مشاكل الاصدقاء

اعز اصدقائي حائل بيني وبين حبيبي

انا عندي 19 سنه…. بس انا اغلبيه الوقت لوحدي يعني معنديش اصحاب خالص …. هي الحكايه طويله شويه ….. انا من وانا صغيره وانا معنديش اصحاب كتير وكنت لما بصاحب حد كنت بصاحبه قوي ومبكنش عايزة حد غيره ….. انا عندي كان صحبتين وكنت بحبهم قوي وبصراحه لحد دلوقتي بحبهم قوي لدرجه اني مش عاره اتعامل مع حد غيرهم لان فيهم واحده صاحبتي من واحنا في ابتدائي والتانيه قريبتي بس من بعيد …. كنا علي طول مع بعض يعني لما تلاقي واحده فينا تعرفي ان الاتنين موجدين علي طول من غير كلام ….. بس حصلت مشاكل كتبر بيني انا وقريبتي لدرجه انا الاهل دخلوا في الموضوع ووصلت ان احنا فضلنا شهرين متخاصمين … ونفسيتي تعبت قوي لان صاحبتي التانيه بعدت عني هي كمان مع ان هي كانت بتقول ان انا مش غلطانه في اي حاجه عشان اصلا هما عارفين انا انا مبحبش المشاكل ولا بحب ابعد عنهم ….. وبعدوا عني وفضلت لوحدي … وبعد فتره زاروني في البيت عشان يصالحوني وصالحتهم عشان انا كنت تعبانه من غيرهم قوي … بس بصراحه ماما مكنتش موافقه عشان كانت خايفه يعملوا كده تاني بس هي مش قالتلي مش تخاصميهم قالتلي كلميهم عادي بس مش زي الاول…. وانا مسمعتش كلامها وكلمتهم من وراها وفضلت كده مده لغايه لما اقنعتها انا هما مكنش اصدهم حاجه وان هما بيحبوني زي ما بحبهم …… بس المشكله بدات تاني …. عشان انا حبيبي ابن عمته قريبتي بس حصل بينا مشاكل كتير قوي بسببه وهي بدأت تضايق منه وانا حسيت بكده قوي بس مكنتش بقول حاجه عشان هو حبيبي وهي صاحبتي وفضلت مستحمله سنه كامله كل المشاكل دي بس عشان انا بحبها ومش عايزه اخسرها لاي سبب وبعد كده خلصنا ثانوي وخلاص احنا دلوقتي داخلين الجامعه والحمد لله كلنا دخلنا كليات قمه يعني محدش احسن من حد ….. بس بعد فتره صغيره مبقاش في كلام بينا خالص من غير اي سبب …. وصاحبتي التانيه بتكلمني عادي بس طبعا معاها هي اكتر مني مع ان هما الاتنين كانوا بيتكلموا علي بعض ليا وانا كنت بسكت ومش بقول حاجه وبعدين هما في الاخر بقوا مع بعض وانا لوحدي ….. المشكله بقي ان انا كل لما اكلم حبيبي احس ان صاحبتي واقفه بينا وافتكرها وافتكر اللي عملته فيا من غير اي سبب …. وانا مش عارفه اعمل ايه؟؟؟؟ هو بيحبني قوي وبيقولي انتي مش غلطانه في حاجه هما اللي خسروكي وانا معاكي وهو اصلا مش بيفتكرها ولا بيجبلي سيرتها خالص ….. بس انا كل لما اكلمه افتكرها وساعات بفكر ابعد عنه بسببها عشان انا بجد تعبت نفسيا بسببهم …. ياريت حد يقولي اعمل ايه ؟؟؟؟ انا اكون غلطانه لوبعدت عنه بسببها ولا ايه ….. انا بس عايزة استريح من اللي انا فيه. شكرا…

مشاكل وحلول ذات صلة

اضيف بتاريخ: Saturday, September 3rd, 2011 في 05:07

كلمات مشاكل وحلول:

5 رد to “اعز اصدقائي حائل بيني وبين حبيبي”

  1. ايمان
    13/09/2011 at 18:27

    من حبينا حبيناه وصار متاعنا متاعة
    ومن كرهنا كرهناه يحرم علينا اجتماعة

  2. بحبك يا آحمد
    12/09/2011 at 03:02

    بصي انا مش عايزه اتكلم على صاحبتك دي بس مهما كان دا خطيبك وميصحش تنقلك احساسها انها متضايقه منه .. هي مالها وماله فلتقل خيرا او لتصمت هيا غلطانه .. وانتى شكلك مخلصه اوي ووفيه عشان كدا صحابك بيستغلوا النقطه دي فيكي .. وكمان لما واحده منهم تيجي تتكلم معاكي على صحبتكو التالته تاكدي انها بتتكلم عليكي معاها من وراكي بردو يعني دول مينفعوش صحاب اصلا وكل واحده عماله تغتاب التانيه .. هديكي الزتونه وهي صاحبي بنات غيرهم مادام هما مطنشينك وخلاص عملوا عليكي عصابه بيتكلموا هما وسايبينك يبقى اللي مش عايزني مش هعوزه .. وربنا يتمملك على خير ياقمر

  3. sozy
    11/09/2011 at 02:46

    ملكيش دعوة بصحابك لانهم مش حينفعوكى واهم حاجة اللى انتى بتحبيه طالما هو بيحبك ومتفكريش فيهم وان شاء الله تلاقى احسن منهم وحد يستاهلك بجد

  4. احمد ميدو
    06/09/2011 at 12:21

    بسم الله الرحمن الرحيم اختى العزيزه اولا فى كلامك ان حبيبك ده بيحبك ومش بيفكر فى غيرك علشان كده لازم انتى كمان متفكريش فى حاجه غيره مهما كانت ده غير ان اهم حاجه مستقبلك ودراستك اهم حاجه وثانيا انتى بتقولى ان انتى مش غلطانه معاهم يبقى تكلميهم عادى وتطمنوا على بعض وعامليهم زى ما بيعاملوكى وان شاء الله ربنا هيعوضك باللى احسن منهم ويخلصوا لك ويحبوكى اكتر منهم

  5. ويزو
    05/09/2011 at 11:50

    وحبيبك ماله ومال البنت دى مش تعاقبى الا نفسك لانك اخترتى غلط

اترك رداً أو حلاً لهذه المشكلة