مشاكل الازواج

زوجى يخيرنى بين الطلاق والعمل

انا مهندسة فى شركة حكومية تخرجت من جامعة خاصة منذ 3اعوام وامى صرفت علا فى العام 10000 جنيه وتعبت كثيرا اشتغلت بعد التخرج مباشرة و اتخطبت وانا فى الجامعة لقريبى احبه كثيرا وافق على الشغل بشرط انى بعد الزواج لو لقيت نفسى مقصر فى حقه او فى بيتى هسيب الشغل من نفسى انا حملت بعد الزواج مباشرة ورحت الشغل اول 7 شهور وبعديت خدت اجازات اخر شهرين وبعد كده 3 شهور الوضع دلوقتى هو عايزنى اقدم استقالتى وبيقولى انى مش هقدر اواظب وانى هقصر اتخنقنا ودخل اهلى فى الموضوع وعلا صوته وشتم واهلى حلفوا ميدخلوش ليا فى اى حاجة وطلعنى ادمهم مقصرة فى كل حاجة وانى مش مكفياه رغم انى بعمل كل حاجة انا بقدر عليها انا لا ضعيفة اوى ولا قوية قوى هو مدينى فرصة لغايى بكرة اما ارجعله انا وبنتى واكمل على اسلوبه وطريقته ومقولش لا غلى اى حاجة او كل واحد يروح لحاله ارجو سرعة الرد ؟

مشاكل وحلول ذات صلة

اضيف بتاريخ: Sunday, October 7th, 2012 في 10:27

كلمات مشاكل وحلول: , ,

9 رد to “زوجى يخيرنى بين الطلاق والعمل”

  1. ناصحs
    10/04/2013 at 01:58

    يا أختي انا ناصح ليك لوجه الله، أقسم لك أن نجاحك في تنشئة الجيل الصالح ذكورا كانوا أو انات أفضل لك بكثير من نجاحك في عملك.و أنا سأبين لك ان شاء الله ذلك بمعادلة بسيطة من شأنها أن تبين لك أي الدورين أهم، المهندسة؟ أم الام و الزوجة الصالحة؟.و ذلك من خلال اجابنك على السؤالين التاليين:
    1 ماذا سيحل بالمؤسسة التي تشتغلين فيها ان أنت قدم استقالتك؟
    2 ماذا سيحل بزوجك و ابنتك إن أنت اخترت الاستمرار في العمل؟
    وان كنت أريدك أن تجيبي انت بنفسك، لابأس ان أجيبك، بالنسبة للسؤال الاول سيتم توظيف مهندسة جديدة مكانك و انتهى المشكل.أما بالنسبة للثاني فلا يمكن لإمرأة على وجه الارض أن تحل محلك في بيتك و ستتضرر الاسرة من إهمالك لها، و لا تصدقي يا اختي من يقول أنك بإمكانك أن توفقي بين العمل و الاسرة، أبدا.
    فاي الجهتين تبرز مكانتك؟و أيهما أحوج اليك؟ و اعلمي أختي الغالية “أن حيثما تعلو مكانة المرء حيثما تنبت داته و أهميته و تزداد بالتالي تقته بنفسه”

  2. ابواميرة
    07/12/2012 at 23:55

    اختي المومنون على شروطهم والمثل يقول اللي اوله شرط اخره نور اذاكان زوجك اشترط عليك تسيب العمل بعد الزواج وانت وافقت على هذاورضيت به فمن حقه انك تترك العمل وتتفرغي لزوجك وبيتك وولادك واذالم يشترط فليس له الحق في منعك من العمل الافي حالة واحدة اذاكان مقتدراومتكفل بكل مطالب الحياة الزوجية

  3. elnsr
    15/11/2012 at 14:18

    الاخت الفاضلة … الحمد لله علي نمة التعليم العالي اولا .. ثانيا ممكن تاخذي اجازة عن العمل سنة وبعد ذلك انتي هقرري

  4. نونو
    02/11/2012 at 15:05

    أختي؛ واضح من كلامك أنكما اتفقتم على أن تضلي مدة تعملين و بعدين تتركين العمل؛يعني كان عليك أن تحطين النقط فوق الحروف لما إشترط عليك زوجك هذا الشرط،هذا في حالة إن كنتما في حاجة لهذا العمل ،أما إن كان زوجك مقتدر فلا مانع إذا تركته خصوصا و أنك أنجبت و اصبحت أم ،يعني طفلك في حاجة إليك أضيفي إلى ذلك إحتياجات زوجك ،لان من الصعب التوفيق بين العمل و البيت و التربية،فين كنتي أختي تحبين زوجك فلا مانع من التضحية في سبيل الإنعام ب الإستقرار في حياتك الزوجية و الله الموفق.

  5. ام صالح
    14/10/2012 at 20:13

    بدك نصيحة اخت عملك ما تتركيهز وحاولي اقنعي زوجك . او ازا راتبه مصرف عليكم ومكفيكم اقعدي فالبيت وارتاحي . انا برضو معلمه بنفس ضروفك وانت بتعرفي الانسب الك صراحه بشوف القاعدات فالبيت مبسوطات ومرتاااااااااحات اكتر منا زاحنا نشقى وما حد مقدرنا صح

  6. Mido
    10/10/2012 at 19:56

    الى الاخت السأله انصحك تعملى بنصيحه الاخ رامى هو انسان موضوعى جدا وكلامه ثقه ومحق فيم كل ما قال ولا تضيعى عملك بكل سهوله ولسببين الاول لقدر الله لو اختلفتى مع زوجك فى يوم من الايام وطلقك فهنا سوف تعيشين عالا على اهلك ولا على مين ونحن فى زمن صعب مفيش حد بيستحمل حد والسبب الاخر لقدر الله لو توفاه الله بعد ترك عملك من سيعولك انتى واطفالك انصحك بعدم ترك العمل واسمعى نصيحه الاخ رامى

  7. ♣♣♣ rami.1♣♣♣
    09/10/2012 at 21:23

    للاسف الشديد فيه نقطه مهمه جدا مقلتيش عليها زوجك بيشتغل ايه ؟؟؟ مهمه اوى لاكن غالبا فيه رجاله بيبقو اقل مستوى فى التعليم من الزوجه ودى بتغيظهم اوى ازاى ان مراتى تبقى اعلى منى والناس يقولولها يا باشمهندسه وانا مجرد ؟؟؟ فدى ممكن تعمل حزازيه فى نفس الراجل وباتمنى انو يكون عملو المهنى اعلى من عملك علشان نعرف نوضح كل الامور __ طيب نروح للنقطه المهم اوى فى الموضوع وهو انو عايزك تقدمى استقاله من الشغل طبعا فى الاول وفى الاخر الزوج لما يبقى كويس اخلاقيا وماديا وعمليا وعائليا بيبقى وقتها فى منزله الاهل وده بيعود عليه كمان بالخير فى المستقبل لاكن انا شخصيا ضد تماما الاستقاله لان غاية الانسان فى الدنيا مش الزواج وبس ؟ العلم افضل غاية فى الوجود وانتى حصلتى على كليه من كليات القمه وسهرتى الليالى الطوال حتى تحققى اهدافك وبمجهودك وتوفيق من الله وصلتى للمراد كونك تستقيلى كده انتى اتساويتى بام زبيده الى بتبيع الخضار على اول الناصيه والعلم الى اتعلمتيه لا هتنفعى بيه نفسك ولا هتنفعى بيه المجتمع __ ونصيحتى للمهندسه انها تتروى جيدا فى الاستقاله وافضل حل هى اجازه بدون مرتب وتمنسكى تماما بعدم تقديم الاستقاله حتى لو ادى الامر للطلاق لانو بكده ميبقاش متمسك بيكى انتى ده متمسك برايو وبس والحياه تفاهم يبقى لازم فى الاول تقعدو مع بعض وفكريه بالماضى ومع ابتسامات و وعبارات رنانه حسسيه ان الوظيفه لا تعنيلك فى شي لاكنها مثل حصاله بادخرها للزمن مش هاخسر حاجه اجازه وهاخد اجازه بدون مرتب وهاتفرغلك وللبيت لاكن متحسسنيش انى جاهله و وكانى متعلمتش وياريت نصيح ليكى ولغيرك متدخلوش حد بينكو وكل المشاكل هتتحل لوحدها الناس لما بتدخل لحل مشكله بين زوجين الخسران الوحيد هما الزوجين _ جميع المشاكل الزوجيه لا تحل الا بين الزوجين وبس وبتبقى فى هدوء تام _ انتى اتمسكتى بوظيفتك واقوليلو انا هاخد اجازه بدون مرتب بس الوظيفه متضيعش لو هو باقى عليكى هيوافق لو مش باقى اكيد هيتلكك وباتمنى ان ربنا يجمع شملكو على خير وحب وتفاهم وشكرا

  8. moaa
    08/10/2012 at 19:52

    اوعي تسيبي شغلك قدمي اجازه بدون مرتب لكن اوعي تستقيلي منه

  9. ام العيال
    07/10/2012 at 13:14

    اختي الحبيبة اسمعي كلام زوجك
    حد طايل يرتاح ده انا دايخة السبع دوخات طول اليوم دوام طويل وولادي بعاد عني مش بشوفهم الا اخر اليوم ومش بلحق اقعد معاهم وطول اليوم وهم مع البيبي سيتر بيحبوها اكتر لانها هي اللي بتربيهم اكتر مني
    والله لو الظروف كانت احسن كنت قعدت احسن
    فاسمعي كلام زوجك ويارب يوفقك

اترك رداً أو حلاً لهذه المشكلة