مشاكل الثانوية العامة

مذاكرتش وخايفة اسقط ونفسيتي وحشة .. حاسة بموت بالبطئ

يا جماعه انا طالبه ف اولي ثانوي ع النظام الجديد الي ما يعلم به الا ربنا المهم انا ظروفي ع قدي يعني انا مبروحش غير ٣ دروس علشان ظروف بابا المادية و هم كيمياء و فيزياء و رياضه انما انجليزي و الماني بابا بيذاكرهوملي و عربي ماما بتذاكرهولي و تاريخ و جغرافيا و فلسفة مبذاكرهموش لأن امتحاناتنا اوبن بوك ف بجيب الاجابات من الكتاب و عملت كدة الترم الاول و قفلت التلات مواد الحمدلله و ربنا يوفقني الترم ده و اجيب فيهم درجة حلوة بس المصيبة بقي الاحياء كنت بروح فيها درس الترم الاول و سيبته و كملت دروس فيها من ع النت و ذاكرتها كلها و الحمدلله نقصت فيها نصف درجة بس في الترم الاول بس الترم ده مكنش ليا نفس اذاكرها خالص و مذاكرتهاش و امتحاني فيها يوم الاتنين الجاي ٢٠ ٥ و هي صعبه و محتاجه فهم و كلها مسائل وراثة و انا مذاكرتهاش و مش هعرف احلها من الاوبن بوك بس كان عندي لامبالاة كدة بيها لحد م خلاص بدأت في الجد و مفيش وقت اذاكرها و لو بابا عرف هيموتني علشان مكنش راضي يخليني اقعد من درس الاحياء و انا اصريت و قعدت علشان ظروفه المادية ف انا كل الي طالباه منكم تدعولي بالله عليكم لأن في نجاح و سقوط انا الي كان مطمني الاول ان المدرسين كلهم بيقولوا كله لازم ينجح و محدش هيسقط و كدة بس انا مش هعرف احل حاجه ف الامتحان يعني هسيبه فاضي ف مش معقول هيدوني ٥٠ درجة و ورقتي فاضيه ف بالله عليكم ادعولي لأن انا حالتي النفسيه 0 بجد و مخنوقة و مش بإيدي حاجه اعملها دلوقت انا عارفه اني قصرت و معملتش الي عليا بس نفسي ربنا يقف جمبي و انا والله اتعلمت درس و اخدت عهد بيني و بين نفسي اني مش هعمل كدة تاني ف استحلفكم بالله تدعولي ف ظهر الغيب اني مشيلش ملاحق السنة دي

ملحوظة انا مبغشش في الامتحانات علشان انا عارفه ربنا و عارفه ان دة حرام ….. يعني انا عندي اسيب الورقة فاضيه و لا اني اغش في الامتحان ف بالله عليكم ادعولي انهم ينجحوا العيال كلها و محدش يشيل ملاحق

مشاكل وحلول ذات صلة

اضيف بتاريخ: Friday, May 17th, 2019 في 13:41

كلمات مشاكل وحلول: , ,

ردود to “مذاكرتش وخايفة اسقط ونفسيتي وحشة .. حاسة بموت بالبطئ”

  1. عبدالرحمن
    13/06/2019 at 07:46

    دى أسهل ماده انا جايب 15/20 فى الترم 1 والتانى 17/20

اترك رداً أو حلاً لهذه المشكلة