مشاكل الازواج

غياب زوجى طمع الناس فيا

انا متزوجة من 3 سنين وعندى 28 سنة تزوجت زواج تقليدى جدا وكان غصب عنى ولكنى بعد الزواج احببت زوجى جدا ولكن مشكلتى ان زوجى مسافر يعمل فى بلد اخر ومينفعش ان ياخذنى معة علشان العيشة هناك مكلفة وهو يسكن مع اصحابة فى سكن عزاب وانا من يوم ماتجوزتة خلال الثلاثة سنين شوفتة 67 يوم فقط وانا عايشة مع اهلى فى البيت وسايبة بيتى وطبعا فى خروجى ودخولى الناس طمعانة فيا ودايما بلاقى الف واحد يرمى ويستظرف بس انا بعرف اوقفهم عند حدهم المشكلة انى تعبت وحدة واهلى بيقولو استحملى ولسة فاضل على عقده خمس سنين كمان ياترى هقدر اصبر خمس سنين اشوف زوجى ايام فيهم بصراحة مش قادرة وكل مااقولة فى التيلفون وحشتنى يقولى ماهو انا ببعتلك فلوس ومصاريف اقولة سيب الفلوس على جمب يقولى طب مانتى كنتى عارفة انى هسافر طب هو قالى انة هياخدنى بعد اول سنة لكن دلوقتى فات 3 سنين وانا تعبت محتاجة جوزى معايا نفسى اجيب طفل وهو رافض انى اشتغل طب قولولى اعمل اية لما اكلمة فى اشتياقى لية وانى تعبت من فراقة يقولى انتى انانية ومش بتحبى غير نفسك ويزعل ويخاصمنى ميكلمنيش ولو كلمتة يقولى طبعا مانتى اكيد عايزة حاجة اقولة انا مش عايزة حاجة غيرك يقولى بطلى بقى كلو عايز فلوس مع العلم انة كان متزوج قبل كدة وعندة اولاد ومنفصل عنها وانا بقول فى نفسى هو هيفكر لية فيكى وفى الاولاد هو عندة ومش محتاج وكمان ولادة معاه فى نفس البلد يعنى مش محتاج شىء ووالدتة قاعدة عند اختة معاهم فى نفس البلد يعنى مالوش غيرى هناطب هايجى لية بقى وكل دا ويقولى انانية انا بصراحة تعبانة هل انا صح ولا غلط هو انانية انى احتاج جوزى جمبى انانية انى عايزة اجيب طفل يشغلنى ياناس ياهووو حد يرد مين الى الانانى بس واهلى عليهم بس استحملى الراجل مش مقصر معاكى مش مهم الفلوس مش مهم اى شىء المهم هو فين انااعمل اية دلونى ياناس اية

مشاكل وحلول ذات صلة

اضيف بتاريخ: Wednesday, February 20th, 2019 في 04:17

كلمات مشاكل وحلول: , , , ,

2 رد to “غياب زوجى طمع الناس فيا”

  1. البرنس
    22/08/2019 at 01:14

    انت عبيطة وعلى ناياتك احتمال كبير انه مش مطلق مراته الاولى او انه رجع لها وعايشين معا بعض وهو والدته واخواته واولاده كلهم معاه وانت اخر من يعلم مستنيه ايه ياهانم ماتقولي لااهلك كل حاجة عشان يشوفوا لكي حل مع البني ادم ده اما يكون راجل ويتقي الله فيكي ولا بناقص منه ياستى خليه يغور في داهية وانت الف من يتمناكي تلاقي نصيبكي مع ابن الحلال اللي يستاهلكي ويقدرمشاعركي ويسعدكي العمر كله

  2. Peace
    22/02/2019 at 17:41

    إنتي حليتي مشكلتك بايدك.اولاده جنبه ووالدته يعني إنتي احتياطي هقولك من الآخر الكلام اللي ما حدش هيقولهولك. ممكن يكون رجع لزوجته وبيقولها إنه طلقك. وانتي علي نياتك وبعيده وعارف انك عمرك ما هتعرفي..اذا كنتي خايفه على نفسك من الفتنه ممكن تنفصلي وتبدأي من جديد وما تعيشيش نفسك في توتر وتعب اعصاب.. هو مش هيتغير لأنه مش هيحتاجك الا لو حب يغير مزاجه يومين وطبعا أنسي موضوع الاطفال خالص مع الشخص ده #### في حاجات كتير غايبه عنك في علاقتك معاه وربنا يوفقك للصالح دائما وشغلي عقلك واعرفي اللي ليكي واللي عليكي وبالتوفيق.

اترك رداً أو حلاً لهذه المشكلة