انا اتعرفت على صاحبتى من حوالى اربع سنين لاننا ف نفس الكلية ومن نفس البلد وبقينا اصحاب جدا وبقيت بعتبرها اعز صديقة عندى وبخاف عليها جدا لدرجة انى كنت بستناها لما تتأخر ف السكاشن علشان متروحش لوحدها بالليل بالرغم انى بخلص بدري ودا على مدار ال3 سنين اللى فاتوا هى دايما مواعيدها متأخره وانا استناها وكنا بنخرج للكلية مع بعض دايما السنادى بقي انا اللى بتأخر ف السكاشن بس للعصر مثلا مش بالليل زيها وبحسها مش بتبقى عايزة تستنانى خالص وبتضايق لما اتأخر شوية وكمان السنادى مش بنخرج للكلية مع بعض بسبب اختلاف المواعيد ماعدا يوم واحد ف الاسبوع وكنت بدأت احس انها بدأت تبعد عنى وتقضى معظم وقتها مع اصدقاء اخرين اكتر من الوقت اللى بتقضيه معى المشكلة بقى ان اليوم اللي المفروض نخرج فيه مع بعض للكلية بيكون مثلا الساعة 11 صباحا انا ف اليوم ده اتصلت غليها ف البيت مفيش حد رد خالص واتصلت على تليفونها اكتر من مرة برده مفيش رد قولت اكيد نايمه فانتظرت شويه وبعد كده اتصلت على البيت لقيت مامتها بتقولى انها خرجت من بدري حوالى 8 صباحا ف انا ف زعلت جدا ومقدرتش اروح الكلية وقولت اكيد لما ترجع هتتصل تعتذر برده محصلش فانا اتصلت عليها بالليل علشان اعرف ليه كده لقيتها بتقولى عادى انا كنت متفقة مع اصحابى اننا نروح بدري .. انا دلوقتى حصل مواقف منها كتير بتحسسنى ان بالنسبه لها عادى ف الوقت اللى هي عندى كل حاجة وبقالنا يومين مش بنكلم بعض وانا بجد مش قادرة اكلمها ونفس اعرف انا بالنسبالها ايه والموضوع ده مسيطر على تفكيرى تماما ……….قولولى انا المفروض اعمل ايه ولا انا مش من حقى ازعل وانا اللى مكبرا الموضوع …..
مشاكل الاصدقاء
صاحبتي بدات تهتم باصدقائها الاخرين وتركتنى
اضيف بتاريخ: Sunday, April 21st, 2013 في 21:28
كلمات مشاكل وحلول: بنات, مشاكل الاصدقاء
السلام عليكم
حبيبتي انتي من النوع الي بيقولو عنو الصديق الحقيقي فلا داعي للزعل و القلق أنصحك بان تفاتحي صحبتك في الموضوع تعزميها لعندك او تروحي لغاية عندها و تعالجي المشكلة معها و تحاولي تعرفي سبب نفورها منك و انو انتي دايما محافظة على صلتك بها بينما هي مهملاكي و ادا توصلت الى حل معها يعني تعتدرلك بعد ما تعرف انها مقصرة في حقك كصديقة عزيزة عليها ممتاز و ادا عرفت انها تتجاهل الامر و هي لا تبالي و لا تقدر هدة الصداقة و المحبة منك الها و لا تظن بك الظن الحسن فنصيحتي انك تنسحبي من هده الصداقة بصمت بدون ما تجرحيها و لا حتى تعاتبيها و تأكدي بيجي اليوم الي راح تندم عليكي و خصوصا في هدا الزمن قليل ما نجد اصدقاء أوفياء ومخلصين و في الاخير احييك على وفائك و ربنا يعوضك من هي أحسن منها و أعتبريني صديقتك .