انا عندي 29 سنة في سنة 2008 كنت بشرب مخدرات بقالي 4 سنين وشربت كمية من الحشيش وحصلي توهان وعدم تركيز ومسمعتش اي اصوات حوليا وكنت هقتل واحد صاحبي وانا مش دريان وشربوني قهوة وفوقت قولت يمكن مرة وخلاص بعدها بكام يوم شربت تاني وجالي نفس الاعراض بزيادة وفوقت وتمام بطلت الخشيش والحمد لله مبطل بقالي 4 سنين حشيش وبرشام وكل حاجة وكنت باخد برشام كتير وبطلت في مصحه في الهرم واتعافيت وبشرب سجاير بس من فترة سنة ونص رجعتلي الاعراض كأني لسه بشرب بالظبط وخصوصآ بعد موت جدي اولها دوخة وتوهان وضربات القلب اللي جنبي يسمعها ووقعت من طولي وقيست الضغط لقيته 250/160 والدكتور اداني حقنة لازيكس ومن يومها لحد وقتنا ده من اول ما بصحي من النوم تايه ودايخ ومعنديش توازن وبخاف من كل حاجة حتي تعدية الشارع وكشفت علي كل حاجة قلب ووظايف كلي وكبد ومخ واعصاب وكله تمام الكوليستر‘ل طلع عندي عالي جدآ جدآ والضغط علطول عالي بدأت اخد ابيلات ريتارد ومش نافع اي حاحة معايا بتظبط ساعتين في اليوم وبقيت اليوم بتمني الموت علي اني احس الاحساس اللي بيجيلي واغلبه هلوسة قوم استحمي انت هتموت خلاص استغفر ربنا انت هتموت ووجع من نحية القلب نغزة جامدة بتجيلي مع اني عملت ايكو وقالتلي بطل السجاير لان الشريان اللي بيوصل للرئة تعبان شوية لكن ميوصلش انه يعملي كل ده وحالتي دي مصعبه عليا الدنيا كلها عصبية زيادة القولون باظ عندي بسبب العصبية معدتي مبقتش تستحمل لما بتجيلي الحالة دي ببقا مش طايق نفسي لدرجة اني لو راكب مواصلات بوقف العربية وانزل جري منها وافضل اتشاعد واقول خلاص انا هموت وساعات كتيرة بوصل اني اعيط في الشارع بسبب الخوف من كده ولحد دلوقتي مش عارف اثبت في شغلانة بسبب الاحوال دي واهلي كلهم بعد الكشوفات كلها بيتريقوا عليا دلوقتي وفاكرني بستعبط لكن انا تعبت وعلطول شاكك في كل حاحة حواليا وخايف من كل حاجة حواليا وبخاف انام علشان لو نمت كويس بصحي مش عارف انا مين وشكرآ ليكم
اخى العزيز اولا ربنا معاك ولاتياس من رحمة الله ولاتضعف وترجع للى كنت فيها مرة ثانية والكلام سهل مننا جميعا ولكن لا يدرك ما انت فيه الا انت وبعدين انت شيكت على نفسك فى كل حاجة ولم تذهب الى طبيب نفسى وبعدين مش المفروض فى المصحة التى شفيت فيها علاج نفسى بعد زوال الادمان انا غير متخصص ولكن من ضمن اعراض الانسحاب التى تمر بها ساعات بيكون فيه اكتئاب نفسى المهم لاتستسلم وراجع المصحة واسئل متخصصين
اخي انت الكلسترول عندك والضغط ايضا كليهما مرض لازم تتعالج وعلاجها متوفر مع قليل من الانتباه للاكل والرياضه لكن العوارض الذي فيك ليس عوارض الكلسترول والضغط لان لي نفس المرض اعتقد انت تمر بمحنه نفسيه لذا من الضروري تذهب الى طبيب نفسي ليساعدك لانك لك خوف من الزحمه والمرض ربما يدفع بك الى داءره الادمان لا سمح الله الطبيب النفسي سوف يساعد للتغلب على مرض الرهاب كما ايضا يساعد للتفريق بين عوارض مرضك الجسدي والنفسي وانشاء الله تتخطي هذا لانك تخطيت الادمان وهذا بحد ذاته قوه وعزيمه
اخي العزيز علاج كل مشاكلك دي التي تعاني منها هي برجوعك الى الله عزوجل وتوبتك الصادقة معه وكثرة الاستغفار والمحافظة على الصلاة في اوقاتها وبقراءة القران بانتظام والصيام وشرب ماء زمزم اذا حصلت احد يقدرياتيك به من مكة وتقلع عن شرب السجائر نهايئا وللابد وتتغذى كويس ونشاء الله ربنا بيشفيك مماانت فيه وترجع احسن من الاول وتحمدالله انك اقلعت عن تعاطي المخدرات والحشيش للابد لانها هي التي اوصلتك الى هذة الحالة وتمنى لك دوام الصحة والعافية والسعادة والتوفيق في حياتك
كل هذه الحاجات لا تنفع معك انت في ناس لا يتحملوا اي شيء لا شرب ولا حشيش ولا حتى تدخين , التعود على اي شيء ثاني يغنيك عنها , اصل كل امور الكيف 90% منها تعود ولو تعودت على لب او بسكويت او قهوة تصبح مدمن عليها وتترك غيرها لذلك ابتعد عن اي شيء ضار , المسألة كلها مجرد تعود , بالنسبة للاشياء التي تشعر بها جهة القلب تحتاج لمراجعة الطبيب وقد تكون مجرد عظلات لكن ارتفاع الكوليسترول والظغط خطير , لازم توقف 3 اشياء هذه الاشياء التي تتعاطاها والدهنيات والموالح , ولازم تمارس الرياضة يوميا وتكثر من شرب الماء ,
انا كنت مثلك كل هذه الاشياء عرفتها وعرفت اضرارها , التخلص منها سهل واصلا سبب اللجوء اليها هو الفراغ والا ما لها داعي , الرياضة خاصة المشي لساعتين او اكثر يوميا وشرب الماء باستمرار يعالج اثار هذه السموم ,
ربنا معاك ياحبيبى, النصايح اللى أقدر أقولهالك هى إنك لازم تبطل سجاير لإن صحتك مش ناقصة, انت بتقول إنك بتخاف تنام لكن أنا أعتقد إن التوتر والقلق اللى انت فيه دة محتاج نوم كويس ونوم بدرى كمان بانتظام كل يوم لإن فى حاجات بيفرزها الجسم عند النوم وخصوصا مبكرا زى الميلاتونين بتهدى وأثرها جيد على صحة الإنسان بشكل عام, يعنى حاول تنام قبل الساعة 11 بليل كدة ويكون النوم فى حجرة مظلمة عشان الظلام بيساعد على افراز الميلاتونين. حاول تسمع موسيقى خفيفة وهادية, ممكن تشغل البرنامج الموسيقى فى الراديو بيجيب موسيقى خفيفة وكلاسيك. اشرب نعناع لإنه بيهدى وكركديه لإنه بينزل الضغط. ربنا يصلح حالك يارب.