جو الدراسه غير مريح
عاوزه طريقة تخليني اذاكر ونفسي مفتوحه بجد
لان لما بذاكر بفضل عشر دقايق بعدها مبقدرش اكمل حتى لو عدى اليوم كله، هو العشر دقايق بس
الموضوع ده معايا طول فترة التعليم ودلوقتي لما في الجامعة.
وعاوزه احفز نفسي وافضل وقت طويل للمذاكرة والدراسة
تنصحوني اهيئ الجو حواليا ازاي؟ واخلي المكان مريح ازاي واعمل ايه؟
لازم الواحد الأول يبقي متعرف علي نفسه وعارف بيبقي أحسن امتي وبيستوعب أحسن , تاني حاجة انك تكون عارف هتذاكر ايه وازاي ومنين , لو فضلت تايه تدور علي مصدر مش هتعرف تبدأ وهتزهق , تالت حاجة والأهم انك وانت بتذاكر تكسر الحاجز النفسي الأول بينك وبين المذاكرة تقعد عشر دقايق تحاول تقرأ الفكرة العامة بتاع الموضوع وتتصفحه كدة , رابع حاجى تتقبل نفسك وشخصيتك لان مش كلنا زيي بعض وتحاول تتأقلم مع شخصيتك , شوف مثلا تحب تذاكر الحاجة مكتوبة ولا مسموعة ولا مرئية , وبتفصل بعد اد ايه مثلا ربع ساعة , يبقي تفصل عادي كل ربع ساعة خمس دقايق أوي عشرة , بس ترجع تكمل تاني.