مشاكل الازواج

فارق السن ومشاكل الزواج

اولا انا متجوزة بقالى 5سنين وفرق بينى وبين جوزى11 سنة مش عارفة دة ممكن يكون ليه علاقة بالمشاكل اللى بينا ولا لا انا كنت بحب جوزى جدا اول سنتين جواز بس من كتر المشاكل بينا مبقتش عارفة انا لسة بحبه ولا لا جوزى عصبى جدا وغيور جدا جدا جدا لاقصى درجة ممكن تتخيلوها كنت بقدر اتحمل دة فى الاول لما كان محسسنى ان ليا وجود فى حياته لكن دلوقتى حياته بقت شغله واصحابه بالليل على القهوة وانا وولاده اخر حاجة الموضوع دة خلانى قلبى يجمد من ناحيته من كتر احساسى ان بعد كل حاجة فى حياته بييجى دورى ومن كتر ما اتكلمت فى الموضوع دة ومفيش فايدة بطلت اتكلم فيه .كان حصل بينى وبين جوزى مشكلة بسبب الغيرة برضه من ابن خالتى اللى اصغر منى بخمس سنين وبسبب المشكلة دى جوزى مش بيتعامل مع حد من اهلى خالص بقاله سنة ونص كان وقت المشكلة دى ضربنى وبهدلنى والمشكلة بقا انه ملوش حد كبير اشتكيه ليه ودلوقتى بقا اى مشكلة بينا يقولى نتطلق وانا بجد اعصابى مبقتش مستحملة انا اتحملت قبل كدة عشان خاطر ولادى بس بجد انا مبقتش عارفة ارضيه ازاى بنكون كويسين جدا وفجاة يخلق المشكلة على اتفه سبب. جوزى طبعه صعب جدا انا من يوم ما اتجوزت وانا مروحتش لحد من اهلى غير فى مناسبات الوفاه بس ومش بكلم اى واحدة جارتى عشان مبيحبش الاختلاط ومش بشتغل عشان هو مش عايز وجع دماغ ومش بروح لواحدة صاحبتى عشان هو حكم بكدة حتى المرةاللى بروح فيها لماما فى الاسبوع ساعات بنتخانق عليها .انا بقيت حاسة انى مش قادرة استحمل العيشة معاه بالطبع دة كتير فكرت فى الانتحار بسمقدرتش اعملها واموت كافرة بقيت اقل حاجة اعصابى بتفلت منى قلتله كذا مرة عايزة اروح لدكتور نفسى بس مرضيش بجد انا تعبت من العيشة كدة ذ يقولى اتصرف ازاى والعيب عندى ولا عنده

مشاكل وحلول ذات صلة

اضيف بتاريخ: Thursday, February 14th, 2013 في 06:21

كلمات مشاكل وحلول: , ,

ردود to “فارق السن ومشاكل الزواج”

  1. ابوالبتول
    11/11/2018 at 09:23

    لا ياعزيزتي فارق السن ليس له تاثير على حياتكم الزوجية طالما فيه الحب والتفاهم بين الزوجين اضرب لك مثلا اني متزوج وفارق السن بيني وبين زوجتى 15سنة بتحصل بيننا مشاكل زي اي زوجين لكن سرعان ماتنتهي طالما في حب وتفاهم واحترام وتقدير وعايزك تعرفي ازاي تتعامل معه عندما يكون عصبي ومتنرفز ابعدي عنه ولاتتجادل معه على الاطلاق حتى يروق ويهدا برضو ياستي الزوجة الذكية الفطنة تعرف تجذب زوجها وتسيطر عليه بشئ من الانوثة والاغراء والدلع والكلام الحلو الرومنسي يلين الصخر والراجل منا يحب الحاجات دي من مراته وعمرو مايفكر يزعلك او يترك البيت ويسهر مع اصحابه على القهوة ويتركك صدقيني كانت مراتي تعمل كده معي كنت بحب اخرج من البيت واسهر مع اصدقائي في الاستراحة لكنها غيرت فيني اشيائ كثيرة اوي بطلت السهر مع اصحابي واقضي معظم وقتي بعد العمل في البيت معها ومع الاولاد ودائم تشعرني بالسعادة والفرح وبخلق اجواء حلوة داخل البيت اتمنى انك استفدت من كل ماقلت لك واياك والتفكير في الانتحار فده حرام شرعا زوجك واولادك محتاجين لك وربنا يحفظهم لك وييارك لك فيهم ويصلح لكم الحال ويؤفقكم ويسعدكم

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة