مشاكل الازواج

بيت العيلة عايزة اتطلق

انا متجوزة سنتين ونص ف بيت عيلة عندي ابن وجوزي وحيد وعنده ٣اخوات وامه ارملة مطلعين عيني عزلت وبعدت عنهم اتجننوا اكتر تلقيح وبيضايقوني ف الطلعة والنزله اشتكي لجوزي مفيش فايدة شخصيته ضعيفة معاهم اخر مشكلة لقيت حماتي بتكسر عليا الباب س ٨ الصبح اتسرعنا انا وابني وبتسال عن ابنها فتحتلها دخلت تدور عليه ف اوضة نومي وف الشقة كلها بدون ادني مراعاة لخصوصيتي جالي اسهال طول اليوم م الخضة شكيت لجوزي ولا عبرني ومش اول مرة تعملها يقولي دي امي اعملها ايه والله انا مش عايزاه يخانقها انا عايزاه يفهمها ان كدة مينفعش ده غير عمايل اخواته نفسي ف بيت برة مش راضي ولا راضي يعملهم حدود اعمل ايه انا حاليا ف بيت اهلي

مشاكل وحلول ذات صلة

اضيف بتاريخ: Monday, April 30th, 2018 في 18:05

كلمات مشاكل وحلول: , , , ,

3 رد to “بيت العيلة عايزة اتطلق”

  1. رجل اربعينى
    01/08/2018 at 11:59

    طبعا حقك فى الخصوصيه مشروع
    لكن موقف زوجك صعب خاصه انه ابن وحيد يعنى راجلهم وميقدرش يسيب البيت ويشوفلك سكن خاص
    لانه هيبقى مشتت بين امه واخواته من ناحيه وزوجته وابنائه من ناحيه اخرى
    لذا الحل هو محاوله اقناعه بالخصوصيه فى منزلك عن طريق شخص عاقل وله تاثير على زوجك سواء من اهلك او اهله

  2. ابوالبتول
    01/05/2018 at 12:11

    اختي سبب المشكلة هو في ضعف شخصية جوزك امام اهله ومسلوب الارادة وعجزه عن منعهم من تدخلاتهم المستمرة في حياتكم الزوجية بصريح العباراة جوزك مش راجل ولايقدر على حمايتك وصون كرامتك ومش بعيد اذا طلبت منو امه ان يطلقك فسوف يفعل ماتقول له الموضوع خطير جدا ويجب تدخل اهلك فيه اما ان يكون لك بيت مستقل عن اهله وده حق من حقوقك شرعا كزوجة له وام لابنه او الطلاق هو الخيار الافضل لك لاجل صون كرامتك وربنا يصلح حالكم ويسترعليكم

  3. كريم نور
    01/05/2018 at 09:01

    انا شايف الموضوع عادي لما امه تدخل دور ع ابنها غريبة يعني هتستاذن منك يعني بس ممكن هي مش متعلمة ومش قادرة تبقي لينة شوية بس دا دورك تحسسيها انها امك تقللها ياماما وتضحكي عليه بكلمتين كل يوم هتحبك وهتافع عنك من ولادها بس هي مش شايفة فيكي دا علشان كدا حاسة ان كله جاي عليكي بالعكس دي حالة نفسية بتوهمي نفسك بيها ومتحاوليش كل شوية تشكي لزوجك من امه مهو ميفعش يخصر حد فيكم وممكن يكون بيعاتها من وراكي مش لازم قدامك مهما كانت دي امه وابوه متوفي ف حجاتا انتي مش عارفاها وزوجك اكيد عنده حكمة …انا شايف انه وضع طبيعي بلاش تكبري الموضوع وتعملي تفرقة وتكرهيهم فيكي افتكري ايام الخطوبة وكنتي بتعامليهم ازاي

اترك رداً أو حلاً لهذه المشكلة