البنات المراهقات

فقدت الثقة في كل من حولي حتى امي وكرهت الدنيا

انا فتاة عندي 16 سنة مش صاحبت ولا حبيت رغم اني اتعرض الموضوع ده عليا كتير مش دي المشكلة لان ده الصح المشكلة اني فقدت الثقة في كل اللي حوليا انا كان ليا بنتين اصحابي من ابتدائي لما بقينا في 3اعدادي حسيت انهم اتغيروا بس مش كنت متاكدة مش كانوا بيبينولي اي حاجة وبعد كده اكتشفت انهم لهم علاقات باولاد كتير وبيعرفوهم كلهم في وقت واحد وبيخرجوا معاهم وكده فبعدت عنهم وبقالي سنتين مش ليا اصحاب وبعدين انا والدي علي طول مسافر بيجي 3 شهور في السنة ووالدتي بتعرف شخص بقالها فترة طويلة بتكلموا علي طول وبيتقابلوا وده بيحصل قدامي عادي ووالدي مش بيتفق مع والدتي خالص ولا معانا حتي اتصدمت في حاجات كتير اوي في اهلي (اخوالي / خالتي /ولاد اخوالي ) كلهم لحد مبقتش اثق في اي حد ومن جوايا علي طول حزينة وحاسة اني مكسورة ومش عايزة اعمل اي حاجة نهائي ولما بشوف حد في سني بيضحك وبيخرج وبيحب وعايش حياته بتضايق اكتر مش عارفة اعمل ايه واحنا اطفال كانوا بيقولولنا واحنا صغيرين الصدق بينجي والكدب ملوش رجلين والامانة والاخلاص وكلام كتير معدناش بنشوفه ولا بنقابله ازاي اتربينا علي حاجة ودلوقتي عايزنا نكدب ونعامل كل واحد بطريقته سواء كان صح او غلط انا محتارة وحاسة اني كرهت الدنيا ارجوكم ساعدوني اعمل ايه ؟

مشاكل وحلول ذات صلة

اضيف بتاريخ: Saturday, March 30th, 2019 في 17:27

كلمات مشاكل وحلول: , , ,

ردود to “فقدت الثقة في كل من حولي حتى امي وكرهت الدنيا”

  1. شيماء
    01/04/2019 at 22:21

    عادى مفيش اسرة مثالية اقنعي نفسك ان ده اختبار من ربنا بيشوفك هتفضلي على حالك رافضة كل شء غلط حواليكي ولا هتضعفي زيهم خليكيى قوية وحبي نفسك اكتر حتى لو فسد الكون قولي لنفسك انا الافضل

اترك رداً أو حلاً لهذه المشكلة