خطيبي جعلنى مصابه بالاكتئاب

انا مخطوبه من سنه و خطيبى اكبر منى بسنه و 10 شهور و هو طالب و اهم حاجه عنده دراسته ثم اهله و الله اعلم انا رقم كام من يوم ما اتخطبنا عمره ما حسسنى انه مهتم بيا ع طولعايز ان كان زعلان حتى لو مش منى ان اراضيه و اعرف ماله دى مش مشكله لكن لما انا ازعل منه يقولى لما تهدى ابقى عرفينى و انا عمرى ما طلبت منه هديه زى ما باسمع البنات بيقولو لكن عمره ما فكر ان يهدينى ورده انا مش عايزه غيرهاع طول مش بيكلمنى غير كل اسبوع حتى مش بيدينى كل فتره رنه و يقفل و هو طبعا مش رومانسى بالمره وعملى جد او اللى مضايقنى انه بيعملنى كانى واحد صاحبه و ع طول بيقولى احنا اخوات و هو ميقصدش بيها حاجه عمره ما عبرلى عن حبه لو كان حتى من طريقة التعامل او بشكل اهتمام لو حتى بسيط و لا حتى بكلمه ومهما غاب لما يرجع ما بيحسسنيش انى وحشته دا حته لما تيجى الاجازه يقول امتا تخلص الاجازه الممله دى و عايزنى انا اللى اهتم بيه واتصل عليه و ابعتله رسايل و هو كل ما يفتكر يبقى يبعت دا حتى لما ابعتله رساله مش بيرد عليها و لا حتى بيعلق عليها لما نتكلم بعد كده ع طول لما ينزل بيقول انه بينزل لان البلد وحشته و اهله و انا كأنى مش موجوده لان كليته فى محافظه تانيه حتى مش بيحاول يعوضنى عن فترة انشغاله بالدراسه فى الاجازه كله عنده عادى و على طول يقولى انتقادات عن البنات مثل انهم طمعين و حاجات من دى و لما بقوله ان فى حد من اخواتى او قاريبى علق ع انه لما يجى عندنا مش بيتكلم يقول و هما عيزنى اعمل ايه يعنى وع طول يقولى معندكش كلام او موضوع عايزه تتكلمى فيه باقوله لا عشان هو يتكلم يقول اى حاجه لان انا بسأله معندكش انت يقولى لا و يزعل ان انا قولتله كدا مع ان هو بيقول كداو عنده لازم ان انا اللى اتكلم وافتح كلام حتى لما يجى يسهر عندنا يقعد ساكت لانه بيقول ان انا اللى لازم اللى افتح الكلام لان هو اللى جاى عندنا مع ان قولتله انه مش ضيف رايح عند حد دا انت عند خطيبتك دا حتى عمره ما صرح بكلمنا اننا مخطوبين ع طول احنا صحاب و اخوات مع ان عمرى ما حاسيت اننا اصلا زمايل و انا منتقبه و المره اللى قال فيها اننا نعقد عرفت بعديها انها بناء على طلب عمه مش هو اللى عايز كدا او مستعجل عليها و حدد معدين و اختار المعاد الابعد و كمان عدى على المعاد دا حوالى 67 شهور و كأنه ما افتكرش و لما باقوله فى ناس بيسألونى ان انت مبتزعلش من انه مش بيشوف وجهى بيقول ما فى بيسألونى و يقول بس الناس دى غريبه قوىى و هو فيها حاجه و ع طول مامته تقول ان الحاجه دى مش فارقه معاه و لما يجى و يقعد تحت فى بتنا مع حد من الاقارب و بعدين يطلع يقعد فوق حاجه بسيطه لان الوقت بيبقى اتأخر بعدها لما نفتح الكلام دا قدام مامته انه ما لحقش يقعد فوق كتير تقول هو عادى مش فارقه معاه بجد انا تعبت قوىى و كل ما احاول اصارحه بكدا يقولى انت عايزه ايه يعنى و يحرجنى فى الكلام انا دلوقتى عندى اكتئاب كبير جداو عدى سنه و معدش غير سنه و نتجوز و انا حاسه اننا و قفين فى مكانا بل بنرجع للخلف مش عارفه لما نفضل كدا طب هنتعامل مع بعض ازاى بعد ما نتجوز بالله عليكم نفسى حل و بسرعه قويي

مشاكل وحلول ذات صلة

• كدبة ممكن تخسرني صاحبتي وصعب اقول الحقيقة
• متردد اخطب اي بنت فيهم
• ازاي اسيب خطيبي من غير ما اجرحه
• اعلم انى شاذه بما لا يخالف شرع الله
• خنت خطيبى مع اللى كان حبيبى
• خنت خطيبي مع جاري وحاسة اني ظلمته
• بحب شاب خاطب بنت تانية وبفكر اصارحه