انا كان لى واحد صديقى واعتبره لى أخا ولكنه قال لأختى انه يحبها فغضبت من ذلك جدا لدرجة انى قولت له الصداقة انتهت ولكنه اتصل بى كثيرا واغلقت فى وجهه كثيرا لا أعرف اكلمه أم لا
مشاكل الاصدقاء
انتهت علاقتي مع احد اصدقائي بسبب حبه لاختي
اضيف بتاريخ: Wednesday, December 8th, 2010 في 10:18
كلمات مشاكل وحلول: الاصدقاء, الصداقة, مشاكل اجتماعية, مشاكل الاصدقاء
و لما هو بيحبها ليه ماجاش يطلب ايدها منكم زي ما الناس بتعمل و لا هو الحب اليومين دول كلمه بيقولها اي واحد للبنت و خلاص!! للاسف هو ما احترمش الصداقة اللي بينكم و راح قالها انه بيحبها من وراك و دي غلطة كبيرة
انا بعتقد انه لو صادق ووقع حب اختك فى قلبه كان المفروض يقولك ومكنش ابدا يعمل كده بس اسمع منه يمكن عاوز يقولك حاجة انتا متعرفهاش
اكيد انت بردو ليك مشاعر وبتحب حد وهو مشاعرة جت لاختك لو انت متاكد انة محترم مفيهاش حاجة لو سبتة يكلمها وعلى الاقل ميبقاش من وراك
لا تأسف على عزيزي على تركك لصديق خائن لأنه وبإختصار شديد لو كان يقدر الصداقة أو كان يعتبرك أخا كما إعتبرته أنت لإعتبر أن أختك أخت له ولم يسمح للشيطان بأن يوسوس له ليقوم بهذا الفعل السيء .. أخي العزيز لن تعجز عن إيجاد صديق طيب ومحترم مثلك حتى وإن أخطأت من قبل في إختيار صديقك الخائن الذي لو أعدت العلاقة فيما بينكما فستكون قد إرتكبت أكبر خطأ في حياتك وقد أهدرت كرامتك فعليك في هذه الحالة إستخدام عقلك وليس هوى قلبك سواء في هذه الحالة أو في المستقبل حين تختار الأصدقاء .. أسأل الله أن يكتب لك من الأصدقاء الطيبين والمحترمين أمثالك
لو صحبك بيحبك مكنش هيعمل كده وكنش هيكلمها من وراك والى يبيعك بيعو ومتندمش على الى راح لان فى غيرو احسن منو جاى دى حاجه الحاجه التانيه اختك يا ترى هيا بتبوصلو ولا بتكلمو وممكن تكون هى بتحبو وف الحلتين انت الغلطان لانك امنته على اسرارك وخليته يخش فى حياتك ويعرف اختك
وايه فيها انه حاول يلفت نظر اختك مش عيب وانتا اكيد بطبعك انك انسان محترم واكيد صحبك محترم زيك يبقه ماتسبهوش وشوف هو غرضه ايه لو كبير يبقه ممكن عاوز يتزوجها ولو لسه صغير يبقه معجب باختك العيب لو هو عمل حاجه من وراء ظهرك