ختان البنات

محتارة في ختان بنتي

متزوجة و الحمد لله عندي ٣ بنات الكبيرة 16 سنة و الوسطانية 14 سنة و الصغيرة 4 سنوات و كانت حياتنا طبيعية جداً ولا مرة ابوهم فتح معايا موضوع الختان الا ان ستهم ام ابوهم كنا ف زيارة ليها و سألتنا انتوا لسة مطهرتوش العيال طبعاً غيرت الموضوع عشان زوجي ميخدش باله و اتكلمنا ف حاجة تانية و روحنا و الموضوع عدي بس بعد يومين لقيته جه فتح معايا الموضوع و قالي انا عايز اطاهر البنتين الكبار عشان منأخرش الموضوع اكتر من كدة طبعاً رفضت بشدة و قلت له مستحيل البنتين سنهم كبير و ده خيأثر علي نفسيتهم و دراستهم و بعدين راسينا في الاخر انه ملهوش دعوة ولا يكلم البنات في اي حاجة من دي و ان انا حفهمهم و اخدهم لدكتورة تشوف اذا هما ف حاجة الي ذلك ولا لاء وافق الحمد لله بس انا كمان خايفة الدكتورة تقول اه انا مش عايزة اعمل كدة في اولادي و مش عايزاهم يحسوا باللي انا حسيت بيه انا كويسة مع زوجي جداً رغم اني مختونة لكن التجربة دي كانت صعبة اوي فهل هيبقي في حرج عليا او حرام لو كدبت عليه و قلت ان روحت و مروحتش ؟

مشاكل وحلول ذات صلة

اضيف بتاريخ: Sunday, March 11th, 2018 في 01:50

كلمات مشاكل وحلول: , , ,

8 رد to “محتارة في ختان بنتي”

  1. ابوالبتول
    10/09/2018 at 20:52

    مسالة ختان الاناث من السنة اذا وجد من الاطباء والطبيبات من يحسن ذلك لقول النبي صلى الله عليه وسلم – الفطرة خمس -الختان -الاستحداد -وقص الشارب -وتقليم الاضافر- ونتف الابط – متفق عليه وهو واجب في حق الذكور ومستحب في حق الاناث والله اعلم

    قَـيّـم هذا الحل: Thumb up 0 Thumb down 0

  2. تامر ناصر
    13/04/2018 at 10:38

    كل من يؤيد الختان اريد انه كل شخص يقوم بتاييد ختان الاناث او يمارس سوف يتم سجنه 15 سنة مع غرامه خمسين الف جنيه اذا تم الابلاغ عنه وراى ان كل من يقوم بختان بناته سوف يصبح البنات مؤدبه ولكن بالمقابل سوف يفشلن فى حياتهن الزوجية والعاطفية

    قَـيّـم هذا الحل: Thumb up 0 Thumb down 0

  3. ادهم
    28/03/2018 at 00:35

    انا نفسي محتار ولكن قولي اللهم خيرلي واخترلي ثم اعرضيهم على طبيبة واعملي الي تقول لك عليه

    قَـيّـم هذا الحل: Thumb up 0 Thumb down 0

  4. زهره
    23/03/2018 at 01:50

    فيه دكاتره مابتقولش لا حتي لو بنت مش محتاجه فيه دكاتره بترفض اصلا انتي خديهم لدكتوره بترفض وقوليلها تقول قدامه انهم مش محتاجين انا اتطاهرت ف سن بنتك الكبيره الطهور صعب مش سهل انتي مجربه وعارفه بس مابنقدرش نقول لا

    قَـيّـم هذا الحل: Thumb up 0 Thumb down 0

  5. محمد
    15/03/2018 at 16:33

    الدكتوره هي اللي تحدد
    ولو قالت لا يبقي خير وبركة
    ولو قالت اه انتي امهم وارفضي برضه …

    قَـيّـم هذا الحل: Thumb up 0 Thumb down 0

  6. ابوالبتول
    11/03/2018 at 17:23

    الختان واجب في حق الذكور اما في حق الاناث فهو مكروه ومع الاسف لايزال في ناس تعمل به حتى يومنا هذا وصدقيني سوف ياثر على بناتك ونفسيتهم وقد يكون له اضرار خطيرة عليهن لما يكبروا ويتزوجوا الافضل ان ترفضي ختان بناتك ولاتستجيب لكلام زوجك وامه في هذا الموضوع وان شاءالله ربنا يحفظهم لك ويبارك لك فيهم ويسترعليك

    قَـيّـم هذا الحل: Thumb up 0 Thumb down 0

  7. كريم نور
    11/03/2018 at 08:51

    فكرة انك تعريضيهم ع دكتورة تفكير سليم لان ف بنات بتحتاج وبنات لاء لاختلاف شكل العضو نفسه … وبعدين خايفة من ايه دا بيحافظ ع البنت لان الجنس عريزة ف البني ادمين والشيطان ربنا يحفظنا منه … وربنا يخلي بناتك وتفرحي بيهم

    قَـيّـم هذا الحل: Thumb up 0 Thumb down 0

  8. lokm
    11/03/2018 at 06:21

    انا منصحكيش ف موضوع الختان دا انا 17 سنه والحمد لله محصليش حاجه من دي دا اسمه العلمي اصلا (تشويه الاجزاء التانسليه) بجد اوعي تعمليه لانه له اضرار نفسيه خاصه ان البنت الكبيره 16 سنه يعني هيأثر جدا انا في نفس سنها وبقولك اللي هتحس بيه فياريت تبعدي الموضوع دا خالص ودول بناتك انتي محدش له في الموضوع دا غيرك انتي والبنتين بس لا باباهم ولا حد له فيه لانه موضوع خاص البنتين هيتكسفو يقولو عن رأيهم اصلا فياريت متفتحتيش الموضوع دا معاهم اصلا

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة