مشاكل الحمل والولادة

عدم انتظام ايام الدورة الشهرية وتأخر الحمل

عندي 29 سنة وتزوجت منذ سنة وكانت الدورة الشهرية عندي غير منتظمة مرة تجيلي كل 28 يوم ومرة كل 33 يوم بس كانت في كل مرة بتقعد 7 ايام.

ذهبت لطبيب في اول الزواج للمتابعة قالي ان المبايض تمام وان الرحم كويس علشان هو عملي سونار مهبلي جيت بعدها بفترة كبيرة رحت لدكتورة تانية علشان كانت الدورة اتأخرت 10 ايام وبعدها جتلي بس كان لون الدم غامق جدا وفي زي قطع لحم او حاجة متجلطة وكان عندي الم غير طبيعي رحتلها وكشفت عليه ومن غير اي نوع من انواع التحاليل قالتي عندك لبن زيادة في جسمك علشان كشفت على الثدي وبتقول لقت فيه الغدة جامدة وكتبتلي كلوميد علشان التبويض و دوستينيكس عشان اللبن الزيادة.

وقالتلي بيتاخدوا 5 يوم الدورة الشهرية وفضلت على العلاج 3 شهور ومحصلش حمل ولا انتظام في الدورة وفي الشهر الرابع قرأت مقال مترجم للعربية ان الكلوميد بيتاخد في 3 يوم للدورة مش 5 وانه غير كده لا يكون له مفعول و الدوستينيكس بيظبط نسبة هرمون الحليب بس لو بطلته بيرفعه مرة واحده.

وان في تحاليل المفروض علشان الكلام ده جيبت اسماء التحاليل ورحت حللت وانا معرفش النتيجة ايه بس سألت دكتور تحاليل قالي انت عندك كده تكيس في المبايض مع العلم ان وزني 50 ك وطويلة ومعدل نمو الشعر اللي في جسمي مازادش هوهو من ساعة مابلغت.

واشتريت كلوميد واخدته في 3 يوم ومجيبتش الدستونكس لغاية ما اشوف نتيجة التحاليل بس دم الدورة الشهرية لما اخدت الكولوميد تاني يوم نزل قليل عن معدلة الطبيعي وفي اليوم الرابع مكانش في دم كان في حاجة لونها بيج بتنزل ومش لزجة يعني هي مش افرازات او دم.

مش عارفة اعمل ايه مع العلم اني في بلد كل دكاترتها الحمد لله مش بيفهموا ومش عارفة اعمل ايه غير اني لما اقدر انزل القاهرة اروح لدكاترة عدلين.

ارجو الإفادة ولكن من أطباء او ناس مروا بنفس الموقف

مشاكل وحلول ذات صلة

اضيف بتاريخ: Monday, April 15th, 2019 في 15:06

كلمات مشاكل وحلول: , , , , , , , , ,

4 رد to “عدم انتظام ايام الدورة الشهرية وتأخر الحمل”

  1. تيتو
    13/06/2021 at 11:47

    ربنا يديكى واصبرى وادعى لربنا

  2. ابواميرة
    08/04/2020 at 20:57

    عزيزتي عايز اسالك هل جوزك موجود معك ام مسافر لانو مهم جدا بعد انتهاء الدورة عندك لازم يكون الزوج معك عند فترة التلقيح – الجماع – ويستحسن تكن في الأيام من 18 الى 21من أيام تطهيرك من الدورة وفي خطوات يجب عليك عملها بعد انتهاء فترة العلاقة الجنسية احرصي على رفع قدميك للاعلى لفترة 5 دقائق عشان يبقى السائل المنوي في داخل المهبل ودي العملية تساعدعلى حدوث الحمل عند المراة وتوقف عن تناول أي ادوية أخرى الا اذا كانت باشارة من الطبيب وربنا يكرمك بالذرية الصالحة في هذه الحياة

  3. البرنس
    23/08/2019 at 20:47

    عندكي زيادة في هرمون الحليب ودا يمنع وجود الحمل وايضا تكيس في المبايض وتحتاج لعملية جراحية لازالته وربنا يرزقكي بالخلفة الصالحة باذن الله

  4. ابوالبتول
    13/06/2019 at 09:21

    الاخت العزيزة عايزك تطمني انت كويسة جدا والمشكلة التي تعاني منها هي بسبب تكيس المبايض زي مااخبرك الطبيب لابد من اجراء عملية لازالة التكيس تماما وسوف تنتظم معك الدورة الشهرية وتبقي زي الفل ويحصل الحمل معك وربنا يرزقك الذرية الصالحة ان شاء الله

اترك رداً أو حلاً لهذه المشكلة