مشاكل الازواج

اتخنقت من تصرفات زوجى وغيرته

انا متزوجه من شهرين فتره خطوبتنا كانت 5 شهور بس اتجوزنا وبعد الفرح ب 15 يوم سافر بره مصر هو اكبر منى ب 9 سنين انا عندى 21 سنه المهم انه فى فتره الخطوبه حصلت مشاكل كتير وكنا هنسيب بعض بس ربنا كرمنا وعدينا المرحله دى واتجوزنا بس كل يوم مشكله وكل يوم تلكيكه شكل وغيره لا تتطاق وعلى اتفه الاسباب يعمل مشكله ويقفل زعلان بيطلب انى افتح الكام واكلمه وعلى الرغم انى بتعب بس بعمله اللى هو عايزه ولو قولت كفايه تعبت بيزعل كل حاجه شايفنى بعملها غلط وهو بيغلط فى حقى كتير ومش بيعترف واليوم لما بقوله زهقت من تصرفاتك قالى سهله اطلقك وتروحى لواحد ميزهقكيش وكنت قايلاله على حبى القديم وكنت معاه صريحه فى كل حاجه بس بيخلينى اندم على صراحتى معاه انا رومانسيه جدا وبقوله كلام رومانسى وشعر كتير اعبرله عن اللى جوايا يقولى انتى بتاعه كلام وبس لما كنا مع بعض كنت بتعب معاه رغم انه طيب وحنين بس كنت بتعب ومكنتش بقول علشان مش يزعل ودلوقتى يوم حلو و3 4 وحش اعمل ايه حد يساعدنى انا دموعى اسبحت على خدى على طول وانا بحبه ومن درجه حبى بنام وصورته وهدومه فى حضنى وبتخيله جنبى ارجوكو حد يحس بيا ويقولى اعمل ايه وشكرا

مشاكل وحلول ذات صلة

اضيف بتاريخ: Saturday, October 21st, 2017 في 18:16

كلمات مشاكل وحلول: , , , , ,

3 رد to “اتخنقت من تصرفات زوجى وغيرته”

  1. البرنس
    23/08/2019 at 00:02

    يابنت ياعبيطة جوزك يحبك ويموت فيكي والغيرة دلالة على الحب الصادق يالله تشطري وخلفي لكم عيل يملا عليكم حياتكم بهجة وسعادة وتواصلي مع جوزك وهو بعيد عنك من خلال النت والموبايل عشان تشعريه بهذا الحب وتلك المشاعر وربنا يسعدكم ياقمر ولايحرمكم من بعض

  2. رجل بسيط
    24/10/2017 at 06:23

    اتحملي شويه يا اختي
    ولما ربنا يكرمكم بطفل اكيد حياتكم هتتغير للاحسن بكتير
    عليكي بالصبر
    وحاولي ترضي زوجك او تفهمي ايه اللي بيرضيه
    وربنا يصلح الحال

  3. ابوالبتول
    21/10/2017 at 21:51

    انتما لسه عرسان جداد وتنقصكما الخبرة الكافية لاجل التفاهم على حل الاشكاليات البسيطة التي تواجهكم في بداية حياتكما الزوجية لازم تعرفي تسعدي زوجك علشان تسعدي معه طوال العمر خليك عاقلة وفطنة وذكية جدا في تعاملك مع الزوج الكلام الرومنسي والمشاعر والعواطف مش كل حاجة لا الزوجة لازم تعرف تثير الرجل وتجذبه اليها بانوثتتها الطاغية وشوية دلع واغراء واثارة وملابس مثيرة ومشاركته في كل همومه ومتاعبه وعدم الانشغال عنه بامور اخرى ولاتكثري من الالحاح عليه في طلباتك او الخروج بدون اذنه حتى لوكنت عايزه تروح لااهلك وهو الان مسافر وبعيد عنك تواصل معه عبر النت والموبايل وابعثي له رسائل كلها حب وغرام واشتياق وصدقينى سوف تجدي زوجك يبادلك نفس المشاعر والاحسايس ويتمنى لو انك معه وربنا يؤفقكم ويسعدكم ويبعدكم عن المشاكل والخناقات ويهدي سركم ويصلح لكم الحال

اترك رداً أو حلاً لهذه المشكلة