انا الحمدلله جميلة بس اهلي عودوني من و انا صغيرة اوي اني مصاحبش و ان البنت اللي بتصاحب دي بترخص نفسها فانا فعلا عمري ما صاحبت رغم ان كان الشباب دايما بيحاولو يصاحبوني و صحابي كانوا بيصاحبوا و شايفة البنات بتصاحب لاكن انا عمري ما عملت كدة لاني كان نفسي ربنا يكرمني بحد كويس اوي لما اكبر فعمري ما فكرت اصاحب و جزء برده كان كسوف لاني خجولة . و لما كبرت شوية في سن الثانوية العامة كان قيه واحد معجب بيا اوي و انا كمان كنت معجبه بيه و ناس كتير كانت عارفة و اعدنا سنين معجبين ببعض كدة من بعيد لبعيد بس في الاخر صاحب واحدة و اعدووا فترة طويلة متصاحبين و انا كنت طبعا بموت من جوايا بس كنت بستحمل بقول ان اكيد ربنا شايلي حد كويس و اشتغلت بعد كدة و كان فيه مدير سنه صغير بيحاول يقرب مني من ساعة ما روحت اشغل و انا كنت معجبه بيه بس عمري ما بينتله و لا تجاوبت معاه عشان ماكنتش فاهمة هو عايز ايه و برضه كنت مكسوفة فامكنتش بتعامل معاه غير قلبل اوي لان مكنش فيه ما بنا شغل كتير اصلا احنا بس كان شغلنا في نفس الشركة و شفت صورة بالصدفة و عرفت انه المدير دة مصاحب بس كان عندي امل جوايا انه يسيب اللي مصاحبها لانه كان بيحاول يقرب مني كتير اوي و هو مصاحبها بس هي كانت في بلد و هو في بلد جوة مصر بعدها بفترة انا نقلت و سبت الفرع اللي كان هو معايا فيه و حصل مشاكل معاه و هو كمان كان لازم ينقل مكان تاني فراح القاهرة و البنت عايشة هناك و كنت بشوف صورهم مع بعض في خروجات و كنت بزعل اوي لحد ما عرفت انه خطبها و شفت صور و اتجرحت اوي من جوايا بس طبعا بخرج عادي و عشت حياني . اللي بيضايقي ان انا محافظة علي نفسي من و انا صغيرة بس كل ما الاقي حد و افتكر انه نصيبي يخطب او يصاحب واحدة ثانية و انا لسة ملقتش حد مش عارفة دة بسبب انا مش جريئة و لا ايه. علي فكرة انا بهتم بنفس اوي و اجميلة الحمدلله بس معنديش صحاب ولاد عندي معارف بس و مش بخرج كتير اوي و معنديش فيسبوك ولا انستجرام. علي فكرة الولد اللي كنت معجبة بيه و انا في ثانوي ساب البنت اللي كا ن مصاحبها لان امكانياته متسمحش انه يخطب دلوقتي . قولولي انا صح و لا لا و المفروض اعمل ايه عشان مضيعش فرص عليا؟
مشاكل البنات النفسية
كل لما اعجب بشاب يصاحب بنت تانية بسبب خجلي
اضيف بتاريخ: Monday, July 15th, 2019 في 15:23
كلمات مشاكل وحلول: الثانوية, الثانوية العامة, بنات, بنت, صور
عن رسول الله صلي الله عليه وسلم أنه قال : تنكح المرأة لأربع لجمالها ولماله ولحسبها ونسبها ولدينها فاظفر بذات الدين تربت يداك – والدين هو اتباع شرع الله سبحانه وتعالي يعني تصومي وتصلي وتقري قران وتحفظي نفسك – بلاش تصاحبي حد – الحب في القرأن الكريم في سورة يوسف معناه الرغبة المحرمة – بلاش حب وبلاش تصاحبي حد – اللي عاوزك يدخل البيت من بابه – من غير ما يصاحبك ولا يحبك – كتير من البنات صاحبوا شباب ومشيوا معاهم وفرطو في سمعتهم وشرفهم وفقدوا عذريتهم وندموا في يوم لا ينفع فيه الندم – كتير من البنات في اعدادي حملوا من غير زواج – هو في الاول والاخر طيش البنات – التزمي بدينك وحافظي علي شرفك وسمعتك – اللي عاوزك يدخل البيت من بابه – يعني يطلب اديكي في الحلال لو هو عنده امكانات الزواج والا هيبقي لعب عيال – ربنا يهدينا يهديكي – وكل عام وانتم بخير .