مشاكل الازواج

طالبته يصالحني بمراتي خربها

الموضوع مكتوب بطريقة مختلفة بس معبرة جدا
مشكلتي مع مراتي
انا عملت زي الشعب المصري في الثورة بالضبط, دخلت الجيش يحل الموضوع بيني وبين الحكومة الجيش وعدني بالحل وان الحكومة هاتبقي ملك الشعب بس الجيش كان ليه خطه تانية وطمع الجيش في الحكومة وخدها ليه ودخلت الدول الصديقة (اهل مراتي) تحل الموضوع مقدرتشي علي الجيش (اللي هو جوز اختها) ولحد دلوقتي مش عارف اخلعة وبوظ العلاقة بين الشعب (اللي هو انا) والحكومة (اللي هيا مراتي) وبقيت الحكومة مقتنعة بالجيش وماشية وراه زي الاعمي ومش عايز الشعب , وبردوا الشعب مش عايز الحكومة عشان هيا مش مقدراه ومشيت وراء الجيش , وفي نفس الوقت لا الشعب ولا الحكومة يقدرا يستغنوا عن بعض لان بينهم حجات مشتركة هاتضيع .

حد عنده حل للمشكلة دي ؟؟

مشاكل وحلول ذات صلة

اضيف بتاريخ: Sunday, October 9th, 2016 في 22:53

كلمات مشاكل وحلول: , , ,

4 رد to “طالبته يصالحني بمراتي خربها”

  1. ابوالبتول
    09/06/2018 at 22:12

    مع اني ارفض هذا التشبيه اللي انت تقوله ولااوافقك عليه تماما وعايزك تسمعني للاخر لو كنت فعلا تحب مراتك دي وعندك منها اولاد وفي بينكم وبين اهلك او اهل مراتك مشاكل وخلافات فحاول اصلاح تلك المشاكل والخلافات بشتى الطرق وان كنت ترى ان اهلك معاهم كل الحق وان زوجتك واهلها هم الغلطانين فعلا فلاتخسر اهلك علشان مراتك واهلها فالاهل عمرهم مايتعوضوا ابدا لكن الزوجة تتعوض يااخي وتلاقي احسن منها مليون مرة اتمنى انك فهمت كلامي ده واستوعبته جيدا وربي يؤفقك ويصلح حالك ويسر امورك ان شاء الله تعالى

  2. مسيحي حر
    05/03/2017 at 03:12

    رسالتك تستاهل الرد وجبتني عشان التشبيه
    أولا انا مسيحي وأفتخر عشان محدش يقول اني اخواني
    يا صديقي لو انت شايف انك مكنتش ظالم مع مراتك طلقها طالما مشيت ورا الجيش
    وأي ست بتتنطط حلاوة روح إنما لو وصلت للطلاق هتضرب اللي كان السبب بالجزمة وهترجعلك وتطلب هي السماح لو كنت أنت علي حق
    طبعا انا ما قصدتش انك تطلقها نهائي. لا انا أقصد طلاق مؤقت لاني عارف ان الست بيرعبها لقب مطلقة والحكمة بتقول لا يفل الحديد الا الحديد
    يا ريت كل الناس يمتلكو كارت الطلاق ده كانت حجات كتير اتغيرت ههههههههههه

  3. youssif
    16/11/2016 at 22:39

    حل المشكله انك تسافر سيب الشعب والجيش والشرطه 😀 وروح بلد تانيه

  4. دكتور فى الحب
    15/11/2016 at 14:03

    رسالتك يجب عدم الرد عليها من الاساس من قال لك ان الجيش طمع فى الحكومه والحكم وما علاقه مشكلتك بالجيش المصرى ز يا اخى عيب عليكم كفاكم حقد وحسد دا حاجه بقت تقرف بجد

اترك رداً أو حلاً لهذه المشكلة