اما تكون مصاحب واحد بقالك 8 سنين ودخل في حياتنا انا وهو صديقين بقالهم 3 سنين … كل اما بنخرج مثلا بنتجمع كلنا المشكلة ان الصديقين دول بقوا بيرخموا اوي اوي وبيهظروا طول الوقت هزار بالإيدين وهزار بالألفاظ وكتير اوي طبعا كل شوية اقولهم ياجماعة استرجلوا بقي احنا شباب جامعة دلوقتي ولازم نهدي … يعني شغل الهزار الكتير دة احنا كبرنا عليه طبعا انا مش بمنع الهزار خالص بس هي مرتين 3 مرات وخلاص مش طول الوقت هزار رخم … طبعا انا بالنسبة ليهم كدة بخنقهم لاني كل شوية بحاول اعقلهم وانصحهم … فيوم كدة اتفاجئت بإتصال الساعة 4 الفجر من صاحبي ( اللي مصاحبه بقالي 8 سنين ) لاقيته بيقولي الاتنين اصحابنا دول اتخنقوا منك اوي وبيقولولي معنتش تجيبه معانا خالص في اي خروجة لأنه بيخنقنا وكلام كتير اوي فعلا صعبة عليا نفسي اوي مع اني كنت كويس معاهم اوي وعمري ما اذيت حد فيهم وصاحبي دة قاعد يقولي دة انا قولتلهم انك صاحبي من زمان وهجيبك كل مرة غصب عنكم … المهم تاني يوم اتصلت بصاحبي القديم اوي دة وقولتله عايز اقابلك وكدة استفسر منك عن شوية حاجات لأني ماكنتش مركز في كلامك امبارح علشان انت صاحتني من النوم قالي ياعم دة موضوع تافهة سيبك ( طالما هو موضوع تافهة صاحتني من النوم الساعة 4 الفجر ليه ؟ ) وكمان معلش انا عندي كورس وكدة وهخرج منه متأخر قولتله طيب هقابلك بعديه قالي لا اصل اصحابنا التانين هيبقوا معايا قولتله طيب قالي انا هبقي اتصل بيك فوجئت فعلا انه بعد الكورس ماتصلش بيا وكمان عرفت انهم خرجوا مع بعض وكدة … فضل لغايت تاني يوم ما اتصلش قمت انا اتصل بيه بليل قولتله اية ياعم عايز اقابلك انت فين وكدة قالي انا في البيت وهتصل بيك بكرة علشان نشوف بعض قولتله ماشي تالت يوم ماتصلش خالص رابع يوم اتصل بيا الصبح الساعة 12 كدة الصراحة بعد كل دة انا ماردتش عليه واحنا دلوقتي في خامس يوم وهو لم يعاود الإتصال مرة اخري … ياريت حد ينصحني اعمل اية واسف علي الإطالة … ملاحظة : الأصحاب الاتنين دول عملوا كذا حركة ندالة قبل كدة واتكلموا برضه من ورايا عليا قبل كدة بس انا سامحتهم وقبلت كدة علشان انا طيب بس زيادة عن اللزوم … ياريت حد ينصحني اعمل اية واسف علي الإطالة
الوصف
مشاكل الاصدقاء و الاصحاب الصديقات في الجامعة المدرسة على النت
بحث مصريات
شكاوي المواطنين
- تسوية المؤهل في مديرية الصحة بالشرقية
- تدمير شقتى بالاسكان الاجتماعى في حدائق اكتوبر
- معاناة سكان شارع محمود البنا بحي المنتزه الاسكندرية
- وقف بناء برج مخالف في طهطا سوهاج
- التضرر من نقل هاتفى الارضى في سنترال بولاق الدكرور
- ورشة بين مساكن قرية اسنيت في كفر شكر القليوبية
- رفض طلب كشف طبي معاقين بموقع وزارة التضامن
مصريات
- صور رمضان 2022 تحميل بطاقات وخلفيات كروت رمضانية جديدة جدًا
- وصفات حلويات عيد الحب: طريقة تحضير قلوب الشوكولاتة والبسكويت المحشي
- رسائل الفلانتين للحبيب 2022 تهاني عيد حب سعيد للعشاق
- كروت معايدة عيد الحب متحركة 2022 بطاقات صور تواقيع الفلانتين
- رسائل عيد الحب 2022 كلمات حب قصيرة مضحكة تهنئة الفالنتاين
- كفرات عيد الحب فيس بوك 2022 صور كروت الفلانتين واغلفة منوعة
- رسائل عيد الحب قصيرة 2022 عبارات للمتزوجين للمخطوبين للاصدقاء
COPYRIGHT (C) 2022موقع مشاكل وحلول | احد مواقع شبكة مصريات
النصيحة انك تبعد عنهم وتهتم بدراستك والتركيز فيها وعايزك تعرف ان تصرفاتهم دي تافهه ومالها قيمة ابدا اختار لك اصدقاء يكونوا على دين وخلق ومن عيلة محترمة وابعد عن الاشكال دي وربنا يسترعليك ويصلح حالك ويؤفقك