مشاكل الازواج

طالما بقيتى أم يتحكم عليكى بالتعاسة الأبدية

ليه المراة لما تشتكى تعاستها مع زوج أنانى مش شايف الا حقوقه وبس!وأول ماتذكر انها لديها تلاقى هجوم انها مينفعش تتطلق وييحكمو عليها بالتعاسة الأبدية علشان كل ذنبها انها أنجبت!!!
انما الزوج يتجوز عليها براحته مرة واتنين وتلاتة وسلطان زمانه مستمتع بحياته انما هى مجرد خدامة لأولاده حتى لو تعيسة مينفعش تطلق وتتجوز من تانى شخص يعوضها وتعيش سعيدة مثلها مثل باقى الزوجات السعيدة ده فى شرع مين ؟؟
اعذرونى انا ملقتش حد افضفض معاه غيركم كل ال حوليا رافضين حتى انهم يسمعو ا مدى تعاستى مع واحد انانى عايش حياته بالطول والعرض وانا مجرد خدامة بربى العيال علشان كل ذنبى انى خلفت منه ولد وبنت محرومة من الحرية والطلاق وعايشة تحت رحمته وكل ال حوليا فى صفه انه رجل يعيش براحته وانا اعيش لأولادى وبس ياريت تريحونى هل هذا من عدل؟؟

مشاكل وحلول ذات صلة

اضيف بتاريخ: Saturday, February 2nd, 2019 في 01:10

كلمات مشاكل وحلول: , , ,

5 رد to “طالما بقيتى أم يتحكم عليكى بالتعاسة الأبدية”

  1. أنا التعيسة صاحبة المشكلة
    04/02/2019 at 21:32

    أشكرك على النصيحة الآخ pace الله المستعاان ادينى اهو بمشى الآيام زى ماهى ماشيه
    وبضحى علشان ولادى وهرضى انى اكون معلقة مدى الحياة
    وهحاول اطلعه من حياتى

  2. Peace
    04/02/2019 at 09:53

    شوفي اللي انتي بتحكيه ده موجود في رجاله كتير اوي وده بيكون طبع زفت.لكن انا هقولك علي حاجه وانتي ليكي حريه الاختيار.المراه دائما بتحب العطف والحنان في أوقات كتيره.والراجل كمان بيحب الحنان في أوقات كتيره.لكن من حكايتك باين عليكي انك مش منظمه حياتك حاولي اخر مره وجربي يمكن ينفع ظبطي نوم اولادك وخلي في مواعيد يصحو ويناموا فيها وبعد كده ابداي خدي بالك من نفسك والبسي ونيك اب وما تفكريش ولو نظمتي حياتك هتحسي والله بفرق كبير ما تخليش الدنيا سوده انا عارف ان حياتك ميؤس منها بس عشان خاطر نفسك واولادك جربي التنظيم في حياتك وكبري دماغك منه وهقولك علي الفائده من الاخر ما تديلوش اهتمام خالص وحاولي تبقي دائما واخده بالك من نفسك لنفسك وكل ما تخلي بالك من نفسك وتنظمي اولادك هو هيحس غصب عنه والحياه كلها تضحيات واللي انتي بتعمليه مع اولادك ده ربنا اللي قال عليه مش الناس اللي بتفرضه عليكي اهدي كده وغيري من نفسك لنفسك وانسيه شويه وخلي كلامك معاه علي قد السؤال واكيد هيحس جربي ومش هتندمي والله وربنا يعينك ويوفقك.

  3. زمن الجهل
    03/02/2019 at 00:18

    يا أخ {أبوالبتول} أنا لا أعترض على شرع الله استغفر الله ربنا من كرمه علينا جعل لنا القرأن الكريم شفاء من أى داء أو هم يواجهنا فى هذه الحياه
    ولكن مش كل الرجال عند التعدد بتعدل ويعامل الزوجة الثانية مثل الآولى والا مكنش اتجوز غيرها من البداية لوكان يحبها!!
    وكمان انا استشارتى كانت فى نطاق معين وهو ان الرجل طالما الزوجة انجبت منه يحرمها الطلاق
    وكمان لو كان معندهاش دخل بيزلها ويعمل ال هو عاوزه ويتجوز عليها ولو حبت تشتكى حتى للأهل أو حتى اشختص اخرى يهاجموها ويطلبو منها انها تعيش لولادها وبس
    وكمان لما يكون هادرها وملهاش اى لزمة عنده ولو طلبت الطلاق يرفض وكمان مينفعش تخلعه علشان هاتتحرم من حقوقها هى وعيالها لانها معندهاش دخل يبقى بكده بيبيع فيها ويشترى ولا لا؟؟وهو كده انانى ولا لاء؟؟
    صدقنى أنا بقول كده من ضيقتى وأنى مغلوبة على أمرى

  4. ابوالبتول
    02/02/2019 at 22:26

    يااختي اذا كان زوجك يخونك او يعاملك معاملة وحشة ويقصر معاك في الحقوق الزوجية فالاسلام اباح لك طلب الطلاق منه لترفع الضر عن نفسك وتصوني كرامتك وحقوقك اما اذا كان الزوج يعاملك معاملة كويسة ومش مقصر معاك في شئ فليس من حقكي طلب الطلاق لحديث الرسول عليه الصلاة والسلام – ايما امراة طلبت الطلاق من زوجها من غير باس فتحرم عليها رائحة الجنة- اتقي الله عزوجل في نفسك وفي زوجك وبناتك ومسالة ان الرجل يحب التعدد في الزوجات فهذا شرع ربنا عزوجل الذي احله الله للرجل شريطة العدل بين الزوجات فكيف تخالفين شرع الله فاضرب لك مثلا اذا كان زوجك عنده طاقةوغريزة جنسية قوية وانت لاتقدري ان تلبي له رغباته اليس من حقه الزواج بالحلال اما تريديه ان يقع في الحرام ويخونك فكوني عاقلة وفطنة ولاتخرب حياتك الزوجية او تفسديها واحمدي ربك انك متزوجة وعندك زوج واولاد وبيت غيرك من النساء والبنات محرومات ويتمنين هذا

  5. تعبت منك
    02/02/2019 at 02:41

    ريحى دماغك وارميلو عياله وعيشى حياتك زيه
    ده جزاء كل رجل أنانى وندل
    بيستضعف الست ويستغلها فتربية العيال وهو يعيش مقضيها لنفسه يبقى ترميلو العيال وتخليه يربى هو ويشيل مسؤليتهم
    وانتى اتجوزى واحد يسعدك وعيشى حياتك زيه

اترك رداً أو حلاً لهذه المشكلة