الحب وفارق السن

عريس مناسب لكن مترددة من فرق السن فى الزواج

انا بنت عندى 27 سنه طول عمرى بتمنى انى اتزوج من شخص يتقى الله فيا . انا محدوده الجمال ولم يتقدم لى اى شخص مناسب الى انا تقدم لى شاب وانا كان عندى 24 سنه وهو كان فى نفس سنى وافقت عليه بدون تفكير لمجرد انى اتخطب زى اى بنت بعدها حسيت انه غير مناسب ليا بالمره فرق كبير بينى وبينه فى مستوى التفكير بعد 5 شهور من الخطوبه فشكلتها
وفضلت كده لم يتقدم لى سوى الاقل منى بكثير فى التعليم انا على فكره بشتغل معلمه
المهم من حوالى شهر تقدم الى رجل ملتزم ومتدين جدا ومحترم جدا ومتعلم وظروفه الاجتماعيه مناسبه ليا جدا فى اول مقابله بينا ارتحت له جدا
فى تانى مقابله بقى اتكلمت معاه وقالى على كل حاجه فى حياته وقالى على عمره الحقيقى قالى انه عنده 44 سنه وان فارق السن بينا كبير بعدها صدمت حسيت ان فرحتى انطفت بس فى نفس الوقت مقدرش اخسر واحد ضحى بعمره وشبابه علشان امه وابوه المرضى صرف عليهم كل مايملك
واهلى موافقين عليه جدا
انا خايفه لتكون دى نعمه ربنا انعمها عليا وانا اخسرها
افيدونى افادكم الله

مشاكل وحلول ذات صلة

اضيف بتاريخ: Monday, February 25th, 2019 في 05:02

كلمات مشاكل وحلول: , , , , ,

5 رد to “عريس مناسب لكن مترددة من فرق السن فى الزواج”

  1. ابواميرة
    16/04/2020 at 09:04

    اختي ارجو ان لاتسمع كلام الأخ -رافع – فهو لايعرف شيء في الدين ولافي الحياة طالما ان الرجل على دين وخلاق ومحترم جدا كما قلت وظروفه كويسة فتوكل على الله واقبل الجواز منه وفارق السن لايوثر على الزواج والرسول عليه الصلاة والسلام قال – من اتاكم من ترضوا دينه وخلقه فزوجوه الا تفعلوا تكن في الأرض فتنة وفساد كبير- ودي نعمة كبيرة بعتها الله اليك فلاترفضيها فتندمي اسال الله ان يؤفقك ويسترعليك ويسعدك طوال حياتك

  2. رافع
    26/02/2020 at 22:06

    اختي حرام عليك لاتفعلي انه كبيرصحصح ابن حلال بس حرام كبيروانتي صغيرمش قبيحة جملك محدودمش مشكلة استني عليش مستعجلة حرام مازلت اصغير خوذي رايي ورجي وحقق علية ندعيلك في كل صلواتي

  3. البرنس
    27/07/2019 at 17:53

    اتفق مع راي الاخ -ابوالبتول- ايه يمنع انك تتزوجي منه طالما ان الرجل كويس وابن حلال وعلى دين وخلق واهله كويسين وعنده المقدرة على فتح بيت وتحمل مسوولية الحياة الزوجية

  4. ابوالبتول
    17/06/2019 at 01:41

    اعتقد انه زوج مناسب لك و44سنة مش كبير صدقيني انا تزوجت مراتي وعندي 43سنة وهي اصغر مني بكثير كانت بعمر 22سنة اهم حاجة التوافق والتفاهم والارتياح بين الزوجين

  5. Peace
    26/02/2019 at 10:16

    شوفي قيل ما توافقي أهلك يسألوا عليه كويس جدا جدا.وخلي الموضوع قراءه فاتحه لمده شهرين قبل الخطوبه وادرسيه ولو اتاكدتي من أخلاقه وحبه وحسيتي بيه وتقبلتيه خلي الزواج بعد سنة وما تتسرعيش في الجواز قبل السنه..وعلي فكره سنه٤٤مش كبير وكمان ما كانش متجوز قبل كده ولا تتصدمي ولا حاجه.. يمكن ربنا يعوضك بيه خير وربنا يوفقك يارب.

اترك رداً أو حلاً لهذه المشكلة