انا متزوجة منذ حوالى سنة او اقل لاحظت على زوجى ان طريقتة بتتغير لما بيسافر للعمل , لما كنا مخطوبين كان دايما مهتم وبيتصل بيا على طول ودلوقتى مش مهتم بيا خالص زى الاول ومبيكلمنيش بالاسبوع؟؟ مع انى فى شهرى الاخير من الحمل وخلاص هجيب طفل ان شاء الله المفروض ن يتابع معايا ويكون جنبى فى اللحظات الصعبة دى خاص انها اول ولادة ليا انا مش عارفة فى اية بالضبط؟ هل هوا كدة بيعرف واحدة عليا مثلا ؟ مقدرش قول انة مفيش مشاكل بس بسيطة جدا وبنحلها سوا اول باول ؟ وكمان اللى مزعلنى انة واخدنى عن حب وانا حبيتة من كتر حبة ليا… بس دلوقتى انا مش قادرة افسر هوة بعيد عنى لية حتى انا بتصل بية مش بيرد عليا؟؟؟؟ فى نفس الوقت مش عايزة اظلمة مستنية ردكم ضرورى
مشاكل الازواج
زوجى بيتغير لما بيسافر
اضيف بتاريخ: Sunday, January 15th, 2012 في 15:47
كلمات مشاكل وحلول: الحب, الزوج, الزوجة, مشاكل الازواج
اختي مش عاوز اشكك في زوجك او اجعلك تسي الظن به لازم تعرفي بنفسك اسباب تغير زوجك عليك لمايسافرايش يمنع انه ياخدك معه اوتطلبي منه مرافقته عندما يسافر وعايزالثقة تكون موجودة بينكم في الحياة وماتخلي الشيطان يفرق بينكما الله يصلح حالكم ويوفقكم ويسعدكم ويرزقكم الخلفه الصالحه نشاالله
والله يا اختى انا نفسك تقريبا اول حمل واول سنه جواز وجوزى مسافر بس كل ما يحصل حاجه بينا يقولى اهلك موزيينك وكنت كل مره انا اكلمه واحل الموضوع وخلاص لكن لاحظت ان كل المشاكل بتبقى علشان خاطر اهله ساعات انتى مش بتروحى ليهم وشويه انتى مش بتكلميهم وشويه انزلى ساعديهم وحاجااااااااااااات كتييييييير خنقتنى لدرجه انى تعبت فى حملى واثر على صحتى وهو ولا اتصل ولا حتى سأل عليا قررت انى افكر فى نفسى زيه واكبر دماغى من الدنيا كلها وافكر فى المولود الجديد وسيبيهم يخبطوا دماغهم فى الحيط
أختي أنا لا أريد أن أشكك في زوجك حاولي قدر الامكان أن تسافري معه ولو سفرية واحدة في السنة ولفترة بسيطة قدر المستطاع ….راقبي تصرفاته هناك..الزوجة أعرف بزوجها..أنشاء الله لا يوجد ألا الخير
السلام عليكم
اختى العزيزه لاتظنى بزوجك ظن سيء واجعلي ظنك حسنا به وليس بعده عنك سببه وجود اخرى في حياته غيرك . احسنى الظن واتمنى لك التوفيق ,,,,,,
اولا ربنا ينتعك بالسلامة تانيا اكيد جوزك بيشوف بنات كتير فحاولي تكوني مغرية و خاصة لما يرجع من السفر و ممكن مدايق من حاجه بعيدة عن البيت حاجة في الشغل يعني حاولي تسئليه بس ما تلحيش في انك تعرفي لانو ممكن يتعصب و يدايق
شوفى بعد الجواز الموضوع بيقل شويه اى راجل كده بيبدا يهدى لانه خلاص ضامنك فى بيته
يعنى انسى الرومانسيه والكلام الحلو عمال على بطال وعيشى الواقع شويه دى الحقيقه للاسف لمعظم الرجاله بس مش معنى كده انه عرف عليكى واحده خصوصاانه واخدك عن حب استحاله قبل مايكمل سنه من الجواز يخونك طبعا انتى بس قدرى شويه تعبه وارهاقه فى شغله حاولى ماتبقييش لحوحه فى اتصالاتك وتبينى لهفتك عليه كل شويه انتى خليه يشتاقلك اكتر بهدوئك واتزانك وسؤالك على صحته وشغله وانتى بعيد عنه كمان احب اقولك ان بعد ماربنايقومك بالسلامه ان شاء الله حياتك هتتغير تماما بالنسبه لك وبالنسبه له انتى هيبقى اهم حاجه عندك فى الدنياهو طفلك واخد كل وقتك وهو كمان هيبقى عاوز يرجع علطول البيت عشان يعد من ابنه او بنته حياتكم كتير هتتغير المهم بلاش تدخلى نفسك فى دايره الشك عشان ماتدخليش فى اعراض اكتئاب الحمل اللى عاده بيجى قبل الولاده مباشره اشغلى نفسك بالبيبى وهدومه اللى حتحضريها وكل الحاجات دى واهتمى بنفسك جدا لماجوزك يكون معاكى لبس حلو مكياج برفان اوعى تبقى من الستات اللى تحمل خلاص ادت المهمه وتعد فى البيت ولاليها اى لزمه كانثى وربنايقومك بالسلامه
بقلكم سنه واحده بس وفى مشاكل بينكم اكيد انتى مزعلاه قوى لدرجه عدم اهتمامه بيكى لمده اسبوعحاولى عدم اختلاق مشاكل لما يرجع ممكن ف مشاكل ف الشغللاتزيدها بالمطالب الكثيره ممكن تكون ماديه شويه او تدخل اى طرف ثالث بينكم وربنا يهديكم لبعض بعد المولود
السلام عليكم بدل الحمد لله مش فى مشاكل كتير كنتى قوليلوا عمتنا هو الشغل مش تفضلى تقول عارف عليه وحده مش تخالى الشيطان يوسوسو انتى قوليلوا تفهمى معايا