مشاكل البنات النفسية

غلبت مع خطيبي القديم معندهوش ريحة الدم

السلام عليكم ورحمة الله وبركاته … مشكلتي إن أنا كنت مخطوبة لواحد ومحصلش نصيب بينا نظراً لظروف حاولنا معاه أنا و أهلي نفسخ الخطوبة مش عايز يبعد جبله بمعنى الكلمة و كان استغل هبلي عشان هو مكنش صغير كان أكبر مني ب 20 عام و خلاني أوقع على عقد زواج عرفي حاولنا كتير نخلص منه بشتى الطرق خلصنا منه بالعافية رجع حشر نفسه ف حياتي تاني و مش عايز يسيبني خالص هزهقته و مسحت بكرامته الأرض و مافيش دم حاسة إن أنا بتعامل مع حلوف هو حلوف فعلاً خنزير بني آدم مريض مش طبيعي أنا الوقتي ظهر ف حياتي حد بحبه و عايز يتقدملي بس هو واقف ف طريقي زي الشوكة ف الزور و حاشر نفسه ف حياتي بطريقة مش طبيعية أنا بابايا متوفي من كام سنة و عايشة مع مامتي و أخويا أصغر مني بسنتين أهلي ناس طيبين مش بتوع مشاكل وأنا تعبت و قرفت م البني آدم ده مش عارفة أخلص منه إزاي خايفة يعملي مشاكل مع اللي بحبه بجد مبقتش متحملاه اكتر من كده حقيقي غلبت بدعي عليه ليل نهار ربنا يخده و يبعده عن حياتي بالله عليكم تنصحوني ب إيه؟ و بالله عليكم ادعولي كل اللي يقرأ مشكلتي يدعيلي كتير أمانة عليكم أنا كرهت حياتي بسببه موقفلي مستقبلي ربنا ينتقم منه … بعتذر للاطالة يارب ألاقي حد يقولي حل يساعدني دعواتكم و جزاكم الله كل خير

مشاكل وحلول ذات صلة

اضيف بتاريخ: Saturday, April 11th, 2020 في 06:34

كلمات مشاكل وحلول: , , , ,

4 رد to “غلبت مع خطيبي القديم معندهوش ريحة الدم”

  1. ابوالبتول
    18/05/2020 at 22:56

    هوخطيبك السابق مش عاوز يتركك ليه فعلا انه حلوف وشخص مريض نفسي وتصرفاته دي مش طبيعية بالمرة لازم تشوف احد من اهلك عم اوخال لك واحكيه على كل شئ وهو يعرف ازاي يحميك من هذا البني ادم المتخلف ويوقفه عند حده واياكي ان تخافي منه او تعبيره خالص باين عليه واد ابن حرام وبتاع مشاكل وانت ماتقدريش عليه لازم يكون معك راجل يخلصك منه ولن يجرو على التعرض لك مهما كانت الظروف وربنا يسترعليك ويكفيك شر ولاد الحرام ويكرمك بابن الحلال اللي يستاهلك ويسعدك

  2. Peace
    14/04/2020 at 08:29

    انجزي علطول وشوفيلك محامي محترم يقدم بلاغ ضده وهيجي زي الكلب وهو ده اقصر طريق وما تقلقيش هيتاخد عليه تعهد وهيضرب بالجزمه وخليكي واثقة من نفسك كل حاجه ليها حل وما تقلقيش من الشوشره منك للمحامي من غير ما حد يحس وبعد ما تخلصي من الجحش ده غيري رقم تليفونك وعيشي حياتك وخلي بالك اللي بقولهولك عن تجربه وكانت اكتر من كده بكتير توكلي على الله ما تستنيش انجزي من النهارده وربنا يوفقك يارب وتكوني أسعد واحدة في الدنيا.

  3. osama
    12/04/2020 at 12:21

    حاولي تكتبي كتابك لسرعه على من اختاره قلبك دون ان ينتبه هو لذلك
    ومادام اصبحتى في عصمه رجل سوف يبتعد ويمكن لك ان تسجلى محادثاته في تهديدك وتععملى له محضر لعدم نعرض وعدم الاقتراب منك مسافه مائه متر والله الموفق ولو محتاجه محامي افضل

  4. ابواميرة
    11/04/2020 at 20:33

    هو فاكر نفسه مين هذا السافل خطيبك السابق طالما انكم فسختم الخطوبة فعايز منك ايه كل شيء قسمة ونصيب ولاله دخل بك ابدا خليك قوية واعرفي ازاي تواجهيه وتخليه يخرج من حياتك للابد ضعفك دا هو اللي يجعله يتمادى في التدخل في شوون حياتك والتحكم فيك لازم توقفيه عند حدوده كلمي اهله وخبريهم بكل شيء ولااظنهم عاجبهم تصرفاته القذرة والغير أخلاقية دي واذا لم يعملوا معه شيء بلغي عنه الشرطة وهي تحميك وتخلصك منه وربنا يسترعليك ويؤفقك

اترك رداً أو حلاً لهذه المشكلة