مشاكل عائلية

كيف اتعامل مع ابي

انا بنت عندى 21 سنة مشكلتى انى دايما متخانقة مع والدى هو عصبى جدا الى ابعد الحدود وانا للاسف ورثت الحاجة دى منه وعندى كهربا زيادة فى المخ او بمعنى تانى صرع..مهما حاولت اتعامل مع والدى مبيجبش نتيجة اسكت واحاول اتجنبه يتهمنى بالبرود وانى بتاعت مصلحتى ولما ارد عليه يقولى انى بجحة وقليلة الادب..كلنا بنعانى من اسلوب والدى الغير متحضر تماما دا غير ان لما بيجلنا ضيوف او عرسان بنكون مرعوبين انه يحرجنا قصادهم لانه من الشهل جدا عليه يقول كلام مش محسوبله كويس..للاسف والدى نشا فى بيئة شعبية جدا ووالده كان فاسى معاه ودا بيطلع علينا احنا وايام دى بعد ما تعب وترك شغله زاد عصبيته اكتر والدتى هى اللى تعبت ونزلت اشتغلت وكبرت المحلات وهو كان سلبى جدا وفى الاخر وافق انه يقف معاها فى محل.انا بقيت احسد زمايلى على تفهم ابائهم ليهم ..مش عارفة اتصرف معاه ازاى ..اسفة للاطالة بس بجد محتاجة حد يساعدنى

مشاكل وحلول ذات صلة

اضيف بتاريخ: Sunday, June 19th, 2011 في 21:39

كلمات مشاكل وحلول: , ,

15 رد to “كيف اتعامل مع ابي”

  1. محمود احمد
    28/07/2017 at 01:10

    بابا كل حاجة عنده زعيق وكل حاجة هو صح واحنا غلط
    انا عندي 14سنة

  2. ابواميرة
    21/11/2013 at 23:44

    اختي ابوكي مثل سي السيد كمافي ثلاثيةالاديب نجيب محفوظ وهويتقمص نفس الدوربالضبط وعاوز يطبقه عليكم حرفيا ولابدانكم تفهموه انو الطريقةدي غلط في التربية وعاف عليهاالزمن ولابدان يغيرها ويكون فيه ثقةواحترام وتعاون بين الاسرةالواحدة بلاش من المعقلية الرجعية اللي هتدمرحياتكم وتضيع مستقبلكم والمثل العربي يقول اذاكبرابنك خاويه وربي يهدي اباكم ويصلح احوالكم

  3. حياتي كلها لله
    14/09/2011 at 15:08

    انا عندي سؤال انا والدي عصبي جدا” بس بصراحه مش مخلينا انا واختي محتجين حاجه خالص وكل الي بنقول عليه من (لبس – واكل _وشرب_وفسح _واي حاجه بنتمنها بتجلنا بس لو غلطنا مش بيتعامل معانا بهدوء خالص ودي مشكلتي ان انا مش بعرف اتكلم مع بابا في اي حاجه خالص وانا دلوقتي عندي 15 سنه وخيفه ان دي تبئا عقدتي لما اكبر وابئا مش عارفه اتكلم مع بابا في اهم الاشياء الي لازم اتكلم معاه فيها وماما بتزعل لما اجي اقولها حاجه انا عيزها من باب عشان تقلهالو هي عشان انا مش بعرف اتكلم معاه وتقولي دي حاجه وحشه مش كويس انك متكلميش مع بابكي انا محتاجه رد ضروري

  4. سلاف
    04/09/2011 at 14:21

    بصرة ههههه_عامة البيوت كلها مشاكل وكل دى بتبقى اختبارات من ربنا_اصبرى _الصبر هو الحل الامثل

  5. HanyMoh
    20/08/2011 at 06:49

    كل البيوت فيها مشاكل أسرية مش لوحدك

    لكن متحتكيش بيه في مواضيع ممكن تعصبه

    وهدي نفسك أنت كمان

  6. have no one
    10/08/2011 at 06:47

    يالهوى ده الواد مربي اهله احسن تربيه هههههههههههه
    معلش اصلى بشوف كتير .
    ابوكى عصبي شوفى ايه اللى يرضيه واعمليه واللى يخليه مبسوط يعنى حاضر ونعم اما بالنسبه انه يقولك انتى قليلة الادب او بجحه يمكن عشان طريقة او اسلوب ردك عليه . اما بالنسبه لامك حاولى انك تهونى عليها ولو تقدرى تنزلى تساعديها ف الشغل يكون كويس وابعدى عن اي حاجه تنرفز ابوكى وربنا يهديه ويهون عليكم

  7. شهد
    31/07/2011 at 04:30

    والله يابنتى انابابا عصبى جدا واخر مره من عصبيته ضرب ابن خالتى وكان منظرنا وحش اوووووووى بس لللاسف مش محسسنا خالص بحب الاب لاكن عنده ان الاب ده عشان يدى فلوس بس لاكن حنيه او كلام لا كان نفسى يبقى صاحبى بس يلا اصبرى

  8. salam
    23/07/2011 at 14:12

    أبو الغضب
    أنا الديك مُلقب ب (أبو الغضب) وصياحي القوي والمسموع لا مثيل له , وانني على حق أكنت كذلك ام لا , لي وَهرَتي على دجاجتي وصيصاني ولا أقبل الرفض أو المساومة , أنا دائماً على حق أقولها بكل ثقة .
    ولأسباب عدة <> صيصاني وكانوا يختبئون بحضوري :
    وذات يوم كنت أعرض ريشي الجميل بالوانه للشمس , فإذ بي أرى صوص يتوجه
    صوبي متردداً حزراً , فقلت في نفسي , لأتسلى وأنقر هذا الصوص , أدرت ظهري لأفاجئه , فإذا به يغدرني بقبلة سريعة طُبعت على جبيني , وهرب :
    لوهلة فوجئة , ولم أقم بحركة مذهولاً .
    ماذا حصل , انا الديك القوي صاحب الحضور , مخيف الجميع , يتجراء هذا الصوص الصغير , الضعيف , بمهاجمت صيتي ؟ ما السبب ؟
    يريد أن يأخذ مكاني ؟ يريد تدميري ؟ يريد إذلالي ؟هذا الموقع لي أنا , وأنا هنا وسأبقى أنا أنا أنااااااااااااا .
    وعندما أستيقظت من أنانيتي أبتدأة القبلة مفعولها كأنها حبة دواء اسمها (ألمحبة)
    وفي اليوم الثاني بعد صياحي أستيقظوا جميعاً وأنا أراقبهم من فوق , رأيته مقبلاً بإتجاهي من دون خوف ولا خجل , نزلة صوبه فارضاً حضوري فإذا به تزداد ثقته بنفسه ومفتخراً بي , محاولاً أن يُقلدني بحركاتي منسجماً , فارتمى بين يديَ مقبلاً رأسي وبأبتسامة بريئة قال لي أحبك كما أنت, فنظرة من حولي رأيت كل من ظلمتهم ينتظرون إشارةً مني ليأخذوا حصة من دفء جناحيَ , فَتكسر كبريائي وعنفواني , وكل ما ورثته من تقاليد أبعدوني عن صيصاني , أحسستُ بنظرات حب لاتقاوم وبوقتها تحررت من كل شيء يبعدني عن أطفالي
    وخطوة خطوة الى الأمام فإذا بهم يركضون صوبي وأصواتهم الفرحة أعلى من صياحي وزادني ذلك فرحاً :
    وكل ذلك سببهُ قُبلة الصوص الجريء المُحب , الذي عَلمني المَحبة بِصمت :
    من كان يظن قبلة وبسمة سلام تكون الدواء الشافي لي :
    أتمنى لكي ألمحبة

  9. مفيش اسم
    13/07/2011 at 07:37

    وانا كمان والله نفس المشكلة ولو اتكلمت معاه فى حاجة يفضل يزعق ويتريق على حاجة بعملها او بحبها ويفضل يقولى دا زمن و زيى بباكى بالظبط وبرده مش عارفة اعمل ايه بس حاولى تعملى زيى انا بعمل نفسى مش سامع علشان محرقش فى دمى واتعصب ويقولى انتى قليلة الادب وبحاول اطنش على قد ما اقدر

  10. نور
    12/07/2011 at 05:42

    انا والله حسة بيكى لان امى نفس النظام اخذت منها عصبيتها مش عارفة اسيطر ع عصبيتى
    بس بحاول اثبتها انتى كمان حاولى تثبتى ابوكى يعنى اعطفى علية اعمليلة كوباية شاى دلعية حسسية بحنانك ومهما عمل فى الاول والاخر دا ابوكى وحاولى تقربى من الله سبحانة وتعالى لان دا ممكن يكون اختبار الله لكى فى الدنيا ويشوفك هتصبرى ولا لا ولو صبرتى اكيد ربنا مش هينساكى لان الله لا ينسى احد واوعى تقولى هصبر لحد امتى ولو قولتى انا هرد عليكى واقولك لحد اخر ثانية فى عمرك واكيد صبرك هيكون فى ميزان حسناتك والله معاكى ومعايا ومع اللى زينا

  11. جيتي علي الجرح
    05/07/2011 at 23:53

    انا مش عارف اقولك ايه اصل انا حكايتي تشبه حكايتك كتير انا صعيدي من قنا شاب عندي 19 سنه كنت في ثانويه عامه وفشلت فيها بسبب اني مكنتش لاقي حافز وتشجيع من والدي اللي كان دايما بيستهزء بيا لو زاكرت ولو ما زاكرت يطردني من البيت وانا لحد الان مفتكرش ان ابويا اداني قرش من نفسه او من غير مجادله وهو لحد الان بيعاملني كويس لو بسيت عليه مثلا وهو بياكل يبقا انا بكرهه او مش عاجبني ويقولي تعالا اديني قلمين او يسلط علي امي اللي انا مبقدرش اكثر ليها امر لانها بتحبني قوي انا بدخن وتدخين مفرط جدا لكي اتحكم في اعصابي لاني من غير السجاير بضيع لكن اقسم بالله اني غير السجاره العاديه لا اتعاطي او اي نوع من المخدرات ولكن هو دايما ما يشك فيا ودايما يكسفني قدام الناس

  12. امونه
    04/07/2011 at 09:58

    انا بعانى من نفس مشكلتك ياحبيبتى وبابا عصبى جدا وحرمنى من اشياء كتير كان نفسى فيها واهمها هى حنان الاب اللى بتحتاجه اى بنت لكن قدر الله وما شاء فعل وده قدرنا ولازم نرضى بيه ونتاكد دايما انه خير مادام الله قد اختاره لنا فاصبرى واحتسبى الاجر والثواب عند الله

  13. سيس
    29/06/2011 at 05:26

    بصى انا ولدى زيك تامام ويمكن اكتر شويه ومش لاقيه معاه حل وانا خلاص بقيت زهقت وبقى نفسى اتجوز علشان ابعد عنو هوه عنديد معايا جدا وعمرى محسسنى بحنان الاب وانا خلاص يأست انا عمرى 15 عاما بس بجد زهــــــــــــقـــــت ربنا يصبرنى ويصبرك

  14. sara
    28/06/2011 at 04:20

    تجنبيه قدر الامكان و انا والدى تقريبا نفس اللى بتحكيه ده بالظبط بس انا بتجنبه على قد ما اقدر و بحاول ماحتكش بيه

  15. etqan54
    21/06/2011 at 11:17

    اصبرى على والدك واحترميه حتى وان كان كافراً فهذا قدرك ولابد من الصبر لانك لن تغيريه المهم ان تلتزمى بآداب الاسلام فى التعامل مع والدك وان تدعى له فى صلواتك بالصلاح المهم ان تعدلى انت من تصرفات وطالما انك علمت انك عصبية مثله انصحك بان تتخلى عن عصبيتك طالما انك علمت ان العصبية خلق مذموم اصحلى من نفسك وعاملى ابيك معاملة البنت للاب لانه سبب وجودك فى هذه الدنيا وله حقوق عليك واصبرى وان شاء الله سوف يجعل الله لك مخرجاً مما انتم فيه ودمتى ابنتى بخير

اترك رداً أو حلاً لهذه المشكلة