مشاكل الزواج الثاني

انا زوجه تانيه وجوزي دايما بيكذب عليا

كنت متزوجه وعندي ولد وبنت وانفصلت وكنت رافضه الزواج مره تانيه وظهر شخص في حياتي وملي كل حياتي لكنه كان متجوز ومراته دايما عند اهلها وبشهاده اهله والناس الي اتعرفت عليهم انهم مافيش بنهم اي تفاهم ولا اي علاقه ومتعايشين علشان البنات حبيته جدا وأهلي كانوا رافضين ظروفه وجوازي منه دون علم مراته فهمني انه مافيش بينهم اي كلام اصلا اتجوزنا وحصل لبنته حادث وفهمني انه لازم يبات كل يوم مع بناته علشان استهتارها وانا كأم راعيت حبه لبناته وبعد فتره بدا يقسم بينا ايام الاسبوع فكرت اتجسس عليه واجيب جهاز للتصنت وفوجئت انها مش عارفه اصلا انه متجوز وعلاقتهم ببعض كويسه وطبيعيه مافيش غير بعض المشاكل العاديه كاي زوجين وكمان ما بيعترفش لناس كتير انوا متجوزني لدرجه ان في ناس كانوا فاكرينا متجوزين عرفي وفوجئت كمان ان له علاقات ببنات وستات وكلام حب واحتمال كمان مش علي قد الكلام حاولت اتكلم مع حد من اخواته ما اهتمش اصلا وقالي الأفضل ليكي انها ما تعرفش واتكلمت معاه هو واجهته ببعض الحجات وثار عليا اني ازاي اتجسس عليه وعرفت مراته اننا متجوزين واني حامل وعرفت الناس ومافيش حاجه اتغيرت وعلاقاته كتير فعلا وانا دلوقتي حامل منه ومش عارفه اعمل ايه مش قادره اعيش مع شخص كل كلامه كدب ولا قادره اعيش زوجه تانيه واهد احترامي لنفسي واحترام ولادي والناس ليا والطفل الي جاي مش عارفه اعمل ايه