اتجوزت بسرعة بدون تفكير من واحدة مطلقة وعندها 5 اولاد وطيلقها كان مسجون بس هي كانت انسانه طيبه وصغيره جذبتني العاطفة نحوها وتزوجنا في الاول عرفي وبعدين تحول الزواج العرفي الي شرعي وعشنه اكثر من 3 سنوات علي امل انها هتغير من الطبع السيئ الي الاحسن خسرت اهلي ومن حولي عشانها لان كان في داخلي حب كبير اوي ليها هي انسانه طيبه عقلها مثل عقل الاطفال العيب الوحيد فيها مش نفس طباعي ومن قسوة الظروف والحياة عليها ادمنت البرشام وكانت حياتي معاها خلال السنين الماضية مشاكل واهانات مستمره بس حبي ليها كان بيغفر ليها لحد ما انجبت منها طفله عمرها دلوقتي 50 يوم وزادت المشاكل اكتر من الاول، عندها ام حسبي الله ونعمه الوكيل فيهن عاوزة زوجتي تفضل في حظنها زي باقي الاولاد عشان هي تكون امهم زي الباقي لان الخمسه اللي من زوج مراتي السابق هي الي مربياهم وهما اولاد ذكور ولما جات البنت الي بتتمناها بتقسي بنتها عشان تاخد بنتي وتتطلق مني
انا اعمل خارج مصر ومش مقصر في اي شيء بيحتجوه من سواء بنتي او امه وحماتي خربت بيتي بكلامها لمراتي وفي الاخر عاوزين بنتي تعيش معاهم وانا ابعد عنها انا عاوز حل اخد بنتي من العالم دي واخليها تعيش معايا واعملها مستقبل تفتخر بيا لما تكبر وتعوضني عن الاسي الي شفتو من اهانات وبهدله وربي عالم اني حاولت اصلح في مراتي علي اد ما اقدر عشان نعيش حتي سعدا للبنت مفيش فيدا قلولي القانون ممكن يقف في صفي ضدت الناس دي
مشاكل الازواج
مراتي وحماتي عايزين ياخدوا بنتي مني ويبعدوها
اضيف بتاريخ: Wednesday, December 20th, 2017 في 21:59
كلمات مشاكل وحلول: اطفال, الزواج, حب, زواج, شاب, طفل, مصر, مطلقة
يااخي العزيز انت تقول ان مراتك انسانة طيبة ومحترمة وتحبك وانت كمان تحبها والظروف خلتها تدمن البرشام وده علاجه بسيط وتقدر مراتك تتعافي منه وترجع احسن من الاول بكثير مش عاوزك تفكر في طلاقها اصبر عليها ولاتنسى انها ام بنتك الصغيرة والدين والقانون لايعطوك الحق ان تاخذها من امها الحضانة تبقى مع الام حتى تكبر البنت ويلزومك بالنفقة عليها فكر في كلهذا وفي مصير بنتك الصغيرة حرام تحرمها منك ومن امها لاذنب لها ان خرجت للدنيا وظروفكم بالشكل ده ومسالة حماتك دي ست كبيرة تعامل معها كانها زي امك وماتزعلش منها او تتضايق اعز من الولد ولد الولد وهي تحب اولاد بنتها من الزوج السابق وكمان فرحانة بنتك الصغيرة وعايزة تربيها زيما ربت اخواتها الذكور عايزك تتقرب من حماتك وتحسن معاملتك لها وتخليها تحبك وتعزك وصدقني سوف تكون احن عليك من امك اللي ولدتك اذا شافتك راجل تعرف الاصول وتعزبنتها وتحترمها ومش مقصر معهم في شي والله يصلح لكم الحال ويسترعليكم ويبارك لك في زوجتك وبينتك الصغيرة ويحفظهم لك ولايحرمك منهم ابدا ويرزقك برزقهم ويسعدكم طوال العمر