مشاكل الادمان

مدمن بودرة هيروين و كريستال وتعبت

انا اسف بس انا بجد تعبت وعايز اتكلم معاكم ويمكن يكون فيه حل
انا شاب من 12 سنه وانا مدمن بـــــودره بس مش متواصل لاسباب سفري
بس اول مارجع هناا بدور على الهيروين وباخذه بشراهه وكميات كبيره
انا دلوقتي وصلت لغاية 4 جرام في اليوم ,,
نفسي ابطل الحاجه دي انا بجد تعبت ,, وكل الشكر لكم

مشاكل وحلول ذات صلة

اضيف بتاريخ: Wednesday, August 14th, 2013 في 03:52

كلمات مشاكل وحلول: ,

10 رد to “مدمن بودرة هيروين و كريستال وتعبت”

  1. كنت عايشة
    08/06/2014 at 20:55

    بص هى بتتكلم صح اتعالج بس اهم حاجة يكون عندك ارادة وعزيمة قوية و خلى دايما مستقبلك قدامك اهدافك وجودك فى الحياه اهلك كدة يعنى

  2. zeina
    15/01/2014 at 14:55

    لازم تروح المستشفى و تتعالج

  3. محمد / محاسب
    26/12/2013 at 14:17

    اسأل عن أي مكان لعلاج الادمان اسأل ودور والنت فيه كل حاجة وربنا يشفيك

  4. سيلاااا
    18/11/2013 at 06:24

    بما انك مش تواصل ومش تاخدها باستمرار بسبب سفرك يبقي انت مش مدمن سوري انت بتهزر اول حاجه عشان تسيطر ع نفسك هي الفكره لازم اول ماتفكر فيها تشيلهامن تفكيرك وتحول اتجاهك لحاجه تانيه خالص صدقني الاراده اهم من كل حاجه ومدام بتقدر تسافر وتقعد فترات مبتاخدهاش يبقي انت عديت مرحله كبيره اوي من العلاج صلي لااازم تصلي

  5. Eslam
    11/10/2013 at 16:24

    السلام عليكم , أولاً ربنا يرفع عنك البلاء وإن شاء الله تتعالج وتعيش حياتك بصورة طبيعيه , أنت بتقول أنك بتبطل لما تسافر طيب ليه أول ما ترجع من السفر مش بتروح تركب كبسوله ودي بتساعدك لفترات طويله أنك متضربش وقبل ما تخلص تروح تغيرها بس أنت عليك أنك تدور على دكتور محترم وحط تحت محترم دي 100 خط ومصحة محترمه وبرضو تحت محترمة دي ألف خط لأن في مصحات شغلها الشاغل مص دم المريض وتدفعه دم قلبة من غير نتيجة ملموسه وفي مصحات بيقوموا بتصرفات غير آدميه مع المريض يعنى الضرب والتعذيب والأماكن دي للأسف منتشره فأنت محتاج مصحة ليها ترخيص وتحت إشراف وزارة الصحه أنا مش بقولك كده علشان بخوفك بس علشان متقعش في الي غيرك وقع فيه بس الحمد لله في مصحات كتير محترمه, ثانياً محتاج أنك تمسح كل أرقام التجار الي بتشتري منهم وأنك تتجنب كل أصحابك الي بتضرب معاهم حتى لو بمسح أرقامهم وأنك تقولهم انا ببطل ساعدونى إنى مشوفكومش , والأهم أنك تبعد عن كل الأماكن الي كنت بتضرب فيها , وحاول تلتزم بالصلاة والقرآن والدعاء لأنهم بيحسسوك براحه نفسية بتقلل من التوتر الي هتعيشه , هيفوت عليك لحظات صعبه بس هتعدي إن شاء الله لأن الهدف أكبر متيأسش الأدويه هتساعدك

  6. بنوته مصريه
    31/08/2013 at 02:53

    تقريبا انت كدا بدأت فعلا بعلاج نفسك لانك عايز تبطل الادمان وعندك الرغبه بس محتاج قوة عزيمه وقرادة وشجاعه قويه ولازم بطبيب مختص فى مكان مختص مثل المصحه عشان تكون تحت المراقبه والرعايه وان شاء الله هتبطل وربي هيرفع عنك شر البلاء
    ملاحظه هامه:- لاتنظر الي الناس وتقول ماذا سيقولون عندما ادخل المصحه ولا تنظر الي مايقولونه الناس غير ذلك انظر الي نفسك واتقي الله يجعل لكم مخرجا

  7. jody
    25/08/2013 at 16:33

    انا من رأيي انك طالما وصلت للكمية الكبيرة دی يبقی انت مش هتعرف تعالج نفسك بنفسك ولازم تروح مصحة لعلاج الادمان وربنا يشفيك

  8. نونا
    19/08/2013 at 01:59

    انت ولد يعنى ممكن تنزل وتروح المكان اللى انت عايزه
    حاول تشوف دكتور نفسى هما كويسين جدا
    وربنا يهديك ويهدينا

  9. ما اجمل الوعي
    18/08/2013 at 22:21

    سؤالك عن هذه المشكلة و خروجك بها من الظلام الى النور هو بداية العلاج، الإدمان يعيش بالظلام الدامس و خلف الابواب المغلقة، متى ما وجدت في نفس الحماسة فبادر الى العلاج الفوري، اهم مرحلة بعلاج الادمان ان تجد من يريد ان يقلع عن الشيء الذي تريد ان تتوقف عن ادمانه، هناك مجموعات متوفرة بكل مكان بالعالم، كجماعة المدمنين المجهولين، ابحث عن موقعهم بالنت و اتصل بهم، و سوف يساعدونك للمضي قدماً في التخفيف و من ثم الإقلاع، و احلال عادة حسنة تساعدك على التأقلم بالحياة و ان تعيشها بدون التعود على الهروب منها

    اتمنى لك التوفيق

    ما اجمل الوعي

  10. امل
    15/08/2013 at 01:18

    بسيطة جدا كلم اي مكان خاص بعلاج الادمان وبيكونوا سريين جدا ودكاترة متخصصة وربنا يشفيك ويهديك

اترك رداً أو حلاً لهذه المشكلة