أنا و زوجتي عشنا قصة حب أيام الخطبة و تزوجنا و عشنا حياه كلها حب و عندي ولد عمره 6 سنوات و بنت عمرها 3 سنوات و هناك مشاكل كانت تحدث خلال حياتنا لأنو أنا مشكلتي عصبي و حدثت بعض المشاكل التي لا تتجاوؤ الخمس مرات أتذكر أنني ضربتها فيها ثلاث مرات و لكن و الله العظيم كنت أندم مباشرة بعد المشكلة و أنسا إلي عملتو و كنت أبكي في حضنها و كنت أطلب منها إنها تصالحني كانت حياتنا قائمة على الإحترام و كنت أدافع عنها دائما حتى في وجه أهلي و كانت تحبني و أحبها حبا كبيرا و في يوم من الأيام سألتني عن رسالة قد جاءتها على حسابها من الفيس بوك و هذه الرسالة مكتوب فيها (( إنتي مين … أكيد إنتي بتعرفيني …. إذا بدك منعمل علاقة جدية )) فأجت و سألتني و اتهمتني إني أنا عامل حساب جديد و إنو أنا بعتلها هاي الرسالة و أنا في وقتها حكيتلها إنو كيف بدي أكون أنا ؟؟؟ و اقتنعت بحكيي و نسينا الموضوع و حكيتلها إنو أنا راح أعملو بلوك من عندك و راح أقدملو طلب صداقة من عندي عشان أعرف مين هادا الشخص …. و بعد فتره قصيرة سألتني كمان مرة بهدوء و جاوبتها كمان مرة إنو مش إلي و لكن مشكلة زوجتي إنها كتير شكاكة و بتشك فيي على الرغم من حبها الكبير بداعي إنو غير …. و نسينا الموضوع
و بعد فترة حكتلي إنو هيي بدها تزور أهلها عشان تاخد حقها من الورث و إنو هيي ما راح تغيب غير 10 أيام و ما فيه أي مشكلة بينا بل بالعكس كانت كتير مهمومة إنو كيف بدها تتركني لحالي و كانت مشتاقة إلي قبل ما تسافر …. و اتفقنا إنو يضل عندي إبني عشان يسليني بوحدتي
و لما سافرت ضليت على إتصال معها لمدة عشر أيام و كنت أطمن عليها
ولكن أخر يوم لما حكيت معها و صار الحكي إنها خلصت شغلها و بدها تروح بعدها بساعة بعتتلي رسالة و حكتلي إنو إلي بيني و بينها إنتهى و هيي هلا متهمتني بالخيانة و إنو أنا ما بسمعها في وقت المشاكل و إنو أنا بسب عليها مسبات وسخة و بضربها و هيي مش واثقة فيي و الله المشاكل منتهية و ما بعرف شو صار معها لتحكي بهالطريقة و رافضة ترجع لانها مش واثقة شو راح أعمل فيها بعد ما حكت كل هادا الحكي في الأردن و هيي مش واثقة فيي بالمرة و ابني دخل الصف الأول و أكيد هوي بحاجة لأمو .؟؟؟؟
شو أعمل يا ناس هل معقول إنو ما راح ترجع و شو أعمل أنا ……. شو أعمل …. يارب
مشاكل الازواج
زوجتي تركتني فجأة واتهمنتي بخيانتها بدون سبب
اضيف بتاريخ: Tuesday, December 12th, 2017 في 13:13
كلمات مشاكل وحلول: الخطبة, الزواج, الفيس بوك, بنت, زواج, قصة حب
اخي صحيح اللي اختشو ماتوا زوجتك هي الخاينة يااستاد وبدها تلقي التهمة عليك وهي المظلومة والضحية فوق ولاتكن ساذج ومغفل لهذة الدرجة مش الرسالة اجت على حسابها في الفيسبوك اذا هي المقصودة مش انت ومسالة سفرها لعند اهلها وقولها لك انو اللي بينكما انتهى فهي تريد الهروب منك عشان ماتفضح نفسها وتخليك انت الخاين في نظر اهلها عندما يسالوها ليش بدك تتطلق فمن وجهة نظري انك تطلب منها العودة وانك عرفت الحقيقة بالكامل وخبرها انك عرفت الشخص اللي بعث لك الرسالة وتكلم معي وقال لي كل شي وصدقني سوف تنهار وتعترف لك بكل شي وتطلب منك السترعليها امام اهلها ماتعرف ان كيدهن عظيم اتمنى انو تتضح لك الحقيقة وتعرفها وعندها لك حرية القرار ان طلعت خاينة فعلا فمن حقك تطلقها ان اردت وومن حقك تسامحها وتعطيها فرصة اخيرة لاجل يتصلح حالها