مشاكل الشباب قبل الزواج

عايز اسيب خطيبتى بس صعبانه عليا

خطيبتى انسانه مرحه و طيبه بس حاسس انى مش مناسب ليها و عندى احساس دائم انى عايز اسيبها لان مزاجنا و و رغباتنا و افكارناعكس بعضها تماما فهى مثلا اجتماعيه جدا و أنا انطوائى جدا ، هى حاسمه جدا و أنا متردد جدا ، و إن كنت فى بعض الاحيان أشعر انى أحبها ، المشكله الان اننى بعد الخطوبه صارحتنى أنها عندها ( كهرباء زياده على المخ ) و كلما نويت أن أفسخ الخطوبه أشعر بالشفقه الشديده عليها و أتراجع عن الفسخ خصوصا أن هذه المره الثانيه لها فى تجربة الخطوبه ، لا أعرف هل أستمر معها و أواجه سيل المشاكل التى ستحدث بعد الزواج بسبب اختلاف الامزجه و الافكار ، أم أتركها و أواجه تأنيب ضميرى بعد ذلك؟؟!!

مشاكل وحلول ذات صلة

اضيف بتاريخ: Thursday, May 12th, 2011 في 17:51

كلمات مشاكل وحلول: , , , ,

23 رد to “عايز اسيب خطيبتى بس صعبانه عليا”

  1. وهم الاحبة
    16/07/2017 at 23:53

    انا مشكلتي نفس مشكلتك بس انا انطوائي زيك وجد في كلامي بس بحب اللي بيهزرو يعني مابعرفش اتمتع بالدنيا اجيب اللي يمتعني بعفويته وده نصيبك انا حظي اني خطبت واحده انطوائيه زي حلاتي او زي ماانت عايز حسيت اني محروم من نعيم الدنيا لاني حسيت اني واقف محلك سر مفيش جديد افرح بيه بس اهم من اي شئ في الزوجه اخلاقها وحسن الرد معاك ومع غيرك لان ده بيعكس تربيتها من اهلها وفالمستقبل مع اولادكم انشاء الله انما موضوع الكهرباء الذياده دي انا مولود بيها ومع الوقت اتعودت عليها وباعرف اسيطر علي نفسي بيها ولو زادت في علاجات من اي دكتور امراض مخ واعصاب ولو تحب اقول اسم العلاج معنديش مانع بس اهم حاجه الاخلاق والارتياح النفسي والتوافق بين عقولكم واسف للاطال

  2. ابواميرة
    26/12/2012 at 19:50

    انت اناني ماتحب الانفسك بلاش تعذب بنت ناس معك وصارحهامن الان اذاكنت مش عايزها واحمدربك ان البنت اجتماعية تحب الناس وحاسمةفي الامور لكن المشكلة فيك انت حاول تتخلص من انانيتك وعزلتك عن الناس وتقرب من خطيبتك لاحسن تخسرهاوتندم ساعة مايفيدالندم

  3. amgd
    12/07/2012 at 15:22

    شوف يا صاحبى
    انا تقريبا مريت بنفس تجربتك واستخرت ربنا كثير ودعيته كثير فى سجودى انه يهدينى لارشد امرى , وكل مره كنت بحدد فيها الجواز كانت ظروفى بتسوء , لحد ما الموضوع اتقفل نهائى
    وصدقنى من ساعتها وانا فى حيرة واحيانا ندم شديد لكن انا بلتمس لنفسى العذر لان ظروفى فعلا كانت اقوى منى ويشهد الله انى دخلت البيت ولا انوى الا الزواج .
    شوف يا بطل
    لو انت فعلا مخلص النية لله واستخرت الله بصدق فارضى باختيار الله لك لانك بتقول وان كنت تعلم ان هذا الامر شر لى فى دينى ومعاشى وعاقبة امرى فاصرفه عنى , وبالتالى يا اخى فلو فيه شر ربنا هيصرفه عك .
    لكن لو انت فعلا نيتك مش خالصه فحاول انك تغيرها وتخليها خالصه لله وكن على ثقة ان ربنا كان حقا عليه عون الشاب يريد العفاف
    ربنا يرضينا ويرضى عنا

  4. حاسيس اني وحيد
    19/03/2012 at 04:02

    لو المرض هو المشكله قول الحمد لله ان انت عرفه فممكن تاخد شخص امراضه كتير ولا تعرفه

  5. تيتو
    23/11/2011 at 13:32

    شوف يا صاحبى انت ملكش تسيبها الا فى حاله واحده بس لو اكتشفت ان اخلاقه من كويسه اما علشان كهرباء زياده دى حاجه من عند ربنا والله يا بختك لو كملت معها دى هتخليك اسعد انسان بس بدون نا تخليها تحاس انها فيها حاجه وصلى استخاره وقرب من ربك

  6. محتاره
    22/11/2011 at 23:58

    انا قريت الموضوع متاخر شويه بس حقيقى انت انسان عظيم يا سامح

  7. HanyMoh
    29/10/2011 at 06:02

    يعني كل واحد يكتشف مرض في خطيبته يسيبها !!!!!!!!!!!

    لو أخلاقها وحشة سيبها

    إنما كلامك ده مينفعش أصلا

    وكل الأمراض بتتعالج

  8. KaLoOoSh
    30/09/2011 at 07:57

    انا عجبنى جدا رد سامح قطب
    وهقول نفس اللى قاله

  9. سامح قطب
    15/08/2011 at 06:12

    اقولك انا عل حل واكيد الناس دى هاتصوت بالايجاب
    انت تسيبها لانك ماتستاهلهاش واعطينى عنوانها وانا اتزوجها واراعيها واخدمها كمان وده مش عيب ولا قلة رجولة بالعكس ده قمة الرجولة وعلى الاقل هلاقى شئ ادخل به الجنة وبالمرة لما هى هاتقوللى يا حبيبي هاتقولها وهى حاساها قليلة علشان تكافئنى
    الزواج يا محترم فيه رحمة وألفة ومودة مش اجتماعية وانطوائى ..وسلامتكم

  10. n e w
    29/07/2011 at 08:01

    حت نفسك مكانها وشوف هيكون اية رايك

  11. نينو
    28/07/2011 at 21:10

    هو انت بتحب واحدة تانيه.. وافكاركو واحدة ؟؟؟؟؟؟؟؟ تضمن منين انك لو سبت الانسانه الطيبة المرحة دى ..انك متتجوزش واحدة تانية تنكد عليك عشتك وتبقى نكدية زيك وتعمل نفسها وااااو متفقة معاك فى كل شىء وبتاكل اللى بتاكله وتشرب اللى تشربه وبتنهج وهى طالعه السلم زيك 😛 ممكن واحدة تمثل عليك ان افكاركو واحدة عشان تتجوزك وخلاص وفى الاخر تطلع خازوق وتبعدك عن الناس اكتر مانت بعيد انت محتاج واحدة مختلفه عن طبعك وخد اللى تحبك عشان هاتخلصلك وكمان صلى استخارة واللى فيه الخير ربنا هايقدمة ..تحياتى

  12. mai
    17/07/2011 at 03:28

    صلي استخارة

  13. توتا
    07/06/2011 at 15:27

    لا متسبهاش وان شاء الله تعيشو حياه سعيده

  14. احترت مع اللي بحبة
    18/05/2011 at 14:20

    سلام عليكم مش محتاجة اقول راي الاخوة قاموا بالواجب وعلى فكرة صفاتك دي عيوب فيك مفيش راجل يبقي متردد وبعدين هية اجتماعية لكن بعد الجواز انسي انها تكون اجتماعيةاو تكون مرحة من هموم الجواز والطبخ والمسح والكنس والنشير والغسيل والعيال والمدارس والدروس وجواز العيال وخلفة العيال والاحفاد شوف انا وصلتلك لحد فين بعرفك بس ان دي حاجة طبيعية مش مثلا هية كذابة او نكدية او مش بتسمع الكلام او مش مهتمية بمظهرها هية المشاكل اللي ممكن تخلي واحد يفسخ خطوبتة يابش مهندس فكر بالعقل شوية ودي حياتك وانت اللي تختارها بس اتمني انك تفكر بتاني وتصلي استخارة وربنا يوفقك

  15. حبيبة الرحمن
    14/05/2011 at 18:44

    حرام عليك انك تتركها شكلها طيبه وكونها انها فهمتك انها عندها مشكله كهرباء زايده في المخ يبقه ربنا يبارك فيها واحده غيرها مكانت قالت ليك شي اصبر واهتم بيها مش تنكد عليها وفي الاول والاخر اهم شي تستخير ربنا وتكون مقتنع بيها كازوجه لانه زواج مش قميص هاتلبسه وتقلعه يعني في مابينكم حب وموده وعشره

  16. حازم الاهلاوى
    13/05/2011 at 22:13

    صاحبي
    انت بتقول مرحه واجتماعيه يعني بنت “” مفتحه “” هو حد لاقي النوع ده مش احسن ماتكون نكديه
    بالعكس انت احسنلك كمل معاها وحاول تتعلم منها تكون ازاى اجتماعى لانك لو سبتها وارتبطت بواحده انطوائيه زيك هتخلى عيشتك “” جحيم “”
    حاول تسعدها زى ما هي بتسعدك وخليك شويه مرح وخد منى شويه كلمات شبابيه عشان انت اخويه ومش لازم تكون انطوائي
    “” خليك كوووووول علطول “” بيس يا مان ؟”” اكيد بيس
    اشطه .. بس من غير زبده يا عم ههههه
    فكك منى انا الشت دلوقتى ولازم انام ..
    انا بقولك كدا عشان تقول الكلام ده مع صحابك عشان تلغي الانطوائيه دي لانها حاجه سلبيه جدا في شباب كتير وخليك مبتسم كدا مع الناس عشان البنات خصوصا يقولوا عليك ”
    ” واد مز جامد فشخ ” ههههههه
    انا بهزر معاك مش قصدي حاجه بس نفسي بجد تكون اجتماعى ويا ريت متكونش زعلت من هزارى
    انا زى اخوك الصغير يا عم
    “”ويارب يكرمك ويوفقك بجد “”

  17. زوزو
    13/05/2011 at 14:15

    انا شايفه انك تسيبها وعذاب يومين اهون من عذاب العمر كله

  18. زوزو
    13/05/2011 at 14:13

    انا في راي انك تسيبها وعذاب يوم او يومين اهون من عذاب العمر كله وترجع تندم ولو بتحبها بجد وحبكواكبر من انكو تختلفو علي مشاكل زى دى لا تسيبها

  19. صلوا على نبينا محمد(مسلمه
    13/05/2011 at 04:23

    صلى صلاه استخارة قبل كل شىء

  20. زائر
    13/05/2011 at 00:29

    عزيزى وأخى السائل الحبيب هذه سنة الحياه . فالاختلاف فى الأمزجه شىء طبيعى ومطلوب على عكس ما تعتقد وليس هذا سبب يجعلك تترك خطيبتك فقل لى مثلا أنت متردد هل تريد واحده متردده مثلك أنت لست حاسما تريد واحده ليست حاسمه مثلك أنت لست ايجابى تريد واحده سلبيه وغير ايجابيه مثلك. يا أخى هذا خطأ فاحمد الله أن رزقك واحد فيها صفات كويسه تساعدك على تعديل صفاتك وتكملوا بعض فلا تفكر بالتخلى عنها فالحياه تكامل ترى الزوج بخيل والزوجه كريمه ترى الزوجه عصبيه والزوج هادىء هكذا حتى يحدث التكامل . تمسك بخطيبتك واتقى الله حتى لا تظلم نفسك وتظلمها.

  21. سلام
    13/05/2011 at 00:12

    أصعب احساس عند المرأه انها تحس انها مش بتملأ الفراغ اللي في حياة زوجها
    وانها مش مرغوبه
    لو انت قلبك مش بيميل ليها يبقى تسيبها احسن لانك لو اتجوزتها هتظلمها اكتر ما هتظلم نفسك

  22. عمري ضاع
    12/05/2011 at 22:44

    الجواز مش شفقة وعمره ما كان بالضمير محدش بيجوز حد شفقة
    ده مش كلام منطقي ابدا
    لو حاسس انك مش هتسعدها يبقي سيبها وبلاش تخدعها اكتر من كده هو ده الضمير الحقيقي
    لكن محدش بيجوز شفقة انت كده بتظلمها اكتر وبتظلم نفسك اكتر
    خلييييييييييييييييك فاااااااااااااااااكر
    محدش بيجوز شفقة
    مش هتقدر تسعدها سيبها لحالها
    محدش بيجوز شفقة
    والافضل تعمل استخارة وربنا يقرب منك اللي فيه الخير ليك

  23. حياتى كلها لله
    12/05/2011 at 21:31

    انا مش شايفة ان في مشكله تستاهل تسيبها عشانها حرام عليك لان انت اللي انطوائي وانت المتردد ورغم كدة هى مفكرتش تسيبك يبقي انت ليه تظلمها طب هو انت ضامن انك لو ارتبط بغيرها هترتاح معاها مايمكن ساعتها تعرف قيمة دى الحل الوحيد استخير ربك واللي فيه الخير ربنا هيدلك عليه

اترك رداً أو حلاً لهذه المشكلة