مشاكل الازواج

خسرت كل شىء كل حياتى بسبب تصرف اهلى

انا مشكلتى كبيرة جدا وعايزة حد يفهمنى انا صح ولا غلط انا عندى 29 سنة متزوجة من 12 سنة زواج قرايب وكان غصب عنى اهلى مرضيوش بالى كنت بحبة عشان كان لسة بيسبتدى وانا كنت صغيرة بردو استعجلو عليا وجوزونى عندى ولد عندة 11 سنة بعد سنين عذاب اخير حصل طلاق وبعد طلاقى كان حلمى اكمل تعليمى اهلى رفضو فقولت اشتغل اصرف على نفسى وعلى ابنى فاشتغلت فى شركة بعد دورات لغة وكمبيوتر اتقدملى ناس كتير
بس كان حلمى اتجوز واحد بحبة مش واحد كدة وخلاص بعد فترة اتقدملى الشاب الى كان متقدملى الاول اهلى رفضوة تانى المهم الشركة الى كنت فيها كان ليها شريك عربى المهم فضل 2سنتين يتقدملى وانا ارفض لحد ماحصل حالة وفاه عندة وجة اتعرف على العيلة وطبعا كنت برفض من بعيد لكن بعد ماشافهم وعرف سكتهم اتقدملى تانى ووافقو بدون تفكير رغم انهم مش طماعين بس قالو انة هيريحنى رفضت وقولت لاء هتجوز الى بيحبنى من الاول ومش هاخد واحد متجوز وعندة عيال وفعلا اتفقت انا وحبيبى دا على الجواز وروحنا للماذون واتفقنا وقولتلهم انى عايزة جريو اتصلو على العربى دا وقلولو جة فى يومها ومعها الموظف وكتبو العقد قدامى وانا مش قادرة اتكلم لانهم لمو العيلة وكان صعب النى اعمل فضيحة قدمهم وطبعا خطيبى خد القلم على وشة واتجوز فى اسبوع وانا روحت قعدت فى اوتيل مع جوزى الى اتجوزتة غصب عنى للمرة التانية المهم انى عشت معاه غريبة عنة وغريب عنى وبعدين اجرلى شقة وفرشها باحدث عفش وبعد كدة عاش معايا كام يوم وبعدين رجع لاهلو المهم بقى يجيلى كام يوم فى السنة يتابع شغلة وناسى ان فى انسانة محتاجة لجوزها وكان نفسى اخلف وهو موافق بس انا خفت ولما قولتلة الكلام دة زعل وبقى ميسالش عليا بالشهور ولا يبعتلى فلوس واطريت انزل شغل علشان امارس حياتى عرف فتصل بيا ورمى عليا يمين طلاق وبعدين نسيتة ومن خيبتى علشان معرفش حد خليت المحامى بتاعة يرفعلى قضية طلاق
بعدين كنت بسال ويقولى لسة الموضوع بياخد وقت اتارية بيكدب عليا المهم صاحب الشركة الى اشتغلت فيها بعد سنة من شغلى معاه وهو عادى جدا وانا كنت بتابع شغلى بدون اى شىء وكنت نسيت اصلا انى متجوزة وهو عارف كل شىء عنى من صاحبتى الى جابتلى الشغل المهم هو شاب متجوزش قبل كدة كزا مرة سالنى عملتى اية فى القضية وبقيت ارد علية عادى ومش فى ضميرى حاجة لحد ماا جالى عريس وكلمة فلقيتة بيكلمنى فى موضوع انة عايز يتجوزنى وانا سيبت للشغل علشان انا كنت معجبة باخلاقة جدا وكنت خايفة اعجابى يتحول لحب وانا على ذمة راجل اى نعم مش معايا بس انا لسة ماخدتش الى يثبت وفعلا حسيت انى بحبة وهو كان بيحبنى فى صمت المهم روحت للمحامى وكلمتة لقيتة بيقولى الحقيقة لان ضيع من عمرى سنتين بدون اى فايدة غير 3 سنين مع واحد انانى ففهمنى الحقيقة وانا حاسة انى مخبوطة على راسى وبعد السنين دى راجع يقولى بحبك ومحتاجك معايا هناك كان فين وانا فى عز احتياجى لية كان بيقفل التيلفون فى وشى عايز ياخدنى فى بلد ماليش فيها حد واسيب اهلى وابنى هنا ودلوقتى غصب عنى بحب فى صمت من غير ماابوح للى بحبة وهو بيحبنى فى علن وراح كلم اخويا وقالو انهم يتصرفو فى مشكلتى اخويا الوحيد الى حاسس بيا انا بجد مش عارفة انا حاسة انى خسرت كل شىء كل حياتى بسبب تصرف اهلى وسرعتهم الله يسامحهم والله تعبانة انا نفسى الاقى الى يحس بيا جاوبنى بدون ماحد يظلمنى

مشاكل وحلول ذات صلة

اضيف بتاريخ: Monday, May 21st, 2018 في 19:38

كلمات مشاكل وحلول: , , , , , , ,

3 رد to “خسرت كل شىء كل حياتى بسبب تصرف اهلى”

  1. ابواميرة
    19/04/2020 at 17:27

    ماعنديش كلام أقوله لك غير كلام -البرنس -أبو البتول – واتفق معهم في كل ماذكروه لك أتمنى انك استفدت من كل ماحدث لك واخذت منه العبرة وربنا يستر عليك ويؤفقك ويصلح حالك

  2. البرنس
    30/07/2019 at 23:26

    موضوع زواجك من الاول دون رضاكي ده مخالف للشرع ويعتبر زواج بالاكراه وهو غير صحيح اما زواجك الثاني من الرجل العربي فهو تم برضاكي وموافقة اهلكي لكن هل طلقك فعلا ام المحامي كذب عليك فان كان طلقك فعلا وعايز يرجع لك فلازم يكون بعقد جديد ومهر جديد وبرضا وموافقة منكي ام اذا كان لم يطلقك ولم تحصلي على ورقة طلاق منه فهو لايزال جوزك ومن حقه يرجعك وانت ربما تجهلي حكم الشرع والقانون في مثل هذة الحالة فانصحك بالرجوع الى احد مشائخ الدين وهو يقولك الفتوى الشرعية في هذة المسالة وان كنت انصحك بعدم الرجوع الى ذلك الشخص اللي تركك معلقة طوال 3 سنوات وماسالش فيك واحسن اختيارك الجيد للزوج في المرة القادمة ولاتنخدعي بالمظاهر والثراءالفاحش المهم يكون الزوج على دين وخلق ويخاف الله ويقدر الحياة الزوجية وربنا يؤفقك ويسترعليك

  3. ابوالبتول
    21/05/2018 at 23:00

    شوفي يااختي شرعا لايجوز اجبارك على الزواج من شخص لاترغبي فيه زوجا لك واهلك عليهم ذنب كبير في زواجك من هذا الشخص دون رضاك او موافقتك عليه وكثيرا من العلماء قالوا ان زواج االاكراه باطل شرعا ولايصح وانت الان لست قاصر علشان اهلك يتحكموا فيك ويزوجوك على حسب هواهم لازم يكون الراي الاول والاخير لك انت وحدك فدي حياتك وليس لهم التدخل في فرض الزواج عليك بمن يشاؤو اما مسالة ان الرجل العربي عاوز يرجعك لعصمته فهل طلقك في الاول ام انه تركك معلقة فهناك اختلاف في الحالتين فان كان طلقك فعلا فلايجوز لك الرجوع اليه الا بعقد جديد ومهر وصداق يدفعه لك وبرضا منك وموافقة على الرجوع اليه اما ان كان لم يطلقك وانت لاتزال على ذمته فمن حقو ارجاعك ان اراد ذلك ولاانصحك بالرجوع اليه مهما كانت الاسباب يكفي ماجرى لك منه طوال تلك المدة اللي تركك فيها اطلبي الطلاق منه فورا عبر المحكمة واستردي كافة حقوقك منه وربنا بيكرمك ويعوضك بالزوج الصالح اللي يخاف الله عزوجل ويقدر الحياة الزوجية ويصون مشاعرك ويسعدك طوال عمرك ارجو ان تحسن الاختيار للزوج في المرة القادمة واهم شئ يكون على دين وخلاق ومحترم ويتحمل اعباء ومسوليات الحياة الزوجية وربنا يؤفقك ويسترعليك ويكرمك انت وكل اخواتنا المسلمات

اترك رداً أو حلاً لهذه المشكلة