو و كانو عمالين يضحكو على صويتنا و طبعا بعدها طول الليل الم رهيب و عياط و تانى يوم ناااار فى الحمام و تفضل على الحال دا ٣ ايام لحد ما الجرح يلم
انا آسفه على الشرح بس الموضوع كان صعب قوى و بقالى سنين تعبانه بسببه
طبعا ده تخلف وهبل ومفيش اى حاجة من الكلام ده … انتو لو فيكو واحدة بجد عاوزة تعمل حاجة صح تنفع بيها البنات التانية .. تروح تبلغ عن اللى حصل فيها ويبقو اهلها عبرة لمن يعتبر .. وتبلغ عن الوسخ او الوسخة اللى عمل فيها كده.. مبدايا العادة السرية مش غلط ولا جريمة ..ومافيش بنت اصلا مابتعملهاش واللى بيكلمكو ده دكتور نسا بقاله اكتر من عشر سنين .. وباكد تانى مفيش بنت مابتعملهاش.. وده الطبيعى اصلا لان الجنس احتياج فيسيولوجى زيه زى الاكل او الشرب او الحمام.. يعنى ماهواهوش الحاجة الغريبة .. الرغبة الجنسية عند البنت متغيرة مابين ازدياد ونقصان نتيجة التغير الهرمونى ف الدورة الشهرية خلال الشهر.. طبيعى انها تصرف شهوتها بالطريقة دى.. الفرق بقا بين المختونة والعادية هى كيفية اشباع الرغبة دى .. المختونة بيبقى الاحتكاك الخارج، غير كافى وهنا المصيبة .. انها ممكن تاذى بكارتها من غير ما تقصد .. يعنى المختونة والعادية هيحسو بالرغبة عادى .. لكن الاختلاف ف كيفية الوصول لل orgasm .. للاسف اهاليكو جهلة ومتخلفين والجهل والتخلف ده انتو بدون ذنب شيلتوه..
لاحظت ان هناك كثير فى الموقع يربطون بين العادة السرية والختان وان الاهل يستغلون اى فرصة لتبرير ختان البنات وانا رايى ان هذه مجرد حجة لتبرير اعتقاد راسخ بضرورة الختان وانا عنى انا قررت اننى لن اعترف لامى بممارسة العادة السرية والزنا حتى لا تقوم بختانى وخاصة انى لى اختى الكبيرة متطاهرة الشهر الماضى بسبب شئ قالته لامى واتطاهرت فرعونى للاسف والاولاد لا يتم بتر اعضائهم الجنسية عند ممارسة العادة السرية والزنا وهم من يبادرون بالتحرش واغلب الشباب يرغب فى الزواج من بنات زنا بها واختى تم ختانها للاسف بعد تعرضها للتحرش فى الشارع
طبعا غباء ان مجرد العادة السرية يبقى داعى للطهارة وانا مقدر جداااا لنفسية البنات kero , sama وللاخت صاحبة المشكلة اقول ده مش حتان سنى ولا هباب دول نصابين وافاقين وجهلة واغبياء واقسم بالله العظيم فى من اللى بيطاهروا منهم نسوان مش مطاهرة اصلا
فلكي ان تتخيلي اختي شابة ان تتم عملية في هذا العصر المليئ بالتكنولوجيا بمجرد موس او مقص و مطهر و قطن بدون بنج او ادوات مثل التي تستخدم في اي عملية؟!! لكي ان تتخيلي حجم الالم و التشوه و العنف
الدولة منعت الختان قنونياً و لكن لازال يتم في البيوت حتي لا يتعرضوا للمسألة القانونية و يجري علي ايدي الممرضين و بعض الداكترة وفي الارياف والصعيد دايات! ولكن منع الدولة للختان في المستشفيات ضرنا بدل من ان يفيدنا لانه جعل طريقة الختان صعبة جداً و بدائية و احياناً ناس غير مؤهلين بدرجة كافية و بدون بنج و هذا اكثر ضرراً علينا
شابة والله لا اعرف هل هي من الدين او عادات عندنا في مصر يقولوا ان شئ ديني ناس يؤيدوا و ناس يعارضوا ولا يوجد حتي الان شئ صارم شيوخ تقول واجب و شيوخ تقول لا و اطباء يؤيدوه و اطباء يعارضوا و علي هذا الحال
الله يعينكوا يا اخواتي في مصر ,كيف لهم ان يفكروا في هذا الفعل هذا ليس من الاسلام بل اصله عادات افريقية قديمة اكثر من ما يكون من الاسلام. الله يهدي كل اب وام يشارك في هذا الفعلِ .
Samaده غير ان اللي بتعمل العملية دي اصلاً زي ما انتي قولتي مامتك قالتلها انك بتعملي العادة السرية عشان تقطع جزء اكبر و ده نفس اللي حصل معايا ان لما بيلاقو واحدة سنها كبير اهلها عايزين يطهروها بالعافية بتسأل ليه لانها سألت ماما بردوا و ماما قالتلها مكنتش ناوية اعملها بس انتي عارفة اليومين دول و شقاوة البنات و الحجات اللي بيعملوها راحت المجرمة دي قالت لماما متقلقيش لما تطاهر حتهدي و كله حيتزبط و انا حتوصي بيها!! يعني هيا بتشيل اللي علي مزاجها و خلاص و كل لما بتقطع اكتر كل لما تبقي باردة اكتر بس انا الحمد لله مشالتش كله . شالت جزء من البظر و جزء من الشفتين الداخليتين ( اسفة علي التوضيح) بس اللي فهمته ان ده ختان سني اللي اتعملي علي كلامها ان ده خفاض ..
Sama لا مش لوحدك و اكيد ناس كتير حصلها كدة لو ولد عمل كدة عادي و لا هيعملو حاجة انما لو بنت تبقي مصيبة و لازم يطاهروها وياريت بيكتفوا بان يعملوا كدة فينا بس لا اصلاً طريقة العملية حاجة مهينة يعني ايه واحدة كبيرة حد يمسكهاكدة اصلاً و يفتح رجلها بالمنظر ده !! حتي عمليات التجميل ف اي دولة بتبقي مستشفي و بنج و دكتور و محدش يدخل اوضة العمليات مش زي اللي بيعملوه فينا في البيت و في الارض و بنج رش و بتبقي حاسة و كل اللي ف البيت بيتفرج علينا ايه القرف ده!! و المصيبة ان شايفين ده العادي !! ماشي حتي لو خلاص لازم حكاية الطهارة دي يبقوا يعملوها باسلوب عدل مش حيوانات احنا! الدولة تمنعها و تنزل اعلانات و اهلنا مفيش فايدة و اللي بيطاهرو بيجوا البيوت عادي جداً و بتاخد فلوس اصلاً علي مجيتها لحد البيت و بتستغل ان العملية متنفعش ف مستشفي!! الاهل مش حيتغيروا هيفضلوا كدة حتي اللي بيقول مش حختن بنتي لو لقاها بتعمل اي حاجة غلط يقول اه ده اكيد عشان مطهرتش و الناس تخوفه! اي حاجة يبقي ده السبب !! احنا وصلنا ان لو واحد بيشتكي بيشتكي من اي حاجة ف سلوك بنته قراره بيبقي حتطاهري! يعني هي الحتة دي هي اللي بتتصرف و الانسان نفسه!!! يعني لما الحتة دي تتقطع خلاص كدة !!
انا اطهرت بسبب نفس السبب انا كنت بحسب انا بس الي كده انا ابويا شافني و انا بعمل العاده و طلع طبعا قال لامي و اخدت علقة موت و كان عتدي 17 سنه و امي قالتلي انها ندمت انها مطهرتنيش و فعلا روحنا البلد عند اهل امي و اتفقت مع الدايه و طاهرتني عند ستي و ستي اصرت ان الطهاره تبقي من غير بنج و كانت موءلمه جدا و حكت للدايه علي الي حصل عشان تقطعلي كله و كان تسبوع عذاب بمعني الكلم و من ساعتها و انا بكره امي و ستي
انا مش عارفه الي بيعملوه ده صح و لا احنا الي غلط بس شايفه انه ازاي يطهرونا في سن كبير اوي كده و يبقي من غير بنج كنوع من العقاب عشان نبطل العاده
زي بس انا عمامي كملن عرفوا و الشارع كله عرف اصلا و من ساعتها و انا منقبه من الكثوف و اخوكي و بابكي صعب اوي انه يمسكومي اتا بقي الي مسكني ابويا و عمامي