أنا فتاة طالبة في الطب تقدم لخطبتي رجل ذو دين وخلق فقبلت به واتقينا الله في علاقتنا فلم يكن بيننا لتصال قبل العقد,والآن تم العقد بيننا منذ 3أشهر ومشكلتي هي أنه قليل الكلام وقليل الإتصال بي فهو يتصل بي مرة أو مرتين في الأسبوع واتصاله لا يدوم أكثر من 5دقائق,عندما أطرح له المشكل يقول أنه ليس لديه ما يقول فهو مرتاح لي ومعي ويثق بي لم يبق الا العرس,لم يسمعني كلمة أحبك لحد الآن رغم أني أعلم أنه يحبني,أنا أتعذب كثيرا فلم يسبق أن أقمت علاقة من قبل وكنت دائما أنتظر زوجي لأعيش معه الحب والحنان والغرام,انصحوني فأنا لا أستطيع أن أعيش مع رجل لا يشعرني بأنوثتي
مشاكل الازواج
زوجي قليل الكلام معي ولا يشبع عاطفتي
اضيف بتاريخ: Sunday, October 16th, 2011 في 12:17
كلمات مشاكل وحلول: الزواج, مشاكل الازواج, مشاكل زوجية
لازم تتحملي لانو مو كل شخص يتصل يعني بيحبك خوفك من الانسان الي بيمثل الحب جربيه انو هو مخلص لحبك واذا تأكدي من حبه لاتخسريه بسبب تفاهات وتلفونات هذا حكي فاضي
اختي الحبيبه ده عادي انا كان عندي نفس المشكله مع جوزي في الخطوبه بس بجد الكلام مش معناه الحب ممكن الرجل يملك الست بنظره اولمسه تغني عن كل الكلام اصبري بعد الجواز ده حيتغير
كل البنات تحب الكلام , طب الكلام خلص عايزها يقول ايه ثاني يا ست البنات ,,بس بصراحة انا مش عارف اكثر من خمس دقائق كلام مش حيكون في شي ثانى يقال , وطبعا متفق انو لازم يقوليك كلام حب ورماسية انتي زوجتة
الحق عليكي لازم تدلليه
فية رجالة خجولة وما كان له علاقات قبل الزواج فمش بيكون جيد مع الجنس الاخر لا فى المعاملة او التعبير عن حبة اصبرى علية وحاولى تقولى لة بحبك او ترسلى لة رسالة على الموبايل فيها بحبك وهو اكيد هايبادلك نفس المشاعر بس انتى حاولى تحركى مشاعرة لان اى رجل ضعيف امام حبيبتة وكمان ارغب فى ان اقولك نصيحة قوة المراة فى ضعفها.
لسلام عليكم
بنيتى هذا نوع من الرجال الذى تربى فى بيت انطوائى للغايه ومن الممكن أن يكون هذا الأنطواء اثر على احساسه ومشاعره وهذا حله بسيط جدا لكى أن تبدئى بالكلام معه وبالحوار معه اتكلمى انتى وخليه يسمعك ولازم يرد عليكى وبلاش نتكلم فى المشاكل ولكن نتكلم فى حجات أخرى مثل ايه رأيك فى الحب أيه أساس الحب الناجح احساسه بيكون ازاى مشاعره انت حاسس بيه ازاى عبرلى على مشاعرك واحساسك حاولى تجرئيه على الكلام وحاولى تخليه ينطق وأن شاء الله يتكلم ويبدى لكى حبه ويحسسك بأنوثتك وربنا يوفقك
ممكن يكون بيحبك أوى و حريص جداً انه لايصدر منه أى شىء يجعلك تتركيه أو حتى يزعلك منه.
فهو حذر جداً لحين أن يتم الزواج و بعدها ستجدية بكامل حريته و يطلق عليكى حمم الحب و الغرام و كل و كل مايشتهيهه و يريده. و ما تريدية أنت أيضاَ.
فلا يوجد خوف أو حزر من أى شىء.
ربنا يسعدكم و يبارك لكم. و يتمم الزيجه على خير .أمين يارب العالمين
طولى بالك عليه وقربى منه اكتر وفى بعض الرجاله بتكون كده فى الاول بعد الدخله والعشرة والحيازة الزوجيه القائمه هتبقى زى الفل انشاء الله طولى بالك عليه شويه متتسرعيش وربنا يوفقكو / المحامى
اولا يا دكتوره انتى مقلتيش طبيعه عمل خطيبك ده ايه وده كان مهم جدا لان واضح كويس ان خطيبك ده رجل عملى ومن النوع الى الرزين جدا وبيعمل لكل كلمه حساب وانتى قلتى فى كلامك حاجه مهمه جدا انو رجل يتقى الله ودى اهم صفه يمتاز بها الرجل لانو بد الزواج ان شاء الله هيتقى الله فيكى وهتلاقيه زوج مثالى 000 ثم نطلع لشي مهم انو انتى دكتوره يعنى فى الاصل التعامل معك لازم يكون باتزان ثم ميتقدمش لدكتوره غير انسان فى نفس المستوى يعنى بردو انسان متزن عقلانى جدا حاب يبنى مستقبل شريف يليق بمستواكى ومستواه انت بنفسك بتشوفى الى بيتكمو فى التليفونات بالسعات لاكن فى النهايه مجرد كلام وبيدحكو بيه على بعض المستفيد الاول والاخير هي شركة الاتصالات انا شايف انو نسان كويس جدا نادر وجودو فى الزمن ده وبعد الزواج هتلاقى منو الحب والعشق والحنان لان الكلمه وقتها هتبقى بالحلال 000 نروح كمان لنقطه مهمه طيب انتى مسمعتيش منو حتى كلمه احبك الى اتى محرومه منها طيب هو سمع منك ايه يخليه يقولك بحبك 000 احياننا الكلمه نفسها مبيكونلهاش معنى قصاد تصرف اتنين يحبو بعض لاكن المعنى الحقيقي هو الوفا الاخلاص والتضحيه والامانه بين الطرفين 000 ثم انتى يا دكتور اتحرمتى من الكلمه دى عمرك كلو جاي تضيعى طعمها فى لحظه خلى كلمه احبك دى تصرفات وافعال بتطابق ارض الواقع مش كلمه انا باتمنى ان ربنا يوفقك وان شاء الله هتكون احلى زيجه فيها الاستقرار فيها الامان فيها الحب فيها العطاء فيها الاخلاص باتمنالك كل التوفيق من قلبى وشكرا
زوجك رجل محترم يخاف الله فلاتتعجلى فان الله يجعل بين الأزواج مودة ورحمة لم تكن موجودة من قبل وندعو الله لكما بحياة هنيئة مملوئة بالحب والسعادة والله الموفق
حبيبتى بالصبر والتعود هياخد عليكى هو من النوع التقيل ل\لك عليكى ان تعوديه على طبعك قبل الجواز علشان متتريش لمشاكل بعد الجواز وربنا يوفقك
لسة بدرى على الاحساس دة ان شاء الله بعد الدخلة هيكون حالة احسن يمكن علشان مالوش خبرة مش عارف يعبر عن احساسة لكن انتى بردة حاولى تساعدية وماتتكسفيش لانة جوزك وربنا يهديكم
ابدئى حياتك معاه بحاجه بسيطة و هتريحكو انتو الاتنين ” الصراحة ” من دلوقتى قوليلو انا بحب كذا و كذا و زى ماحكيتى معانا مشكلتلك احكيها معاه برضو . من حقه يعرف ان في مشكله و ياخد فرصته في انه يحلها بعد كده تبدأى تفكرى هو مناسب و هيسعدك او لاء . و ربنا يهديه ليكى و تكونو اسعد زوجين انشاء الله .