بحب واحد اصغر منى بسنتين وهو بيحبنى من الصيف الى فات وكلم والده اننا نرتبط ووالده قاله اصبر لحد السنة الى جاية عشان تكون بقيت فى 3 جامعة لانة كان فى تانية وهو فى كلية صيدلة يعنى 5 سنين المهم انا صبرت السنة دى مع العلم انة جه حفلة تخرجى فى الجامعة واختى الكبيرة كانت موجودة لان ماما الله يرحمها وانا عايشة فى الاسكندرية وهو من القاهرة المشكلة ان دلوقتى الوقت قرب على انة يتقدم وانا قدرت اوصل لنتيجتة ولقيته سقط وهو ميعرفش انى عرفت وخايف ان والده لما يعرف يرفض انه يتقدملى مع العلم انى قولتله لو والدك رفض قالى هلم العيلة لية لحد مايوافق ياما لو مرضاش هاجى لوحدى عشان اسبتلك انى راجل وقد كلمتى لانة الولد الوحيد لية وعندة 3 بنات وحدة اتجوزت واتنين صغيرين مع العلم اختة الكبيرة كلمتنى واخواتة البنات التانين ومامتة لسة مكلمتنيش هو قالها عنى والاول قالتلة على السن هو قالها انة هيكون سعيد معايا قالتلة يبقى ربنا يسعدك وانا على فكرة الى يشوفنا لايمكن يقول انى اكبر بجد واللهى هو كشكل كبير وكعقل كبير لانى عقلة افضل بكتير من عقل ناس انا شفتهم واكبر منى بس للاسف عقلهم صغير وهو عندة شقتة وعربيتة ومجرد ميتخرج فى صيدليات والدة هيشتغل فيها ويمسكها المشكلة انى خايفة وقلقانة من بعد ماعرفت النتيجة لانى لو هو حبنى كان زاكر عشان يطولنى وممكن يكون من النوع الى اهلة غصبوة على الكلية دى وانها صعبة وحاليا انا مش عارفة اصارحة ولا اسكت لحد ما هو يقولى بالنتيجة وهل لو سعتها قالى مش هيقدر يتقدم هل بكدة عندة حق ولا دة شى ودة شى اخر والى اكتر من كدة ان متقدملى عريس وكويس واكبر منى ب4 سنين وعاوز يتجوزنى وعاوز يجى لوالدى بس انا اجلت الموضوع دة وعملت حجة ان اختى فى امتحانات ثانوية عامة وطبعا دى حجة عشان حبيبى يكون يقدر يجى يكلم بابا انا قلقانة ومحتارة اعمل اية افيدونى لو حبيبى مجاش هل ارتبط بالانسان التانى زى مكل الى حواليا بيقوللو بس انا مبحبوش لكن هو من يوم مشافنى تانى يوم طلب ايدى من اختتى بس انا قلقانة منة بردو لانة خريج خدمة عمالية من صنايع وانا كلية خريجة كلية تربية انا مش بقلل من شانة بس حصل انة فى يوم اختة قالت لاختى ان المديرة عندة فى الشغل سالتة عن حبيبتة قالها انها بتشتغل ادارية هل معنى كدة انة اتكسف يقولها مدرسة عشان ميبنش قدامها انى اعلى منة ودة شى مخوفنى انا اسفة انى طولت عليكم بس انا مبنمش اخد الى بحبة وهو بيقول انة بيحبنى ولا اخد الى بيحبنى وانا محبتهوش
مشاكل الحب والزواج
لو حبيبى مجاش هل اقبل العريس التانى
اضيف بتاريخ: Monday, June 10th, 2019 في 12:33
كلمات مشاكل وحلول: الاسكندرية, الثانوية, الثانوية العامة, الجامعة, الحب, القاهرة, بنت, حب, شاب, هل
السلام عليكم يااختي وكل عام وانت بخير عايزك تعرفي ان الزواج قسمة ونصيب وكل حاجة بارادة الله عزوجل بالنسبة للشخص الاولاني لو كان فعلا يحبك لكلم ابوه وجاء ليخطبك من اهلك لكن الحقيقة انه مش بتاع جواز وطالما في شخص ثاني عاوزك ويرغب في الحلال فلاترفضيه ابدا والحب الحقيقي ياتي بعد الزواج وربنا يكرمك ويوفقك ياست العرائس
لو سنتين فرق مش كبير , طب ماتتخطبوا لحد مايخلص ايه المانع ,, لو ماخدش خطوة الخطوبة اتجوزي الشخص اللي شاري وعاوز يتقدم
جب ايه اللي انتي جاية تقولي عليه – انتي عارفة معني الحب ايه لما تتكلمي عليه – حبيبك الاولاني لو بيحبك يحدد موقفه يكلم ابوه وييجي يخطبلك ولو بقراية الفاتحة – عرفيه ان فيه عريس تاني – ويحدد موقفه – لو ملوش موقف ايجابي اقبلي العريس التاني ومفيشس حل تاني – ربنا يوفقك وكل عام وانتم بخير .
متتجوزيش راجل اقل منك في المكانة الاجتماعية والمالية