أنا انخطبت لواحد من سنة تقريباًً أكبر مني ب 20 سنة و متزوج و عنده ولدين حصل معايا مشاكل كتير بسبب الخطوبة دي عشان كان بيصعب عليا لما كان يبكي عشان مش هقدر أكمل معاه كنت باجي على أي حد يكون ضده لحد ما ف مرة عشان اطمنه إن أنا ليه هو بس قررت نعمل ورق يثبت فيه إن أنا زوجته عشان ميبقاش قلقان أو زعلان من إن أنا هسيبه و مش هكمل معاه.
دلوقتي ماما عرفت اللي حصل مني و هي طبعاً زعلانة و مقهورة على بنتها الوحيدة اللي تبقى كل حاجة ليها ف الدنيا وأنا مبقتش عارفة أطلعها م الحالة اللي حطتها فيها قولت يمكن لما تاخد الورق ده ف إيديها تفك شوية بس المشكلة إن أنا بطلب منه الورق ده عشان أهدي ماما بيه شوية هو مش عايز يديني الورق ده عنده اصرار يتجوزني بأي شكل حنى لو أنا ماليش رغبة ف الزواج ده و مش عارفة أعمل إيه بالله عليكم قولولي حل وأنا بابا متوفي الله يرحمه و ماليش غير أخ أصغر مني بسنتين و أهل بابا مش متواصلين معاهم شايلين إيديهم مننا يارب تعرفولي حل لمشكلتي
استاد محمد محاسب انت فاهم القانون غلط الزواج العرفي باطل في حالة تلك البنت لانو ناقص الشروط تماما ومن حقها رفع دعوى عليه في المحكمة والقاضي يطلب من الزوج اثبات زواجه من تلك الفتاة فاذا لم يكن العقد من خلال ماذون شرعي وبحضور الشهود فهو زواج باطل وغير صحيح ويطلب فسخ ذلك العقد اما الأخت السائلة فلازم ترفع دعوة عليه وتطلب منه اشهار هذا الزواج وجعله زواج شرعيا لاجل تضمني كل حقوقك فان رفض فلازم تبعدي عنه وتتركيه وربنا بيرزقك بابن الحلال اللي يستاهلك ويسعدك في هذه الحياة
التوقيع علي الزواج العرفي شغل عيال – تاني حاجة انه دليل علي زواجك فلا يجوز لكي الزواج بغيره والا وقعتي تحت طائلة قانون العقوبات بأنك جمعتي بين زوجين – تالت حاجة الزواج العرفي لا تسمع بشأنه دعوي – رابع حاجة أنه يضيع الحقوق المالية للزوجة فلا مهر ولا مقدم ولا مؤخر ولا شقة ولا عفش ولا منقولات – خامس حاجة بأن الزوج ينكر نسب أولاده – سادس حاجة أن الورقة العرفية التي مع الزوج دليل مع الزوج سلاح ضد الزوجة وهي ليس معها اي دليل ضده – سابع حاجة أن الزوج يستخدم هذه الورقة لتهديد الزوجة – هذه معلومات عامة يجب علي الاخت السائلة أن تعلمها جيدا – أما عن الحل يمكن أن تبحث والدتك عن شخص محترم في مكان عمله أو في مسكنه أو مكان دراسته وتطلب منه التدخل لحل هذه المشكلة أو اللجؤ الي محامي أو شخص يجيد فهم القانون وعمل محضر في قسم البوليس – وانذاره علي يد محضر باعتبار هذه الورقة باطلة – والله الموفق
طب هو مش ورق عادي هو عقد زواج عرفي مكتوب كمبيوتر و مطبوع كده يبقى أنا على ذمته و له حق فيا ويقدر يطالبني بيه كزوجة
هو لسه مش لمسني أنا الحمدلله تمام زي ما أنا مشكلتي عايزة أخد ورقي عشان خايفة يربطني بيه غصب عني
هههههههه ياحبيبتي متخفيش الجواز العرفي مش جواز والورقة خليه يبلها يشرب ميتها ملهاش اي لزمة وابعدي عنو اوعي تخليه يلمسك او يضحك عليكي اصلا هو مش مناسب ليكي قوي شخصيتك وتلكمي كده وضهرك مفروووود شكلك صغيرة وملكيش تجارب في الحياة
يابنتي انت غلطانة جدا في مافعلتي ازاي تقبل بالزواج من هذا الرجل زواج عرفي بدون علم اهلك وموافقتهم عايزك تعرفي ان الزواج العرفي ليس بزواج صحيح وفاقد للشروط التي تجعله زواج صحيح ورسمي بدون حضور الولي -وعدم الاشهار وكثير من العلماء افتوا بتحريمه واعتبروه كالزنا اتقي الله في نفسك وفي الست والدتك وفي سمعتك وشرفك وطالبيه باشهار هذا الزواج ويكون زواج رسمي امام الله وكل الناس وان رفض فلازم تبعدي عنه وتتركيه وربنا يكرمك بابن الحلال الصالح اللي يستاهلك ويقدرك ويسعدك طوال حياتك