اعانى من مرض جلدى وهو التينيا واتعالجت منها كذا مره وترجع تنتشر تانى فى جسمى ارجوكم افيدونلى وحد يقولى على علاج التينيا لانها منتشره فى كل جسمى
مشاكل الجلد
مشكلة جلدية مزمنة : التينيا
اضيف بتاريخ: Sunday, November 21st, 2010 في 18:46
كلمات مشاكل وحلول: التينيا, التينيا البيضاء, التينيا الجلدية, التينيا الملونة, جلد, علاج التينيا, مرض التينيا, مشاكل الجلد, مشاكل جلدية
لو سمحتو انا عايز اعرف الاشاعة الفوق بنفسجية دي بتتعمل فين انا من اسكندرية وليها أضرار ولا لاء ارجوا الافادة انا التينيا مبهدلاني ومنظرها وحش اوي وبتكسف الواحد بصراحة انا فرحي كمان اسبوعين ارجوا الرد شكرا
انا عندى 13 سنه انا عندى تنيا مش راضية تروح استخدمت مرهم تروسيد معملش حاجة وسيتيال معملش حاجة تعرفوا اعمل ايه عشان هى جايبالى حاجة نفسية
انا عندى تنيا من سنه وبتزيد ومش بتروح لكن لما بنزل البحر كل يوم لمده ١٠ ايام راحت بشكل نهائى + استخدام صابونة ديتول غسيل الجسم كله مع تغير الليفة كل مرة عند الاستحمام وغسيل هدومى بى ديتول للهدوم وكمان باخد شامبوا نيزورال وبستحمى يوم ويوم لكن بصراحة اهم حاجة انك تنزل البحر والله احلى علاج جربوا وادعولى
عليكم بمرهم تروسيد لعلاج التنيا بس لا تنسونى من دعائكم
انا عندي التيا دي بين رجلي و كانت مولتهبه اوييييييييي بس الحمد الله انها خفت كتيييييييير و اربت تروح خالص انا الدكتور كان كاتبلي على كريم اسمو mebo دا جمييييل اويييييييي وًمن تاني يوم الهرش خف و الحبوب راحت و مع كمان اني بغسل مكان المرض بصابون ديتول طبي على طول و بعد ما الالتهاب خف كتبتلي على كريم اسمو تينبا كيور و دا حلو اويييبر بردو بس ال ميبو بتاع مصر مش حلو انا كنت جبتو من الكويت انضف طبعا و عمل مفعول على طوول و مع نقع الهدوم طبعا في ديتول قبل الغسيل عشان يطهرو دا علاج سهل اويي و بيجيب نتيجة عشان انا كنت متشلفطه
اعاني من تينيا بين اصابع القدم و بين الفخذين و تحت القبط و استخدم علاج نقط مس باترافين و اقراص ديفلو كان قرص اسبوعيا و لم يحدث اي تحسن بالرغم من تكرار الدواء ارجو المساعده و اي دكتور الرد سريعا
انا التينيا زهقتنى فى حياتى مش عارف اعمل اية جبت كل حاجة وما عملتشى حاجة يا ريت لو فية علاج كويس دلونا علية
ضهرعندى دوائر صغيرة فى اليد وبدات تروح الدكتور قال انها تنيا بدات العلاج وبعد وقت ظهر فى بطن الايد بقعة حمرة وفيها نقط حمرة ومش عارفة سببه كل اما استمل البخاخة كلوسول تحرق ايدى اوى اعمل ايه ياريت الى يعرف حاجة يقول انا ايدى وجعانى وشكلها مش حلو
بجد ياجماعه احسن علاج هو الاستخدام الدائم للشامبو نيزابكس ويتحط علي الشعر عشان تركيز التنيا في الشعر واللي سيبلوا ثر مفيش غير جلسات اشعه فوف بنفسجيه وياجماعه موجوده في مركز بكر الزواهري ب30 ج مرتين في الاسبوع اسمها نارو باند والله الحمد لله كاني مجاليش حاجه
أنا عندي برضو في ضهري إتعالجت منها الدكتور كتبلي شامبو وكريم وكنت بعمل جلسات إشعه فوق بنفسجه كانت بتقشر خالص بتخلىالجلد يتقشر كدا بتشيل طبقه .. صراحه كانت نتيجتها حلوه أوي ومش بيبقى ليها أي أثر .. بس علشان مش تظهر تاني أهم حاجه تهتمي بالنضافه وتاخدي شاورات على طول ودايما تستخدمي صابونه مضاده للبكتيريا . لو حرصتي على كدا إن شاء الله مش بتظهر تاني .. لكن لو في إهمال ممكن تظهر بس لما تستخدمي الكريم هتروح عادي – أانا بستخدم كريم بيتاديرم – .. ف خلي الكريم عندك على طول علشان لو ظهر أي حاجه تعالجيها قبل ماتزيد .. بس
الله معك
السلام عليكم ورحمه الله وبركاته الاخوه والاخوات الكرام بالنسب لمرض التنيه الملعون هذا متوفر وفعال جدا هنا فى اوربا ولكن لا اعلم ان كان موجود فى مصر او الدول العربيه او لا ولكن انا حذكر لكم اسمه وطريقه استعماله وان وجد عندكم فى مصر او البلاد العربيه تبقى خير وبركهغير كده تبقى لازم حد يجيبه لكم من الخارج وبالنسبه للتنيه نوعان النوع الاول وهو ياتى فى الاظافر وبيخلى شكلها وحش وبتتاكل وبتبقى شكلها تخين ولونها بيتغير وعند القص تكون بتفرول وهذ يحدث فى اظافر اليد والقدم ايضا وهذه علاجها يكون برشام وهذا البرشام شديد جدا لدرجه ان الانسان لابد ان يتابع مع دكتور بفحص الدم قبل البدء فى العلاج واثناء العلاج وبعد العلاج للاطمئنا على وظائف الكبد لان هذا البرشام بييلخبط وظائف الكبد شويه ولكن بعد الانتهاء من الجرعه بيرجع كل شئ سليم فى وظائف الكبد وللاسف اسم هذا البرشام لم اتذكره لانى قد استعملته منذ فتره طويله لان ظافر القدم عندى كان مريض وصدقونى هذا كان برشام سحرى وصارت جميع الاظافر بقت زى الفل احسن من اظافر الحريم كمان هههههههههههه اما بالنسبه للنوع الثانى للتنيه التى تظهر على الجلد عفانا وعفاكم الله منها وهى ليست بهينه ايضا اذا الانسان لم يتمكن منها فى البدايه قبل ان تنتشر فى الجسم كله وفى حاله انتشارها خاصه عند اللنساء ان وصلت المنطقه التناسليه فانها تدخل الى المهبل وفى هذه الحاله لابد ان تاخذ برشام ايضا لها واعراضها ان الاكلان فى هذه المنطقه داخليا وخارجيا اما ان كانت لم تصل الى هذ1ه المنطقه فيوجد علاج سهل جدا وثمنه لايتعدى ال20 يورو وهو عباره عن 3 امبولات بداخلهم ماده مثا الشامبو فى كل امبوله 10 جرامفقط وطريقه الاستعمال كالاتى تقوم بالاستحمام العادى وبع الانتهاء من الاستحمام لا تقوم بتنشيف الجسد ولكن تقوم بفتح الامبوله ووضع بعض من السائل على الرأس وتعمل مساج لفروه الراس وهو بيعمل رغوه ثم تقوم بمساعده شخص اخر بدهن هذه الرغوه على جميع الجسد ما عدا العينين والفم وتقوم بعدها بتنشيف الجسد بالاستشوار الهواء السخن هذه العمليه تتم فى الليل فقط قبل الذهاب للنوم وفى الصباح تقوم بالاستحمام العادى وهذه الجرعه لمده 3 ليالى متتاليه وان شاء الله فى كل مره تشاعد بام عينك التحسن ولكن الاهم من ذلك ان تستعمل الفوطه مره واحده وتدخل الغليه وكذلك الملابس الداخليه مره واحده واضافه ماده مطهر مع الغسيل فى الغساله وانا انصح ان تلبس ملابس داخليه بنصف كم وليست الحمالات والملابس الخارجيه لابد يوميا ايضا تقوم بتغيرها حتى الجوارب وفرش السرير واذا اردت فعلا ان لاتغود مره اخرى قم بغسل جميع ملابسك كلها فى اغساله مع اضافه السائل المطهر اللى موجود فى مصر وباقى الدول العربيه للاسف لم يحضرنى اسمه والاهم من ذلك وللعلم ان هذا المرض معدى على سبيل المثال هو موجود عند الرجل وارجل متزوج فيجب زوجته ان تاخذ معه ايضا العلاج لانه بيتم العدوى به اثناء المعاشره الزوجيه لذلك لابد كلاهما استعمال الدواء والان اقول لكما اسم هذا الدواء EPi-Pevaryl P.V. 1% Lösung هذه الانبولات منها علبه صغيره بها 3 امبولات وعلبه اكبر بها 6 امبولات والعلبه الاكبر بتكون دائما ارخص شويه فى السعر ومع العلم هذا الدواء لايمكنك ان تشتريه من اى صيدليه هنا الا بروشته من الدكتور وصدقونى هذا الطريقه كما شرحت مع العلاج سوف تنهى عليها تماما اما بالنسبه للبرشام ان اردتم ان اسال لكم على اسمه فمن الممكن واتمنى لكما الشفاء العاجل ان شاء الله تعالى ولا تنسونى من صالح الدعاء بارك الله فيكم
طيب فى علاج لازم تداومى وتاخدية اولا مرهم لاميزيل 3 مرات فاليوم
وصابونة مضادة للبكتيريا .. ودامى علية قبل ماتحطى المرهم اغسلى المكان بالصابونة وطبعا مع نظافتك الشخصية هتجيب معاكى نتيجة ان شاء الله
انا بدئت اخد فانجيكان وكمان كل ما استحمى اشطف جسمى بشامبو نيزابكس والرجاء المساعده بوصفات تانيه على شان تنتهى خالص
انا بقالى اكتر من 15 سنة استعملت حاجات كيتتتتتتتتتتتتتر وشامبو نيزورال وحاجات تانية وبرشام حبايتن 25ج ومس ازرق اخر حاجة كنت بجيب مرهم تنيا كور 2ج بس جميل بصراحة بس انا جسمى كان مليان على الاخر طلعب دلوقتى بعض منها فى بعض اماكن تنيا بنى يعنى عددهم لا يقل عن 10 فى مناطق الرقبة الايد اليسرى وبنطقى البطن والدرعات
اولا متستعملش الليفه اثناء الحموم الا بعد انت تستعمل صابونه مضادة للتنيا تباع فى الصيدليات لان التنيا تنتشر بطريقه سريعه من الليفه ثانيا بعد الحمام تستعمل علاج اسمه تنيا كيور مرهم او مس او نيزورال وتداوم على الدهان بيه ثالثا متلبسشى لبس لمدة طويله تكون عرقان فيه تغير ملابسك الداخليه كمان كل يومين على الاقل وما تستعمل فوطه حد ويكون ليك ليفه لوحدك بس ومتلبسشى لبس حد تانى غيرك
انا بردو عندي تينيا ف ضهري وعلاجتها بالشامبو ورجعت تاني بعد كدا الدكتور كتبلي علي كبسولات بصراحه مفعولها قوي جدا ف خلال اسبوعين جابت نتيجه ب هي خلت التنيا بهتت بس لكن مقلعتهاش م جذورها فالدكتور قالي اعمل جلسات ع ضهري هجربها واقولك لسه هبدأ انهردا ادعي تجيب نتيجه.
أحسن علاج 1)استعملي شامبو (نيزورال) عن طيق دهانةبنفس التركيز على المناظق المصابه واتركيه خمس الى عشر دقائق ثم اغسلية بالماء والتنشيف جيدا.
2)لا مانع من استخدام كبسولة دفلوكان واحدة عن طريق الفم مع الشامبوو .
فيه انبوبة مرهم اسمها نيزورال اقوى علاج على الاطلاق جامددددددددددددددددد
وادعيلى
اخى مشكلة التينيا انها بترجع تانى بعد العلاج وعلشان تتجنب ذلك بعد ان تعالجها تماما استمر في استخدام شامبو نيزابكس للجسم مره كل اسبوع يتم دهان الجسم باشامبو ثم شطفه بعد 10 دقائق
علاج التينيا بسيط جداً يوجد بالصيدليات مستحضر يسمى فانجيكان عبارة عن علبة بداخلها حبة واحدة يتم أخذها بعد وجبة رئيسية مرة واحدة اسبوعياً لمدة ثلاثة إلى أربعة أسابيع ويجد منها المصرى ومنها المستورد والمصرى ثمنها عشرة جنيهات فقط وفعالة جداً.
الاخ اللي بيشتكي من التنيا انا هقولك علي بخاخه جميله بس عايزه شويه صبر وانشاء الله هتخف اسم البخاخه( كلوسول) استخدمها وانشاء الله هجيب نتيجه انا شخصيا جربتها وربنا يشفيك ويشفي المسلمين جميعا
اخوك صاصا
انا زيك بس بيقولوا ان فى شامبو اسمه نيزابكس بيعالجعا وربنا يشفيك ويشفينى