مشاكل الازواج

هل زوجتي باردة ولا انا غلطان

متزوج من 5سنوات مراتى جميلة ومثقفة ودائما مهتمة بي و الاطفال دائما الشكوى منى مابخرجش معاها ومبجلس في البيت اوقات فراغى مع  اصدقائى برة البيت وبنام لوحدي علشان دوشة الرضيع وهى بتزعل من كدة ودائما اوصل لها احساس ان هى باردة بل رغم ان انا عندى سرعة القذف وعمرها مشتكت مش عارف هى باردة ولا انا الى غلطان ياترى مين غلطان والغلطان فينا يعمل اية؟؟؟؟؟؟؟؟؟؟

مشاكل وحلول ذات صلة

اضيف بتاريخ: Monday, January 10th, 2011 في 16:26

كلمات مشاكل وحلول: , , , , , ,

14 رد to “هل زوجتي باردة ولا انا غلطان”

  1. hasin1
    07/06/2011 at 22:59

    ههههههههههه يا اخي انت اللي غلط من رأسك حتى أخمس قدميك كل ما ذكرته غلط في غلط. حاول ان تحاورها بهدوء وحب ستجد انها فقط لا تريد ان تجرحك في رجولتك

  2. medo
    22/01/2011 at 13:57

    اخى الحبيب انت محظوظ بزوجتك فهى زوجة ممتازة ولكن انت لابد ان تعالج مشاكلك لانك بذلك تظلمها كتيرا اولا قم بعلاج موضوع سرعة القذف فمن الممكن معالجة هذه المشكلة اما الموضوع التنى فهو خطير فيجب عليك ان تحسسها بالمشاركة فى تربية صغارها فهى اذا صبرت اليوم لم تصبر غدا فالانسان له قدرة على التحمل اما المشكلة التالتة فهى الظلم بعينه ان تكون المشكلة فيك ولا تعترف بها امامها عالج نفسك ولا ترمى زوجتك انها باردة واتقى الله ياخى

  3. همسه
    17/01/2011 at 01:50

    عجبتنى صراحتك فى طرح المشكله دايما لما بيكون فيه طفل رضيع او اطفال صغيرين بيكون على الام عبء كبير لانها عاوزة تراعى عيالها وفى نفس الوقت عاوزة تراعى جوزها وتحسسه انها مهتمه بيه بيضطر الزوج انه يخرج يسهر او يبعد شويه عشان يلاقى حد يتكلم معاه ويفك عن نفسه لكن هى مالهاش مخرج عايشه فى الاجهاد النفسى والعضوى وكمان متحمله انك سريع القذف يعنى حتى الحاله الجنسيه عندها مش مرتاحه فيها ومش بتلومك ولا بتجرحك مراتك ست الستات هى مش بارده هى محتاجاك معاها تحسسها انك حاسس بتعبها وانها حبيبتك وانها جميله وتساعدها وتحن عليها ياااه حتحس براحه وهى كمان حتحبك اكتر وحاول تشوف حل لحكايه سرعه القذف دى وتشارك مراتك فى مشاعرها وربنا يهديلكم الحال ويخليهالك

  4. نورسين
    15/01/2011 at 19:13

    بسم الله الرحمن الرحيم
    اخى انا فرحانه جدا بوصفك لزوجتك ده معناه انك بتحبها جدا ومن خلال كلامك انها هى كمان بتحبكجدا ولو كانت غير هذا كانت لا تهتم ببقائك فى البيت ولا بخروجك مع اصحابك هى بتحبك وتحب ان تشاركها فى كل مراحل حياتها وتستمتع بوجودك بجوارها .واحذرك المرأه تنادى باعلى صوتها لتوقظ زوجها من غفلته وتريد ان تقول له انت مهمل انا امرأه احب ان اشعر اننى مرغوبه محبوبه ولكن عندما تيأس سوف تهمل كل شئ كما اهملتها لن تكون الجميله التى تتجمل لزوجها وحبيبها ولن تكون المراعيه لاطفالها ولا لزوجها لان فاقد الحب لا يعطى حب .الزواج مسؤوليه مشتركه والواضح انك اغفلت دورك كرب اسره وزوج .فارجع الى زوجتك وحبيبتك فهى الباقيه طول العمر واصبر عليها .وكما قال الشعراوى رحمه الله (القوامه اعطيت للرجل ليس معناها تفضيل للرجل على المرأه ولكنها خدمه الرجل للمرأه والقيام على امورها)وتفضيلها على نفسه وربنا يديم عليكم نعمه الحب والاستقرار والله الموفق

  5. رومانسي
    15/01/2011 at 18:43

    هى مش باردة . عارف لو قالتلك انك عندك مشكلة فى موضوع الجماع دة انت مش هتعوز الجماع دة تانى وهتحس بالنقص. هى بتعمل كدة علشانك وعلشان خاطر بتحبك وعلشان ولادها. بتستحمل الى انت مش ممكن تستحملة . دى بتحبك لدرجة انت مش تستاهلها.لية الواحدة لما تحبكو تيجو عليها كدة؟
    وبعدين انت ربنا وعدك بزوجة جميلة واطفال لية مش تحبهم وتعد معاهم ويكونلك وجود فى حيتهم؟كل حاجة اصحاب وبس؟ راعى ربنا فى زوجتك.مش طالبة منك غير شوية حب صغيرة

  6. حبيبة الرحمن
    14/01/2011 at 03:10

    الصراحه اللي مقصر حضرتك لانها ليها حق عليك وارجوك اهتم بيها مش تحسسها انها خلاص خدامه في البيت ومرضعه للبيبي والاطفال وبقره في السرير اجلس معاها ومع اولاك هي ابده بيك من صحبك والعب مع اولاك دول هما ابده ب10 دقايق من اصحابك واخرجه مع بعض واقول ليها كلام حب ورومانسي اي ست بتحب تسمع من زوجها كلام جميل وهات ليها هديه وافتكرها حتي برساله وانتا في شغلك حتي اكتب فيها بحبك ونام في حضنها والبيي ينام علي سرير بس اهم شي تحسسها بحبك وبعدين لو البيبي عيط ده ابنك يعني بتبقه احلي دوشة في الدنيا ربي يسعدك ومايحرمك منها ويخليكم ليعض واولادكم يارب ولو علي سرعة القذف شوف دكتور وخد رايه بس اهم شي تهتم بزوجتك وتقربه لبعض

  7. ♣♥♣ فارس ♣♥♣
    11/01/2011 at 00:55

    بارده ؟ ده لو فيه حد بارد يبقى انت انا مش عارف انت عايز حل ولا جاى هنا تنتقد نفسك وخلاص انت ربنا اوهبك نعمه الزوجه المطيعه الوفيه المخلصه الى تتمنالك الرضا علشان ترضى سبحان الله ماهو الزواج ده رزق من عند ربنا وزوجتك رزقها عاثر يا اخى اتقى الله فى نفسك وراعى بيتك اهم مليون مره من اصحابك وسهرك بره البيت ده حتى السهر بره البيت مبيجبش غير وجع الدماغ بصراحه انا عجز فكرى عن التعليق لدرجه انى حزين على زوجتك لوجودها معاك انت مش عارف تحافظ على النعمه الى ربنا اوهبهالك وربنا يهدينا واياك وشكرا

  8. رضا
    11/01/2011 at 00:52

    زوجتك بنت ناس وانت اللي مقصر شويه ,الاهتمام والحوارالهادئ وخروجه حتي كل 10 ايام اما من حيث الجنس فياتي في المرحله الثانيه والسيدات المحترمات يعرفن الجنس عن طريق ازواجهن فقط عموما تسنطيع اطالة العمليه بالمداعبه والتلامس والقبل وما الي ذلك وفترة ما بعد الفجر فعلا تطول فيها العملبه كما يمكنك ايضااستخدام حبوب الفياجرا(الحبه الزرقاء)قرص واحد قبل العمليهب 1-2 ساعه

  9. الصعيدى
    11/01/2011 at 00:15

    ياسيدى الغلط فيك انت لان من حق زوجتك عليك ان تجلس معها وتلااطفها وان تنام معها على ولا تتركها وحيدة وانت من علمتها البرود فى عواطفها لانة من حق زوجتك عليك ان ترى اهتمامك بها لان ذالك يفرح زوجتك وتحس باهتمامك بها ويجب عليك قبل الجماع ان تلاطفا وتداعب مشاعرها ستجد نتيجة افضل

  10. زوج سعيد
    10/01/2011 at 23:42

    يا نهار اسود يا نهار اسود على رأي محمد سعد في فيلم اللي بالي بالك
    زوجتك يا عم الحاج بتحاول ترضيك وسعادتك حابسها في البيت وكمان لما بتكون فاضي بتسهر مع اصحابك بره البيت يا اخي عيب عليك واللي مجنني ان سعاتك بتنام في غرفه لوحدك ازاي بعد كل ده عاوز تعرف مين اللي بارد جنسيا فيكم
    اسمحلي اقولك انت اللي بارد جنسيا
    خليك واضح وصادق مع نفسك
    حاول تغير من اسلوبك معاها وقرب منها ودلعها وابسطها وحسسها بحبك وحنانك وهي هتكون معاك زي الفل وهتظبطك في الجنس كمان
    وربنا سبحانه وتعالى قال في كتابه العزيز(وقدموا لأنفسكم) يعني قدم المبارده السليمه في العلاقه الحميمه هتلاقي منهاأداء جيد وهتلاقيها في منتهى الاثارة
    وربنا يهديك للطريق الصح

  11. جوجو
    10/01/2011 at 19:09

    لا طبعا مش بارده
    هى بتحاول ترضيك بأى شكل ودى من افضل الستات اللى ماتحبش تعمل مع زوجها مشاكل وبتحاول ترضى نفسها لانها بتحبك
    راعى زوجتك زى ما هى بتراعيك

  12. MiDo
    10/01/2011 at 17:55

    انا وجهة نظري المتواضعة انك غلطان… في ستات – اذا ما كانش كل الستات – بيحبوا يحسوا جدا بالاهتمام… و انت مش بتحسسها بكده لما تنام لوحدك و تخرج مع صحابك وقت فراغك… المفروض انك تنام مع مراتك مش تنام لوحدك… و اكيد الرضيع مش بيعمل دوشة طول الليل… و جرب تخرج معاها مرة كل اسبوع او اتنين بدل ما تخرج مع صحابك.. ما هي انسانة برضو و تحب تخرج زي حضرتك.. ولا ايه؟
    حاول ما تحسسش مراتك انها مهملة… و انها – لا مؤاخذة – في مقام الشغالة…
    اسف اذا كنت دايقتك بالجملة الاخيرة…

  13. أبو البنات
    10/01/2011 at 17:11

    الغريب انك بتسال مين غلطان؟؟؟؟؟
    يا اخى واضح من ثنائك على زوجتك انها نعمه من الله
    ولكن انت مش عارف قيمتها او مش عارف تحبها

    اولا دوشة الرضيع دة مش ابنها لوحدها واحمد ربك فيه ناس تانيه بتتمنى ضافر عيل ((حتى بيقولو لو قطه عاميه))

    ثانيا ودة الاهم

    لازم تعترف انك غلطان ومقصر فى حقها عندك سرعة قذف وتوصلها احساس انها باردة ؟؟؟؟ يا اخى اتقى الله وكمان عمرها ما اشتكت

    اسمع الكلمتين دول كويس اوى وافهمهم نصيحه لله

    مشكلتك فى سرعة القذف وعلاجها صلاة الفجر فى جماعه وعن تجربه شخصيه

    وصدقنى انت بتعمل كل دة عشان تهرب من المشكله الاساسيه تتهمها بالبرود وتنهرها وتهملها فى البيت لوحدها بالرغم من ثنائك عليها ….لازم تعترف ان المشكله عندك انت مش هى

    وعلاجها زى ما قولتلك صلاة الفجر فى جماعه ان لم يكن فيه سبب عضوى مش عيب لو عالجته

    ربنا يوفقك ويسعدك ويهدينا جميعا الى ما يحبه ويرضاه

  14. العم دهب - المصرى
    10/01/2011 at 16:52

    احمد الله انك زوجتك محترمة
    حافظ عليها قليل من النساء يحببن ازواجهم بهذة الطريقة
    حافظ على منزلك وعلى زوجتك هداك الله

اترك رداً أو حلاً لهذه المشكلة