لا حياتي ويا اهلي زينه ولا مع زوجي السابق

اني اعاني كثيراً والله تعبت اني مواليد ٢٠٠٠ اهلي من اني و بعدني بنت ما يحترموني و لا ياخذون برأيي حتى ولو كان شي يخصني جان بابا يضربني و امي و اخويه و اختي صار عمري ١٩ سنة كلت بلكي الحال يتغير اتزوجت صار زوجي ما يحترمني و يخوني و يمد ايده و يضربني و يسبني و اتهمني بعرضي بلا سبب لانه يحب وحده ثانيه و رجعت البيت اهلي صرت اعاني الأمرين هم طلاقي هم معانات ويا اهلي و عدم احترامهم و ضربهم وووو …الخ اني دائما اكول الحمدلله و الشكر لازم اتحمل و اصبر و احتسب بس والله تعبت ورب العزه تعبت ما ضل بيا حيل اتحمل بعد اني بعدني بهذا العمر ما ضل شي و ما صار براسي هسه لو اني مو خوش بنت جنت اكول ميخالف استاهل اللي يصير بيت بس والله اني مو هيج اكثر وحده بالعائلة تسمع كلام اهلها هي اني من جنت بنت ولا مره حبيت او سويت شي غلط جان دائماً راسي بدراستي و بس و من دخلت الجامعة صار الوضع اخرب مليون قاط لا يخلوني اطلع ويا صديقاتي ولا اروح عدهم و من تزوجت زوجي حتى باب البيت كام يمنعني و هسه اني بيت اهلي بعد انفصالي دا ادرس كلية وضعي ميؤوس منا يعني ما ادري شسوي اكثر ورب العزه ما اعرف اني بنت الحمدلله لا فرد يوم خليت احد يحجي عليا بالموزين ولا فد يوم حجيت ويا واحد بالتلفون ولا كاعده ويا واحد بحدنا بمكان حتى لو جانو زملاء كلية اني منسحبه من كلشي و فوك كل هذا هم اني الغلط بس افهم ليش هيج لا حياتي ويا اهلي زينه ولا جان ويا زوجي السابق الى متى ..

مشاكل وحلول ذات صلة

• تعدي اب على بناته وهتك عرض
• حيرة في الاختيار بين طليقي او رجل اخر اعزب
• زوجي يريد تحطيم شخصيتى
• بحبها لكن اهنت كرامتي معاها وهي بتحاول تكرهني فيها
• زوجي خانني وانا لا اطيق اعيش معاه
• بحبه لكن مينفعش اتجوزه من غير رضا اهله
• هل اتمسك بالطلاق وهل للصبر نهاية