مشاكل الارامل

انا ارملة ومرعوبة من تكرار تجربتي مع زوج امي

انا ارمله عندى 24 سنه وبحب جوزى الله يرحمه وكمان عندى ولد وبنت ومبسوطه جدا الحمد لله مش محتاجه راجل فى حياتى ومش عايزا المشكله فى امى عايزانى اجوز باى شكل خايفه عاليه وكده وانا رافضه تماما عشان امى زمان اجوزت واحد وجوز امى زمان كان بي بيحب يتقرب ليه وانتم عارفين الباقى المشكله انى فى صغرى تعبت من جوز الام والمشاكل واتبهديلت على الاخر لدرجه ان امى مبسوطه جدا عشان اكل كنت بادفع حق الاكل واتغيرت وانا خايفه على اولدى من اى حد غير ابوهم او اجوز واعمل زى امى انا مرعوبه بس انا مش باحس انى محتاجه للراجل فى اى حاجه وكمان انا بشوف اخبار حوادث كتير اب يغتصب بناته او جوز ام يغتصب ابنت مراته ممكن يحصل كده ممكن ترشدونى وشكرا

مشاكل وحلول ذات صلة

اضيف بتاريخ: Sunday, December 12th, 2010 في 16:41

كلمات مشاكل وحلول: , , , , ,

22 رد to “انا ارملة ومرعوبة من تكرار تجربتي مع زوج امي”

  1. ابوالبتول
    14/08/2018 at 16:49

    شوفي يااختي الحي ابقا من الميت وجوزك الله يرحمه توفي وانت في عزشبابك ومعك اولاد من الظلم انك تحرم نفسك من الحلال اللي شرعه ربنا لعباده الا وهو الزواج لو كنت انت المتوفية وزوجك حي فانه سوف يتزوج ولن يعيش بدون امراة تملا عليه حياته وتسعده امك معها كل الحق في كل ماتقوله لك في هذا الموضوع انت بحاجة فعلا للزواج ولرجل يسعدك ويشعرك بالامان والطمانينة والاستقرار في حياتك ويساعدك على تربية ابناءك ماهومطلوب منك ان تحسن الاختيار لهذا الزوج يكون على دين وخلاق ويخاف الله عزوجل ويقدر ظروفك ويقبل بوجود ابناءك معك والافضل يكون مطلق او ارمل مثلك عنده ولد او بنت وربنا بيكرمك ان شاء الله تعالى بالزوج الصالح في حياتك ويحفظ لك اولادك ويبارك لك فيهم ويسعدكم ويؤفقكم ويسترعليكنم في هذة الحياة

    قَـيّـم هذا الحل: Thumb up 0 Thumb down 0

  2. ابوالبتول
    23/08/2016 at 14:36

    اختي الارملة حرام انك تمنعي نفسك من الزواج مرة اخرى وانت لاتزال شابة صغيرة ومحتاجة لراجل يصونك ويحميك ويساعدك في تربية الابناء وامك معها كل الحق في ماتقوله لك اسمعي كلامها وتزوجي من ابن الحلال اللي يكن على دين واخلاق وسمعة حسنة واهله ناس كويسين ده هوالراي الصحيح اللي مفروض تعمليه ولاتكابري او تعاندي وتقولي انك رافضة فكرة الزواج خوفامما حصللك مع زوج امك وانت صغيرة ده شي راح وانتهي وانت امراة ارملة وشابة وجميلة والف من يتمناكي ياست العرائس عيشي حياتك مع الانسان اللي يصونك ويحترمك ويقدرالحياة الزوجية وربي يكرمك ويبارك لك في ولادك ويسعدك في حياتك القادمة

    قَـيّـم هذا الحل: Thumb up 0 Thumb down 0

  3. مجنون نسوان
    19/02/2016 at 00:34

    اختي الارملة الكريمة اتفق مع الاخ المسمى نفسه -مصري في الامارات – على كل ماقاله لك هوالراي الصائب والصحيح اتمنى انك تعمل به في حياتك وربي يسترعليكي ويبارك لك في ولادك ويعوضكم بكل الخير والفلاح والسعادة في حياتكم

    قَـيّـم هذا الحل: Thumb up 0 Thumb down 0

  4. fares
    25/04/2013 at 04:28

    والله انتى ست جدعة وربنا حا يعوضك اللى زيك مش كتير ربنا معاكى

    قيم هذا الحل سلباً او ايجاباً: Thumb up 5 Thumb down 0

  5. ابواميرة
    05/12/2012 at 09:54

    اختي في مثل شعبي بيقول ظل راجل ولاظل حيطة وانت ارملة في عزشبابك وولادك محتاجين لراجل يكون زي باباهم يراعيهم ويقوم على التربية معاك ذاكنت عايزه تتزوجي فدا من حقك ولكن فكري في مصلحة ولادك وربنايكرمك برجل صالح يعوضك انت وولادك عن ابوكم اللي مات

    قيم هذا الحل سلباً او ايجاباً: Thumb up 4 Thumb down 3

  6. ساره
    26/01/2012 at 04:03

    طالما انتي مش محتاجه لوجود راجل عاطفيا وقادره تكوني ام واب لاولادك فانتي اخترتي اختيار صح خصوصا انك كنتي ضحيه زوج الام في يوم من الايام انما والدتك فهيا خايفه عليكي وعلى مستقبلك نصيحتي ليكي خليكي على اولادك وربيهم كويس وربنا هيعوضك بيهم في الدنيا والاخره

    قيم هذا الحل سلباً او ايجاباً: Thumb up 9 Thumb down 1

  7. ناصح
    07/02/2011 at 16:21

    اولادك بالله عليكى اوصيكى بهم خيرا لو امك ما تسمعى كلام اى حد دول ولادك افهمى واكيد انت جربت حكاية زوج الام فلا تذيقها لاولادك بالله عليكى وانا احيكى على حبك لاولادك

    حل مناسب حسب التصويت. وانت ما هو رأيك? Thumb up 20 Thumb down 3

  8. جميلة
    05/02/2011 at 15:53

    انتى صح مائة فى المية بس ارجو منك لا تندمى عندما تكبرى وتحسى انك ضيعتى عمرك بدون رجل يكون سند لكى والله الموفق

    حل مناسب حسب التصويت. وانت ما هو رأيك? Thumb up 11 Thumb down 1

  9. زيزو
    05/02/2011 at 02:37

    بسم الله الرحمن الرحيم اختى الفاضلة امك قلقك عليكى فى هذا الزمان من مافيه ومانسمع فلو واجد انسان محترام يكون عل اقتناع مناكى انتى يعامل اولادك معامله حسنة كريمة فارتبطى بشرط حقهم لديكى يكون محفوظ واذا لم يكون الانسان غير موجود فى هذا الوقت فاولادك اولا بياكى لانهم ثمرة عمرك كلة وبالله التوافيق

    قيم هذا الحل سلباً او ايجاباً: Thumb up 6 Thumb down 0

  10. سماح
    01/02/2011 at 13:32

    اختي الفاضلة لانك فعلا فاضله والله انت الوحيده التي اثلجت صدري تفكيرك رائع وصدقيني اشجعك عليه الف مره بل مليون ديري بالك تضعفي امام امك ربي اولادك واحسني لهم وصدقيني لن تندمي وستفرحي بهم وباولادهم واياك والزواج مره اخرى

    قيم هذا الحل سلباً او ايجاباً: Thumb up 6 Thumb down 2

  11. مفكر
    10/01/2011 at 17:53

    السلام عليكم ….صراحه انت تفكيرك قليل من النساء يفكرو بيه وواضح جدا انك ست فاهمه وعاقله وربنا يوفقك ويحمي اولادك من كل مكروه ولاكن لا ضرر ان رزقك الله بزوج او انسان صالح مؤمن يخاف الله وهناك الكثير منهم يهتم بك وباطفالك على شرط ان يراعي كل الحققوق المشروعه التي تصب في مصلحة العائله …ومن الله التوفيق 

    قيم هذا الحل سلباً او ايجاباً: Thumb up 6 Thumb down 1

  12. Dr. Al-lol
    06/01/2011 at 10:31

    ليس الحاجة للزوج لامر جنسي فقط ولكن لاسباب اخرى وعليك باختيار الزوج الصالح والسوال عنه جيدا وعن اخلاقة وعن بيئته التي تربى فيها ففي الزواج عفه

    حل مناسب حسب التصويت. وانت ما هو رأيك? Thumb up 9 Thumb down 0

  13. العم دهب المصرى
    21/12/2010 at 12:11

    اختى الغالية
    الله يحفظ ابنائك من شر مصائب الدنيا ويارب تفرحى بيهم
    الناس معادن فيهم الرخيص وفيهم الغالى انتى شابة محترمة ولابد لك من الزواج فهو يعصمنا جميعا من الفتنة المهم تختارى زوج صالح يخاف الله نعم يخاف الله قولا وعملا وفعلا يخاف عليكى وعلى ابنائك يعتبرهم ابنائة ويكون مشهود له بالاخلاق الحميدة ويكون من اصل طيب وصدقينى هناك رجال كثيرين يخافون على اى بنت فى الشارع وهى ماشية وان رأى شاب يعاكسها ممكن يموت نفسة علشانها اختارى الزوج الذى قهوتة هى المسجد ولهـوة وفرحة قرأة القرأن وهديت لكى ان يجعلكى تتقربى من الله اكثر واكثر يكون سند لكى فى الدنيا لطاعة الله وفى الكبر يكون الزوج والرفيق وفى الاخرة يسعدك بفوزك بالجنة لانة كان سببا فى مساعدتك لتربية ابنائيك وهديك وهديهم الى طاعة الله
    لاتتعجلى ولاتخافى وادعى الله ان يهديكى الزوج الصالح الذى يساعديك على التقرب الى الله زوج يريد الاخرة
    ولايريد الحياة والمتعه الجسدية وان شاء الله سيوفقك الله لزوج صالح يحبك وابنائك ويخاف الله فيكم جميعا ويعبر بكم الى بر الامان ان شاء الله وتحياتى الى ابنائك واليكى حفظكى الله واياهم من شر مصائب الدنيا
    عمك / دهب المصرى

    قيم هذا الحل سلباً او ايجاباً: Thumb up 6 Thumb down 0

  14. مصرى بالامارات
    13/12/2010 at 12:17

    السلام عليكم ورحمة الله وبركاته

    أختى الكريمه أود أن أثنى على اهتمامك بأولادك وأخلاصك لزوجك بعد مماته وأدعوا الله سبحانه وتعالى أن يعيبنك على حسن تربية أولادك
    أما بالنسبه لرأيى فى مشكلتك مع انى ارى انها ليست بمشكله لانك اوجدتى الحل المناسب لنفسك فمن سياق كلامك انكى لستى بحاجه إلا أى رجل فى أى شىء فلو كنتى قولتى غير ذلك لكنت ارشدتك الى الزواج بسرعه ولكن ما دمتى لا تشعرين بالحنين الا مثل ذلك فلكى تلك البشره السعيدة من رسول الله صلى الله عليه وسلم فعنه أنه صلى الله عليه وسلم قال (أنا أول من يفتح باب الجنة إلا أني أرى امرأة تبادرني ، فأقول مالك ومن أنت ؟ تقول أنا امرأة قعدت على أيتام لى) فيا لها من مكانه ويا لها من منقبه تخيلى أنكى تزاحمين رسول الله فى دخول الجنه بسبب مكوثك على تربية أولاد

    ولكن إذا أحسستى بالرغبه فى الزوج فلا حرج من ذلك ولكن عليكى بحسن الأختيار حتى لا تندمى فيما بعد

    وفى النهايه أدعوا الله العظيم رب العرش الكريم أن يهديكى طريق الصواب (أمين)

    قيم هذا الحل سلباً او ايجاباً: Thumb up 5 Thumb down 1

  15. ateek
    13/12/2010 at 02:16

    اولادك اهم ربيهم كويس وهما ها يكونو احسن من اى شىء اخر

    قَـيّـم هذا الحل: Thumb up 1 Thumb down 1

  16. بدر البدور
    12/12/2010 at 23:58

    اختي الفاضله انا نونا من مصر بدعي لك ان ربنا يصبرك علي ما انتي فيه وبقولك اذا كنتي تقدري تعيشي بدون رجل وتكوني واثقه من قرارك وتكوني قادرة علي متطلبات الحياة فالله يعينك ويساعدك لانك مالكيش ذنب في انك تكوني ارمله وهذا قدر الله واذا كنتي غير واثقه من قرارك او ممكن يتزعزع بعد فوات العمر وتكبري يبقي احسن لكي البحث عن زوج مناسب وقبل كل شئ تضعي له شروطك ويشهد عليها رجلان من عائلتك وعائلته ولاتنسي ان الحياة صعبة مش زي ما انتي متصورة لانني خضت تجربه مثل تجربتك او شبيهه لها واتغربت من اجل اولادي للبحث عن مال لكي اغطي متطلبات الحياة فعليكي يا اختي الفاضله التريث والتفكير جيدا قبل اتخاذ لي قراروالله يوفقك وينور بصيرتك علي ماهو خير لكي ولاولادك.. ( اختك نونا / مصر )

    قَـيّـم هذا الحل: Thumb up 0 Thumb down 0

  17. ♣♥♣ فارس ♣♥♣
    12/12/2010 at 23:46

    مهم جدا اختى تتزوى لو وجد الشخص المناسب 24 سنه يعنى دى قمه الانوثه متقوليش مش محتاجه لراجل بالعكس بمرور الايام هتعرفى انو وجود راجل بحياه الست مهم جدا لابعد مدى مامتك مش هتدوملك ولا اى انسان هيدوملك غير ربنا اعتمدى على الله واحسنى اختيار الزوج المناسب الى يكون زوج حنون واب مخلص لابنائك وشكرا

    قَـيّـم هذا الحل: Thumb up 0 Thumb down 0

  18. حل
    12/12/2010 at 19:30

    ارملة
    ما حدش يقدر يغصبك علي حاجة انت مش عاوزاها
    اذا فكرت في الزواج
    اخدي قرارك بتمهل وبشرط ان يكون الرجل معاه بيت
    اكرر الراجل معاه بيت … وبيت المرحوم لبنتك وولدك في المستقبل
    الراجل ما بجيش لوحدو … بيجي معاه طلباته وخدماته و اهله
    امك حا تفضل تزن عليك
    الزواج مش عيب ولا حرام بس بدون اكراه
    اكيد في ناس كلمو امك بخصوصك او هي في بالها حد او بتجس فيك
    صحف الحوادث تنشر الاخبار المثيرة علشان تبيع
    مش كل الناس كده…. الاغلبية مش كده والا كان سمعتي مش اقل من عشرة الف خبر مماثل
    انت اذا اخترتي اختاري اللي يخاف ربنا ومش محتاج سكن او معاش المرحوم
    ربنا يوفقك لما فيه الخير

    قَـيّـم هذا الحل: Thumb up 3 Thumb down 0

  19. واحد وخلاص
    12/12/2010 at 17:28

    يا اختى ربنا يصبرك على فقد زوجك انتى فكرتينى بمراتى لما اقولها لو موت هتتجوزى تقولى انتم الرجاله اللى بتعملوا كدة يعنى مراتك تموت تروح تتجوز واحدة تانية انما الستات لا يا اختى لو هتقدرى لوحدك تربى اولادك من غير ما تحتاجى انسان تختارية بعناية يكون اب لاولادك فربنا يوفقك انما مش هتقدرى فعليكى بالزواج من شخص كويس كما قلت من قبل واهم حاجة خلى بالك من نفسك واولادك انتى عارفة الناس وربنا يبعد عنك كل مكروة ويقويكى ويصبرك على بلواكى

    قَـيّـم هذا الحل: Thumb up 1 Thumb down 0

  20. nana
    12/12/2010 at 17:26

    انا اولا بحيكى جدا على وفائك لزوجك الله يرحمه انا من رايي طالما انك مش محتاجه لاى رجل ومرتاحه ماديا من راي متجوزيش واقنعى مامتك بعدم الكلام فى الموضوع دة يا عالم ممكن فعلا يحصل لبنتك حادثه زى الحوادث ال بتحصل ولول فى يوم حبيتى تتجوزى صلي صلاة استخارة كتير اوى قبل ما توفقي وال هتحسي بيه اعملى وشكرا ربنا يوفقك ويعينك

    قَـيّـم هذا الحل: Thumb up 1 Thumb down 0

  21. الصريح
    12/12/2010 at 17:22

    عزيزتى هل لكى رغبة فى الزواج ام لا هى دى القضية اذا كان ليكى رغبة
    فأن تقدم لكى شخص مناسب ويستحمل اولادك يبقى مفيش مشكله لان اولادك هيكونو فى حضنك انتى
    وبعدين الدنيا لسةبخير
    ربنا يوفقك بالخير

    قَـيّـم هذا الحل: Thumb up 0 Thumb down 0

  22. النبيل شارل
    12/12/2010 at 17:05

    اختي الفاضله لا ادري ما سبب قلقك انتي حين تختارين من سيكون زوجك لك خصوصا انكي صغيرة في السن من المؤكد انك سوف تراعين تدينه وسمعته وعلاقته بأهله ضعي شروط في من سيكون زوجك ولا تقللي من قيمتك كونك ارمله فتلك ليست غلطتك اسأل الله ان يسعدك

    قيم هذا الحل سلباً او ايجاباً: Thumb up 5 Thumb down 0

اترك رداً أو حلاً لهذه المشكلة