مشاكل البنات

ماما وبابا عندهم مرض النم على الناس

ياجماعة انا  مخطوبة واخويا خاطب مشكلة ابونا وامنا انهم دايما يزموا فى خطابنا بطريقة قبيحة ودة طبعا من ورا ظهرنا ولما نقولهم انتوا ليه بتتكلموا عليهم بالطريقة البذيئة دى يزعلوا مننا ويدعوا علينا ويقولوا بالوالدين احسانا واحنا اللى نطلع فى الاخر وحشين المشكلة انهم ماديين جدا والكلام اللى بيقولوه على خطيبى مش مظبوط بيتهيألهم انه بيسلطنى عليهم والله هو مش كدة ابدا والكلام اللى بيقولوه عليه دة بيأثر فيا اوى وبيحرق دمى لأنى بحبه جدا اعمل ايه ارجوكم قولولى وفى سؤال تانى لو تكرمتم خطيبى كان عامل عملية فى رجله وهو صغير بس سايبة علامة مكان الخياطة وكان مركب شرايح ومسامير بس شالهم هل ممكن يطلع من الجيش اعفاء ولالأ ويقولهم ايه فى الكشف الطبى عشان يقنعهم ارجوكم اهتموا بالاجابة

مشاكل وحلول ذات صلة

اضيف بتاريخ: Sunday, August 29th, 2010 في 21:38

كلمات مشاكل وحلول: , , , , ,

3 رد to “ماما وبابا عندهم مرض النم على الناس”

  1. YOS
    30/08/2010 at 18:25

    بالنسبة للوالدين عرفيهم بس بالزوق واللين ان في حديث عن الرسول ان لا يدخل الجنة نمام لم يقول زاني او اي حاجة تانية قال زاني دا غير عرفيهم ان كلامهم دا بيضرهم لانهم كل ميتكلمو بسوء عنهم هما بيأخدو من سيأتهم وبيدولو حسانتهم لان كان في زمان قصة عن الرسول صلي الله علية وسلم انة كان في جار لية اعد طول اليوم يتكلم وينم عنة وفي اخر اليوم الرسول راحلو ومعاه طبق مليان تمر وراح يشكرو لانة بسبب النم دا بيزود حسناتة الرسول ويأخد من السيئات كلميهم من الناحية الدينية وحولي تقربي منهم عشان ميحسوش ان خطيبك بيبعدك عنهم عشان اكييييييد هيغيرو عليكي ويحسو ان كل اهتمامك بقي لشخص اخر وربنا يهديهم ويوفقك اللهم امين

  2. احمد
    30/08/2010 at 16:13

    فى الكشف الطبي يقدم التقرير بالحاله طبعا كانت العمليه فى مستشفى حكومي ويبلغ الدكتور اول ما المجموعه بتاعته تدخل وهما بيغيروا هدومه وانشاء الله اعفاء من اول جلسه

  3. وهم الحب
    30/08/2010 at 05:12

    بالنسبه للنم انا مش عارفله حل الصراحه بس ادعيلهم بالهدايه من المرض ده لانه مرض خطير انما بالنسبه لمرض خطيبك ف هو لو فعلا رجله لسه فيها مشاكل ومأثره عليه هيطلع من الكشف الطبى بس لو طلع لائق طبى يقدم تظلم عظام هيروح يكشف ف القومسيون الطبى العسكرى تقريبا ده ف الزيتون مش عارف فين بالظبط ويوقلهم على الى ف رجله بس يكون متاكد ان رجله دى سايبه اثر داخلى يعنى لسه تعباه انما ل خلاص بقت الحمد لله سلميه ينسى انه يطلع من الجيش

اترك رداً أو حلاً لهذه المشكلة