مشاكل الازواج

زوجي غلط كثيرا فى اهلى وسبهم بأقذر الالفاظ

السلام عليكم أخوانى واخواتى فى الله لاننى اعتدت على تعاونكم معى فى حل مشاكلى اعذرونى هتعبكم فى التفكير معى

انا صاحبة مشكلة {انا زوجة معلقة مظلومة ؟؟ ام ظالمة معاقبة} ياريت تقرأوها لتتفهمو مشكلتى
وكنت عايشة مستحملة وصابرة من اجل بناتى كما نصحتونى ولكن الوضع تطور للاسوء وطاقتى نفذت ومش قادرة اتحمل زوجى مش سايبنى فى حالى مع انه هاجرنى تماما الا انه يمنعنى الخروج وصبرت وطول الوقت طولة لسان وطولة ايد وبردو صابرة ولكن من يومين اختلق مشكلة من الهوا بحجة انه علم اننى أستيقظ من نومى بدرى فى الصباح الباكر عكس مايعلم اننى استيقظ متاخرا صار كالمجنون واصبح يتساءل اسئلة مستفزة انتى صحية ليه يبقى قاعدة على النت يبقى بتعملى حاجة غلط واتهامات مستفزة هو اصبح شكاك اكثر من الداعى وانا كنت صابرة بقول لنفسى ده ثمن غلطى السابق ومع الوقت هايحس انى ندمت و عمرى ماهغلط واعيد ثقته بيا وعايشة لبناتى ؛ ولكنه مازل يضغط عليا سيصلنى للاتفجار
و كل غلطى اننى صنعت ايميل دون علمه وكانت الرجال تعلق على منشوراتى فقط ولا بنيت علاقة مع احد ولا حبيت احد وشرحتله كده ولايصدق وماسكهالى زلة

المهم زى ماقولت لكم المشكلة هى ان من يومين اختلق مشكلة علشان عرف انى صحيت بدرى واتصل بيا وقالى كلام جارح كتير مفيش واحد تستحملة حتى لو كانت عاهرة وبردو فضل يستفزنى بموض ع الايميل وزلنى

انا قررت انى اذهب لاشخاص من اهلى واطرح عليهم المشكلة لحلها وهطلب الطلاق واعرفهم انى مش قادرة اتحمل كل هذه الاهانات ولكم خايفة اوى من حكاية الخيانة اللى ماسكهالى زلة انا من النوع اللى بيرتبك ومش بعرف ارد عندما اتحرج وسكوتى ده بيخلى ال قدامى يعتقد انه اعتراف مهما اتهمنى بيصدق لاننى بصمت وبرتبك
عاوزاكم تفكرو وتساعدونى لو فتح موضوع الخيانة امامهم وزلنى هرد اقول ايه علشان اظافع عن نفسى واوصلهم ازاى انى مكنتش اقصد اغلط
يعنى مثلا لو قولت انى عملت كده انتقام منه ولكننى مغلطتش ولا بنيت علاقه مع احد؟؟
ولا اقول انى لجات لهذا بسبب جرحى منه واهماله ليا وهجرى ولا كده ابقى بعك وبأكد الخيانة

علما انى مقدرش أنفى الاتهام لان هذا الفعل سيجعله يعتقد اننى كاذبة فكل شئ قولته من قبل ودافعت به عن نفسى

ماذا عليا ان افعل.؟؟

وهل ابوح لهم بهجرى وتعليقى وعدم صبرى ؟؟

وهو غلط كثيرا فى اهلى وسبهم بأقذر الالفاظ عليا ان اخبرهم

مشاكل وحلول ذات صلة

اضيف بتاريخ: Wednesday, February 13th, 2019 في 16:45

كلمات مشاكل وحلول: , , , ,

3 رد to “زوجي غلط كثيرا فى اهلى وسبهم بأقذر الالفاظ”

  1. البرنس
    06/08/2019 at 14:24

    شوفي يااختي طالما انك واثقة من نفسك ومن دينك وخلاقك فلا تهتمي لكل مايقوله هذا الزوج عنكي هو عايز حجة عليكي من اجل يعمل معاك مشاكل وخناقات وفي الاخر يطلعك انت الغلطانة قدام اهلكي ويقول لهم انك كدا وكدا ارى انك تلغي حسابك على النت نهايا ولاتجلسي على النت لفترة طويلة حتى تشوفي هل جوزك تغيرت معاملته لك وبطل يشك فيك فان كان فعلا حصل فده هو المطلوب والمتامل وان ظل على عادته القديمة من الشك والظن فيك واستمر في اساءته ومعاملته معك فساعتها تقدري تخبري اهلك بكل شئ وتقول انه يهجرك ولايعطيك حقك من المعاشرة ويتلفظ عليك وعلى اهلك باقبح الالفاظ ومن حقكي طلب الطلاق منه ولاحد يلؤمك في هذا

  2. كريم نور
    14/02/2019 at 09:37

    ع فكرة جوزك طبيعي بس ممكن جزء من تصرفاتك خلته يشك فيكي وانتي ذكرتي نقاط انك عملتي صفحة وفي شباب بتعلق طب ليه كل دا … احنا مش ملايكة لانتي ولا هو بس انتي كنتي لازم تثبتيله انك بتحبيه ومتعمليش حاجة بدون علمه علشان يثق فيكي ..الشيطان شاطر والدنيا مليانة مشاكل.. اتكلمي بهدوء مع زوجك وبلاش تكبري الامور وقليله انا بحبك وبتقي ربنا فيك وعمري ماغلط لاني عارفة ربنا كويس وقليله لو مش واثق فيا سبني بس بهدوء بدون عصبيه وبلاش اهلك والموضوع يكبر المشاكل لم تطلع بره البيت بتطول والنفوس مش بتصفي زي الاول

  3. صىاحبة المشكلة
    13/02/2019 at 18:30

    ارجوكم حد يرد عليا ضرورى
    انا رايحة غدا عند اهلى ومحتاجة مساعدتكم وافكاركم

اترك رداً أو حلاً لهذه المشكلة