مشاكل الثانوية العامة

ابي يرفض الدروس الخصوصية في الثانوية العامة

السلام عليكم ورحمة الله وبركاته
انا ان شاء الله رايحه 1 ثانوي السنه الجايه مشكلتي مع ابويا الدروس الخصوصيه
اناعمري ما اخدت دروس بس ندمت اخر ندم لان في 3 اعدادي كان كل زميلاتي بياخدو دروس الا انا وكلهم ما شاء الله جابو مجاميع عاليه الا انا مجبتش المجموع الي علي اد تعبي انا بتعب جدا في المذاكره بس انا مش ذكيه اوي فا بحتاج مساعده بتكسف اطلب من صحباتي ورق الدروس
بحاول بقدر الامكان اخلي مدرسين المدرسه يشرحوا لي بس……….انتو عارفين المدارس الحكومه
عموما انا لازم اخد دروس في الثانوية لانها هتحدد مستقبلي كله
بس اختي لما كانت في الثانوية العامة كانت بتتعذب بسبب بابا كل اما تيجي تروح الدرس يعد يزعق عشان الفلوس والخروج بس اختي مش زي هي ما شاء الله عندها قدره علي اللا مبالاه 🙂 بس انا لاء
انا حساسه شويه ولو حد كلمني كلمه كده ولا كده بيجيلي اكتئاب ومش بعرف اذاكر خاااااااااالص
ارجوكم ساعدوني اعمل ايه مع بابا.؟؟؟؟؟

مشاكل وحلول ذات صلة

اضيف بتاريخ: Monday, July 4th, 2011 في 21:36

كلمات مشاكل وحلول: , ,

15 رد to “ابي يرفض الدروس الخصوصية في الثانوية العامة”

  1. Lucy
    13/11/2019 at 16:27

    ولا دروس ولا حاجه يا شيخه اعملي الي تقدري عليه و قولي له بعد النتيجه ده بسبب الإمكانيات الي كانت عندك

  2. جنا
    14/09/2011 at 10:57

    انانا معايا نفس المشكله بالظبط جدا وكنت مضايقه جدا بسبب الموضوع ده انا في اولي ثانوي مختش ولا درس قلت ماشي مافيش مشكله اولي مش مهمه جيت في تانيه قولت لا لازم اخد دي مهمه فضلت اقنع في بابا لحد ماوافق وجيت في تالته حاليا لقيت بابا مش راضي خااااااالص ومخه قفل فضلت مضايقه ومهما اقنع فيه مافيش فايده خليت ماما تكلمه فضل يزعق لماما وفضلت تقوله هي سنه وتعدي المهم نعمل اللي علينا عشان متجيش تقول احنا السبب وكده وبالعافيه روحت بس باخد درسين بس مش كله وعلي كده بابا مش راضي اني اروح بقولك ان الام لها دور كبير في المشكله دي عشان انا اهو روحت الدروس بسبب امي ربنا يخليها ليه

  3. faten
    17/07/2011 at 02:39

    اولاربنا معاكي ويوفقك بس المداكرة حلوة اعرفي انتي عاوزة ايه وحطى في دمغك

  4. سندريلا
    16/07/2011 at 10:22

    سوري ع المقاطعة كنتي بتقولي عايزة تاخدي دروس خصوصية ليه اي طاب دلوقتي داخل الثانوية كل اللي يفكر فيه الدروس الخصوصية اناف 3ث وجبت مجموع كويس السنة الماضية ونفسي ادخل طب بس انا بفضل الله ذكية وحفيظةف نفس الوقت \انا بعد مادخلت الامتحانات ف السنتين ندمت ع الدروس اللي اخدتها لاني ضيعت وقت وجهد كبييير ف رايي الثانوي العامة اسهل من السنين اللي قبلها بمعنى انه يمكن الاعتماد على النفس تقدري تذاكري ف البيت بس بشرط يكن يكلفك كتير—هاتي اكتر من ملخص للمادة حتى لو قديم وحلي كتير وحلي امتحانات قديمةجدا من95ل2011 واحفظي كلمات Eكتييير من برة المنهج ونمي مهارتك اللغوية ف اي لغة بنفسك مفيش مدرس بيعمل كده بكثرة الحفظ والمذاكرة والاطلاع ف الثانوية تقدري تجيبي مجموع عالي اوي ان شاء الله اسمعي مدرسة ع الهوا بس اثناء الدراسة فقط مش المراجعة وروحي المدرسةاوكيجنالي حتى لو الفايدة قليلة واسالي المدرسين ف اللي ماتعرفيهوش وخلي عندك لامبالاة كل ده مش هتقدري تعمليه لو اخدتي دروس ولو فيه مادة عصلجت اوىىىىىىىىىى خدي درس وخلاص بس مش كل المواد

  5. البوب
    12/07/2011 at 01:27

    انا برضو نفس الحكايه ماخدتش دروس من اوله اعدادى بس انا خايف من اوله ثانوى جدااااااااااااا لان ابويا حالف لا يضربنى بالجزمه قدام زمايلى بس انا كده كده داخل ادبى لا ن ى ماليش فى الرياضه

  6. m o a t a z
    10/07/2011 at 18:04

    انتى كدة اتحطيتى قدام الامر الواقع ونصحيتى ليكى ادخلى شعبة ادبى وانشاء اللة مش هتحتاجى اى دروس لان الطالب الادبى المتفوقعمرو ماكان محتاج درس الا فى الرياضة انتى بس شدى حيلك ونظمى مواعيدك وروحى المدرسة وتبعى البرامج التعليمية
    وانشاء اللة هتبقى من اوائل ادبى لان انا شايف ان انتى عندك دفعة حلوة وطموحة

  7. حسن الطيار
    10/07/2011 at 01:56

    يا اختى انا كنت زيك بصى يا اختى انا مش هنكسف خلينا نصارح بعضينا اولا انا اسمى حسن الطيار طالب كليه الحقوق جامعة اسيوط الفرقه التانيه المهم انا كنت فى اعدادى ولا باخد معاى كشكول ولا كتاب اصلا ولا قلم حتى كنت بروح امضى حضور وامشى زى ما بكلمك والله بس متقوليش علفيا ايوه ياعم انتا يمكن معا وسطه فى المدرسه وبتنجح من غير اى حاجه ابدا والله انا من عائله متوسطه ومعاهم فلوس وحبيت اخد دروس خصوصيه بس معاى ابوى فلاح والله بصراحه اقوله عاوز فلو س يقولى مفيش يا ابن الكلب والله زى ما بقولك بس اما بطبيعتى عندى لامبالاه وبرود تام اقوله ربنا يخليك ماشى يا بابا حاضر معكش فلوس حاضر ربنا يفرجها عليك من ساعتها دى حرمت اقوله تانى مش خوفبس عزة نفس كنت بلعب كونغوفو وبروح النادى وعادى جدا
    الكلام ده فى اعدادى المهم حليت فى الامتحانات بس بذكائى بس واتفاجات اخر العام جبت 81 % زى ما بكلمكم عن جد ورحت ثانوى سنه اولى كنت كذالك الامر بروح المدرسه امضى حضور واروح النادى وعادى ونحجت جيت فى سنه تالته قولت مبدهاش بقى لازم دروس اصحابى اخدم كلهم دروس اخدت معاهم بسمش كل امواد المواد مثلا زى الرياضه الفرنسى الانجليزى بس لكن المواد التانيه كنت بحفظها بس تخيلو السنه فى سنه تانيه اللى اخدت فيها دروس جيبت مجموع 75 % وفى سنه تالته بقى قولت والله ما اخد دروس على فكره انا ما كنتش بدفع الدروس يعنى فلوس كنت بكون متفوق فى الحصه الاستاذ ميرضاش ياخد منى فلوس ده سعدنى اكتر تالته بقى قولت مش واخد دروس والله تصوررو جبت مجموع كام 88% احب اقول حضرتك انه مش بالدروس هيه فهم وتركيز والتوفيف من عند ربنا واحب اقولك المهم مكملتش ليكم الحكايه ورحت جامعة اسيوط وبجيب الحمد لله دلوقتىامتيازات وجيد جدا وده من فضل ربنا الحمد لله المهم احب اقولك انتى ما تسمعى لكلام والدك يعنى لان انا لو سمعت لكلام والدى كمت فشلت دلوقتى والله متستغربش يا اختى بكلمك بجد والله انتى تحاولى على قد مجهودك انك تاخدى دروس بس مش كل المواد المواد اللى تحسى انها صعبه عليكى مثلا انجليزى فرنسى الرياضيات بس المواد التانيه صورى مذاكرات بس وعادى صوريها من اصحابك لا حياء فى العلم عادى لو مكسوفه خلى واحده صحبتك تصور نسختين واحده ليها والتانيه ليكى من غير ما اصحابك التانين يعرفوا

  8. MARMAR
    09/07/2011 at 21:51

    يا اولاد الظروف صعبة وحمل الدروس تقيل على اولياء الامور انا لا اعترف بالدروس الخصوصيه لانى ما كنتش باخد خالص وبنتى فى الاعداديةجابت فى الترم الاول89 فى المية وقالتلي انها عايزة دروس وانا رفضت وقلتلها انها مش بتذاكر ؤاعتمدت على نفسها وذاكرت وجابت فى الترم التاني96 بدون دروس ولا مساعدتى
    سدقينى الدروس مش كل حاجه ادحلى مجموعة فى المواد الصعبة شاهدى البرامج التعليميه ذاكرى من اول دقيقة احضرى في المدرسه واسمعى الشرح حتى لو كان من مدرس مش شاطر هيفيدك اكتر ابحثى فى النت عن الدروس الصعبة

  9. صاحبة المشكله
    09/07/2011 at 17:27

    ربنا يكرمكم علي ردودكم بس انا للاسف جربت كل الي قلو عليه ده قبل كدووالدتي عايشه الحمد لله بس بردو مفيش فايده هو بابا دماغه متركبه كده مع انا بيشوف اعمامي وولادهم كلهم في مدارس خاصه وبيدفعوا لهم الوفات واصغر مني كنان
    بس بيقول مليش دعوه بحد انا ليا في عيالي بس

  10. الثانوية العامة
    09/07/2011 at 15:32

    الدروس الخصوصية مهمة جدا المهم تخلى حد يقنعوا وتفهمية ان الدروس دى هى اللى حتطلعك حاجة مهمة طبعا الدروس هى عامل بسيط بس الطلبة كلها بتعتمد علية

  11. الدروس الخصوصية
    09/07/2011 at 15:25

    اكيد طبعا الدروس مهمة جدا وخصوصا فى ثانوية عامة لانها بتحدد المستقبل انتى ممكن تخلى حد يكلم والدك انك عندك امل وانك حتطلعى حاجة مهمة وهو اكيد مش حيكرهلك الخير

  12. احمدمحمد
    09/07/2011 at 00:58

    ولو كان عندي نفس المشكلة سبحان الله بس انا بابا مش متفاهم في الايام دي كنت باخد دروس ومشية كويس بس مش عارفة اية الي غيرة ربنا يهدي الجميع

  13. عمور
    05/07/2011 at 03:08

    وعليكم السلام ورحمه الله وبركاته
    لو مامتك عايشه ممكن تخليها تكلم باباكي
    أو ممكن تحاولي تروحي سنترات بيبقى سعرها كويس 🙂
    وعلى فكره مفيش فرق بين السنتر والدرس لإن فيه ناس كتيييييير بتطلع متوفقه من السنترات لازم تروحي سنتر على الأقل
    وعلى فكره فيه دراسه أثبتت إن الطالب عليه 85% من التفوق والمدرس عليه بس 15% 🙂

  14. أمة الله
    05/07/2011 at 02:04

    بصي يا حبيبتي في البداية حاولي تفهمي باباكي نظام التعليم في مصر وقوليله أن %99 من طلاب الثانوية العامة بياخدوا دروس لأن ببساطة المدرسة بتكون غير كافية في أغلب الأحيان وأنتي حاولي متاخديش دروس في كل المواد زي ما الناس بتعمل لأ اختاري مادة أو اتنين بس يكونوا صعبين أوي واستحلة تفهميهم لوحدك وممكن تتدوري على مدرسة حكومة كويسة يكونوا المدرسين فيها بيشرحوا إلى حد ما وفي دروس على موقع الوزارة حلوة أوي فممكن تستعيني بيهاوإن شاء الله ربنا يرزق مصر برئيس كويس يعرف يعدل الحال المايل في المدارس ومتحتاجيش دروس خالص.

  15. نور الهدى
    05/07/2011 at 00:57

    بصى ياحببتى انتى شوفى حد من اهلك ابوكى بيحبه وبيثق فيه زى صاحبه اخوه مامتك كده يعنى المهم لازم يفهم ان ده مستقبلك وقوليله يابابا لما يكون هادى ده مستقبلى وفهميه على اللى بيحصل فى المدرسة على المدرسين وكده وصلى ركعتين لربنا وان شاء الله فرجه قريب…..ربنا معاكى

اترك رداً أو حلاً لهذه المشكلة